SAN LUCAS 14:13 - Dios Rimashcata Quillcashcami

¹³ Ashtahuanpish jatun micuita ruhuashpaca, huacchacunatapish, ungushcacunatapish, suchucunatapish, ñahui mana ricuccunatapish cayangui.

Nuevo Testamento en Quichua Cañar 1996

¹³ Ashtahuanpish shuc jatun micuita carangapac c'ayashpaca, huacchacunatapish, mana imata ruhuaipaccunatapish, suchucunatapish, ñahui mana ricuccunatapish c'ayangui.

SAN LUCAS 14:13 Iomraidhean Croise

2 SAMUEL 6:19

Shina ruhuashpami, tucui chaipi cac Israel huarmicunamanpish, caricunamanpish cada shucman shuc tandata, asha aichata, shuc pasas tortatapish cararca. Chai quipami, tucui israelcunaca paicunapac huasicunaman cutirca.

2 CRÓNICAS 30:24

Chai micuita ruhuangapacca Judá llactata jatun mandac Ezequiasmi chaipi cac tandanacushca gentecunamanca huaranga huagrata, canchis huaranga ovejata curca. Shinallatac caishuc mandaccunapish huaranga huagrata, chunga huaranga ovejatami curcacuna. Shinallatac chai punzhapica achca curacunami Diospaclla tucushpa imatapish allichirca.

NEHEMÍAS 8:10

Chai quipa paicunataca: «Cai punzhaca ñucanchic jatun Diospac chicanyachishca punzhami. Chaimanta alli micunacunata micuichic, mishqui vinotapish ubiaichic. Ima micunata mana chariccunaman micunata cachaichic. Mana llaquirinachu canguichic. Ashtahuanpish Mandac Diosmi cushichishpa sinchiyachin» nirca.

NEHEMÍAS 8:12

Paicunaman yachachishca shimicunata entendishpami, tucui gentecuna micushpa, ubiashpa, shuccunamanpish carashpa, yallita cushicungapac rircacuna.

JOB 29:13

Ña huañugricucca paita ayudashcamantami ñucata bendiciarca. Viuda huarmi huacacucpipish cushichircanimi.

PROVERBIOS 14:31

Imatapish mana chariccunata llaquichishpa causacca paita ruhuac Diostami llaquichin. Ashtahuanpish ima mana chariccunata llaquic runaca Diostami alli nin.

PROVERBIOS 22:9

Cuyac shunguhuan ricuc runaca bendiciashcami canga. Huacchacunaman carashcamantami chashnaca canga.

ISAÍAS 58:10

yarcaihuan caccunaman caracpi, shungupi llaquilla causaccunata cushichicpica, pura tuta cashpapish achicyangami. Pura tutaca chaupi punzha shinami canga.

ISAÍAS 58:7

Yarcaihuan caccunaman caranami canguichic. Huasita mana chariccunata pozachinami canguichic. Churana illaccunaman churachinami canguichic. Cambac huauquita ayudanami canguichic.

SAN MATEO 15:30

Chaipi tiyacucpimi, achca gentecuna suchucunatapish, ñahui mana ricuccunatapish, maqui illaccunatapish, mana rimaccunatapish, shuctac ungushcacunatapish apamushpa, Jesuspac ñaupapi churarca. Chashna apamucpica, tucuitami alliyachirca.

SAN MATEO 22:10

Chaimantami serviccunaca ñancunaman llucshishpa, pipish ricuricta alli cachun, mana alli cachun bodaman cayamurca. Chashnami boda huasipica jundachirca.

SAN LUCAS 11:41

Cancunaca imalla charishcata huacchacunaman caraichic. Chashna cushpami jahuashca shina chuyanlla canguichic.

SAN LUCAS 14:12

Jesusca micuiman cayac runataca: —Micungapac cayashpaca, ama cambac ricsishcacunallata, huauquicunallata, familiacunallata, chayuc vecinocunallata cayanguichu. Pacta paicunapish canta cayashpa, can carashcamantaca cutichinman.

SAN LUCAS 14:14

Chashna mana cutichipaccunaman carashcamantaca, cushicunguimi. Chaica, cashcata ruhuaccuna causarimui punzhapimi, Diosca canmanca cutichinga— nirca.

SAN LUCAS 14:21

Chaimantami chai amo cachashca runa cutimushpaca, amoman huillarca. Chashna huillacpi, amoca yallita piñarishpaca: “Shinashpaca, plazacunapi, ñancunapi puricuc huacchacunatapish, ungushcacunatapish, suchucunatapish, ñahui mana ricuccunatapish utca cayamugri” nishpa cacharca.

HECHOS 9:39

Chaimantami Pedroca jatarishpa paicunahuan rirca. Pai chayacpica, huañushca velaricuc ucumanmi pusharca. Chaiman chayacpimi, viuda huarmicunaca Dorcas causacushpa ruhuashca churanacunata Pedroman ricuchishpa, muyundita shayarishpa huacarca.

DEUTERONOMIO 14:29

Chaitami cancunahuan pacta mana allpata japishca, imata mana charic levitacunapish, pozashpalla causaccunapish, taita mama illac huahuacunapish, shinallatac cancunapac llactapi causac viudacunapish huicsa pactata micunga. Chashna cacpimi, Mandac Diosca cancuna imata ruhuacpipish bendicianga.

DEUTERONOMIO 16:11

Mandac Dios paipac shutita causachun acllashca pushtupimi paipac ñaupapi cancunapac churicunahuan, ushicunahuan, servic caricunahuan, servic huarmicunahuan, cancunapac llactapi causac levitacunahuan, shuctac llacta runacunahuan, taita mama illaccunahuan, cancunapac llactapi causac viudacunahuan cushicuna canguichic.

DEUTERONOMIO 16:14

Chai fiestapica cancunapac churicunahuan, ushicunahuan, servic caricunahuan, servic huarmicunahuan, chaipi causac levitacunahuan, shuctac llacta runacunahuan, taita mama illaccunahuan, cancunapac llacta causac viudacunahuan cushicunguichic.

1 TIMOTEO 3:2

Ashtahuanpish tandanacushca criccunata pushacca, pi mana juchanchishca alli causac, shuc huarmiyuclla, alli yuyaita charic, alli nishca, huasiman chayaccunatapish alli chasquic, yachachinatapish alli yachachic,

1 TIMOTEO 5:10

Paicunaca huahuacunata alli huiñachishca, huasiman shamuccunatapish alli chasquic, llaquilla causaccunata cushichic, criccunapac chaquita jahuac, shinallatac imatapish allita ruhuashcacunami cana can.

TITO 1:8

Chai mana allicunata ruhuanapac randica, huasiman maijan chayacpipish alli chasquic, imatapish allita ruhuac, cashcata ruhuac, Diospaclla chicanyarishca, alli yuyaiyuc, shinallatac tucui ima millaimanta quiquinllatac jarcaric,

FILEMÓN 1:7

Cuyashca huauqui, cambac cuyaihuanmi Diospaclla cac tucui criccunataca cushichishcangui. Chaimantami ñucapish cushicushpa, Diospacta ruhuana yuyailla cani.

HEBREOS 13:2

Huasiman chayaccunata alli chasquinguichic. Maijancunaca pi cashcata mana yachashpa chasquishpami, angelcunata chasquishca carca.