SAN LUCAS 11:45 - Dios Rimashcata Quillcashcami

⁴⁵ Chashna nicpimi, mandashcacunata yachachiccunapuramanta shuc runaca: —Yachachic, can chashna nishpaca, tucui ñucanchictapish rimashcanguimi— nirca.

Nuevo Testamento en Quichua Cañar 1996

⁴⁵ Chashna nicpi, mandashcacunata yachachiccunapuramanta shuc runaca: —Yachachic, can chashna nishpaca, tucui ñucanchictapish juchanchishpa rimashcangui— nirca.

SAN LUCAS 11:45 Iomraidhean Croise

1 REYES 22:8

Shina nicpi, Israel llactata jatun mandacca Josafattaca: —Mandac Dios ima nishcata huillac shuc runaca tiyanracmi. Paica Imlapac churi Micaiasmi. Paica allitaca mana huillanchu ashtahuanpish mana allitami huillan. Chaimantami paitaca mana ricunayan— nirca. Shina nicpimi Josafatca: —Jatun mandac, ama chashna nichu— nirca.

JEREMÍAS 20:8

Ñuca caparishpa huacashpaca: «Yalli llaquichinallata, tucurinallatami» huillacuni. Mandac Dioslla, can rimashcata huillacpica, punzhantami rimashpa, pingaichishpa asincuna.

JEREMÍAS 6:10

Ñucaca: «¿Pitatac ama chashna ruhuaichu nishpa rimashayari? Paicunaca ringri huichcashca cashcamantami mana uyancuna. Can Mandac Dios rimashcataca pingashpami mana uyasha nin.

SAN MATEO 22:35

Paicunapuramanta mandashcata shuc yachachic, Jesusta pandachisha nishpa tapushpaca:

SAN LUCAS 11:46

Chashna nicpimi Jesusca: —¡Cancuna yachachiccunalla, imachari tucunguichic! Mana aparipac llashac quipitami shuccunaman apachinguichic, ashtahuanpish cancunaca dedollahuanpish chai quipitaca mana ayudashun ninguichicchu.

SAN LUCAS 11:52

¡Mandashcacunata yachachiccunalla, imachari tucunguichic! Cancunaca Diosmanta yachana yuyaitaca huichcanguichicmi. Cancunapish mana yachanguichic. Shinallatac shuccuna yachachunpish, mana saquinguichic— nirca.

SAN LUCAS 7:30

Ashtahuanpish fariseocuna, mandashcacunata yachachiccunaca Dios ima paicunaman allita ruhuasha nishcataca mana chasquishun nircachu. Shinallatac Juan bautizacucpica, mana bautizarisha nircachu.

SAN JUAN 7:48

¿Mandac israelcunapish, fariseocunapish paita crishcachu?

SAN JUAN 7:7

Cai pacha gentecunaca cancunataca mana piñanchu, ashtahuanpish paicuna mana allita ruhuashcata ñuca huillashcamantami, ñucataca piñancuna.

SAN JUAN 9:40

Maijan fariseocuna chaita uyashpaca: —¿Shinashpaca ñucanchicpish ñahui mana ricuccunachu canchic?— nircacuna.