SAN LUCAS 11:48 - Dios Rimashcata Quillcashcami

⁴⁸ Chashna ruhuashpaca, cancunapac ñaupa ruhuashcacunata ricunguichicmi, shinallatac allitami ruhuashca ninguichicmi. Chaica, cancunapac ñaupa taitacunaca huañuchircami, cutin cancunaca chai enterrashca bovedacunatami allichinguichic.

Nuevo Testamento en Quichua Cañar 1996

⁴⁸ Paicuna chashna huañuchicpipish, cancunaca chai ñaupa huillaccunata pambashca bovedacunata allichiccunallami canguichic. Chashna ruhuashpaca, cancunapac ñaupa taitacuna mana allita ruhuashca cacpipish, allitami ruhuashca nic shinami ruhuanguichic.

SAN LUCAS 11:48 Iomraidhean Croise

2 CRÓNICAS 36:16

Ashtahuanpish paicunaca Mandac Dios cachashca huillaccuna huillashcata mana cazushpami asircacuna. Dios huillachishca shimita yangapi churashpami, Dios ima nishcata huillaccunata burlarcacuna. Pai acllashcacuna chashna yallita llaquichicpimi, Mandac Diosca yallita piñarishpa, ima shina mana jarcari pudishpa llaquichirca.

JOB 15:6

Cambac shimillatacmi cantaca llaquipi churacun. Mana ñucachu llaquipi churacuni. Cambac shimillatacmi canta llaquichinataca huillacun.

SALMOS 64:8

Paicunapac rimashcallatacmi llaquipi churanga. Chaita tucui ricuccunaca umata cuyuchishpami burlancuna.

EZEQUIEL 18:19

Cancunaca: “¿Imamantatac churica taitapac juchamanta llaquita mana apan?” nishpa tapunguichicchari. Shina cashpapish churica cashcata ruhuac cashcamantami allita ruhuarca. Chaimantami ñuca quillcachishcacunatapish tucuita cazurca. Chaimantami paica causanga.

SAN MATEO 23:27

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunaca huañushcata enterrashca jutcu shinami, jahuataca sumaimana allichishca, ucutaca huañushca tullucuna, mapacuna junda canguichic.

SAN MATEO 23:31

Chashna nishpaca, cancunallatacmi Dios ima nishcata huillaccunata huañuchiccunapac huahuacuna cashcataca ricuchicunguichic.

SAN LUCAS 11:47

¡Dios ima nishcata huillaccunata enterrashca bovedata allichiccunalla, imachari tucunguichic! Chai huillaccunataca cancunapac ñaupa taitacunami huañuchirca.

SAN LUCAS 11:49

Chaimantami Diosca tucuita yachac cashpa: “Ñuca ima nishcata huillaccunatapish, ñuca acllashca huillaccunatapish cachashami. Paicunataca maijantaca huañuchingami, maijantaca llaquichishpa, catingami” nirca.

ROMANOS 1:32

Chashna causaccunata Dios taripashpa llaquichigricushcata yachashpapish, chaicunallatatac ruhuashpami catincuna. Shinallatac shuccuna chaita ruhuacta ricushpacarin “allimi” nincunami.

SANTIAGO 5:10

Cuyashca criccuna, Diosmanta ñaupa huillaccuna Dios ima nishcata huillashpa, alli shunguhuan mana piñarishpa llaquita apashcata yuyarichic.

JOSUÉ 24:22

Shina nicpimi, Josueca israelcunataca: —Mandac Diosta servinataca cancunallatacmi acllarcanguichic. Chaita mana pactachishpa, llaqui tucunatapish cancunallatacmi yachanguichic— nirca. Shina nicpimi israelcunaca: —¡Ari, ñucanchicllatac yachanchicmi!— nircacuna.