SAN LUCAS 12:28 - Dios Rimashcata Quillcashcami

²⁸ Mana tucui shunguhuan cric gentecunalla, cunanca allpapi sumacta huiñacun, cayaca ninapi rupachishca cana quihuatapish, Diosca sumactami huiñachin. ¡Cancunamancarin, chai quihuamantapish yallimi churachinga!

Nuevo Testamento en Quichua Cañar 1996

²⁸ Mana tucui shungumanta cric gentecunalla, cunanca allpapi alli sumac, cayaca ninapi rupachishca cana q'uihuatapish, Taita Diosca chashna sumacta huiñachinmi. ¡Cancunamancarin, chai q'uihuamantapish yallimi churachinga!

SAN LUCAS 12:28 Iomraidhean Croise

ISAÍAS 40:6

Shuc rimashca uyarishpaca: «¡Caparishpa huillaiyari!» nirca. Shina nicpimi ñucaca: «¿Imapactac caparishpa huillashayari?» nircani. Shina nicpimi: «Tucui gentecunaca quihua shinallami. Paicuna sumac cashcapish pambapi tiyac sisa shinallami.

SAN MATEO 14:31

Shina caparincami Jesusca, Pedrota maquimanta japishpaca: —¿Ima nishpatac ñucata mana tucui shunguhuan crishpa, mancharcangui?— nirca.

SAN MATEO 16:8

Chaimantami Jesusca: —Mana sinchi cric runacunalla, ¿ima nishpatac “manamari tandata apamushcanchic” ninacunguichic?

SAN MATEO 17:17

Chaimantami Jesusca: —¡Aij, mana cric millai gentecunalla! ¿Ima horacamantac cancunamanca yachachicushalla? ¿Maicamantac cancunahuanca llaquita apacushalla? Huambrata pushamuichic— nirca.

SAN MATEO 17:20

Shina nicpimi Jesusca: —Cancunaca, mana tucui shunguhuan cricchu canguichic. Cancuna crishca shuc uchilla mostaza muyu shinallapish cacpica, cai urcuta “caimanta chimbaman ri” nicpica, rinmanllami. Chashna ashallatapish cric cashpaca, imapish ruhuanguichicmanmi. Chaica chashnatacmi can.

SAN MATEO 6:30

¡Mana tucui shunguhuan cric gentecunalla! Cunanca sumacta sisacuc, cayaca ninapi shitanalla quihuacunatapish huiñachic Diosca, ¿manachu cancunamanca ashtahuan yallita churachinga?

SAN MATEO 8:26

Chaimanta Jesús riccharishpaca: —Mana tucui shunguhuan criccunalla, ¿ima nishpatac yallita mancharicunguichic?— nirca. Chaimantami Jesusca jatarishpa yacutapish cuchatapish rimarca. Shina rimacpica, huairapish, cuchapish casilla tucurcami.

SAN LUCAS 8:25

Jesusca yachacuccunataca: —¿Ima nishpatac ñucata mana cringuichic?— nirca. Chashna nicpimi, yallita mancharishpa, caishuc chaishuc tapunacushpaca: —¿Pitac cai runa? Huairapish, yacupish pai nishcataca cazunmi— nishpa nircacuna.

HEBREOS 6:7

Allpaca achca tamya urmacpica, yacuta sungashpa trabajac runaman alli granota pucushpa cunmi. Chashnami Dios bendiciashcata japincuna.

1 PEDRO 1:24

Dios quillcachishcapica: «Tucui gentecunaca quihua shinallami. Paicuna jatunmi cani nishcapish, sisashca quihua shinallami. Quihua chaquiricpica, sisaca urmanllami.