SAN LUCAS 12:47 - Dios Rimashcata Quillcashcami

⁴⁷ Maijan servicpish amo mandashcata uyashca jahua, mana cazushpa mana ruhuashcamantaca, yallitami macashpa, llaquichishca canga.

Nuevo Testamento en Quichua Cañar 1996

⁴⁷ Shinallatac maijan servicpish amo mandashcata uyashca jahua imata mana cazushpa mana ruhuashcamantaca, yallitami macashpa, llaquichishca canga.

SAN LUCAS 12:47 Iomraidhean Croise

EZEQUIEL 9:6

Ñucapaclla huasipi caccunamanta callarishpa yuyaccunatapish, mosocunatapish, huarmicunatapish, huahuacunatapish tucui huañuchichic. Ashtahuanpish señalta chariccunapacmanca ama cuchuyanguichicchu» nirca. Shina nicpimi, Diospac huasi ñaupapi cac yuyaccunamanta callarishpa huañuchirca.

SAN LUCAS 12:41

Chashna nicpimi Pedroca: —Apunchic Jesús, chimbapurashca parlota parlashpaca, ¿ñucanchicllamanchu, mana cashpaca tucuimanchu parlangui?— nirca.

SAN LUCAS 12:46

Chashna ima punzha, ima horas shamunata mana yachashpa puricucpimi, cungailla amo chayamunga. Chashna chayamushpaca, caishuc mana cazuccunata shinallatacmi, huañucta macachishpa llaquipi churanga.

SAN JUAN 12:48

Maijanpish ñucata piñashpa ñuca rimashcata mana cazucca, taripashcami canga. Ñuca rimashcallatacmi, tucuri punzhapica juchanchinga.

SAN JUAN 19:11

Shina nicpimi Jesusca: —Dios mana canman cushca cacpica, ñucataca imata mana ruhuai pudinguimanchu. Shina cacpipish ñucata japichicmi canta atishpa yalli juchayucca— nirca.

SAN JUAN 9:41

Shina nicpimi Jesusca: —Ñahui mana ricuccuna cashpaca, manachari juchayuccuna canguichicman. Ashtahuanpish “ricushpami causacunchic” nishcamantacarin, juchayuccunami canguichic— nirca.

HECHOS 17:30

Diosca utcaman runacuna mana yachashcamanta juchallishcataca cungarircami. Ashtahuanpish cunanca tucui cai pachapi causaccuna juchayuc cashcamanta llaquirishpa, paipacman cutirichunmi mandan.

SANTIAGO 4:17

Maijanpish allita ruhuana cashcata yachashca jahua mana ruhuacca, juchayucmi tucun.