SAN LUCAS 11:4 - Dios Rimashcata Quillcashcami

⁴ Ima shinami ñucanchicta mana alli ruhuaccunata perdonanchic, shinallatac ñucanchic juchacunatapish perdonai. Ama ima millaipi urmachun saquinguichu, ashtahuanpish tucui mana allimanta huacaichingui” ninguichic— nirca.

Nuevo Testamento en Quichua Cañar 1996

⁴ Ima shinami ñucanchicta mana alli ruhuaccunata perdonanchic, shinallatac ñucanchic juchacunatapish perdonai. Ama ima millaipi urmachun saquinguichu, ashtahuanpish tucui mana allimanta huacaichingui’ nishpa mañanguichic— nirca.

SAN LUCAS 11:4 Iomraidhean Croise

GÉNESIS 48:16

ñucata mana allimanta cuidac ángel cai huambracunataca bendiciachun. Paicunamanta ñuca shutitapish, taita Abrahampac, Isaacpac shutitapish huiñaita yuyarichun. Achca huahuayuc tucushpa, cai allpapi jundarichun» nircami.

1 REYES 8:34

jahua pachapi uyashpami, can acllashca israelcunapac juchata perdonangui. Shina perdonashpaca, paicunapac ñaupa taitacunaman can cushca llactaman cutichimunguiyari.

1 REYES 8:36

Shina ruhuacpica, jahua pachapi uyashpami, canta serviccunapac juchatapish, can acllashca israelcunapac juchatapish perdonangui. Canta cazushpa purichunpish, alli ñanta ricuchishpa yachachingui. Can acllashca gentecunaman cushca llactapipish tamyachingui.

SALMOS 121:7

Mandac Diosmi tucui mana allimanta cuidanga. Cambac causaitapish paimi huacaichinga.

SALMOS 25:11

Mandac Dioslla, ñucaca jatun juchatami ruhuashcani. Cambac shuti alli nishca cachunca perdonaiyari.

SALMOS 25:18

Ñuca mai llaquita apashpa causacushcataca ricuiyari. Ñuca juchacunata tucui perdonailla.

DANIEL 9:19

¡Mandac Dioslla, uyaiyari! ¡Dioslla, cambac shutipimi can acllashca pueblomanta, can acllashcacunamanta mañacunchic! ¡Ama unayaichuyari!” nishpami mañarcani.

OSEAS 14:2

Mandac Diospacman cutirishpa paita: «Ñucanchic tucui mana allita ruhuashcata anchuchiyari. Ñucanchic alli nishcata chasquiyari. Chashna chasquicpica, canman ofrendata cuc shinami, ñucanchic shimihuan alli nishun.

SAN MATEO 18:35

Jesusca: —Chashnallatacmi jahua pacha Taitapish cancunapura tucui shunguhuan mana perdonanacucpica ruhuanga— nirca.

SAN MATEO 26:41

Mana pandachishca cangapacca, Diosta mañashpa chaparacuichic. Cancunapac yuyaica sinchimi, ashtahuanpish cancunapac cuerpomi shaicushca— nirca.

SAN LUCAS 11:5

Shinallatac Jesusca paicunataca: —Maijan cancunamanta shuc ricsishca runapacman huasiman chaupi tutata rishpaca: “Uyai, quimsa tandata mañachi.

SAN LUCAS 13:4

Siloé torre tigrashpa, chunga pusacta ñitishca huañuccunaca, ¿tucui Jerusalenpi causaccunamanta yalli juchayuccuna cashcamantami huañushca canga yuyanguichicchu?

SAN LUCAS 22:46

Chaimantami paicunataca: —¿Ima nishpatac sueñucunguichic? Mana pandachishca cangapacca Diosta mañaichic— nirca.

SAN LUCAS 8:13

Rumi allpapi urmashca muyuca Dios rimashcata uyashpa cushilla chasquiccunami. Shina cashpapish mana ucuta sapiyashca cashpami, ashacamanlla crincuna. Chaica llaquicuna japicpica, mana catisha nishpa saquirincunami.

SAN JUAN 17:15

Mana cai pachamanta paicunata anchuchichunchu mañanichu, ashtahuanpish tucui millaimanta huacaichichunmi mañani.

1 CORINTIOS 10:13

Cancunaca pi mana apaipac llaquitaca mana apashcanguichicchu. Diosca cancuna mana apaipac llaquita apachunca, mana munanchu. Ashtahuanpish llaquita apashpapish, chai llaquimanta llucshichunmi ayudanga.

COLOSENSES 3:13

Caishuc chaishuc-huan mana piñanacushpa, maipi mana allita ruhuacpipish perdonanacuichic. Ima shinami Apunchic Jesús cancunapac juchacunata perdonarca, chashnallatacmi cancunapish perdonanacuna canguichic.

2 TESALONICENSES 3:3

Paicuna chashna cacpipish, Apunchic Jesusca tucui imatapish pactachic cashcamantaca sinchita ruhuashpami millaimantapish huacaichinga.

2 TIMOTEO 4:18

Chashnallatacmi tucui mana allicunamanta anchuchishpa, pai mandacuc jahua pachaman chayangacaman ñucataca huacaichinga. ¡Paitaca tucui mashna huiñai huiñaita “sumaimanami cangui” nishunchic! Chashna cachun.

SANTIAGO 2:13

Shuccunata mana llaquiccunataca, paicunatapish mana llaquishpami, Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.

APOCALIPSIS 2:10

Cantaca llaquicuna japigricunmi. Shina cacpipish ama manchanguichu. Crishpa catincunatachu imami nishpami, maijan cancunataca diablo carcelpi churanga. Chaipica chunga punzhatami llaquita apanguichic. Shina cacpipish huañungacaman ñucata caticpica huiñai causaita ricuchic coronatami cusha.

APOCALIPSIS 3:10

Mana piñaric alli shungu cai nishpa ñuca mandashcata pactachinata mana saquishcamantami shamuc punzhapi cai pachapi causaccunata ima shina cashcata ricungapac llaquicuna shamucpica, cantapish huacaichisha.