SAN LUCAS 11:26 - Dios Rimashcata Quillcashcami

²⁶ Chashna tarishpaca, paita yalli ashtahuan millai canchis supaicunata pushashpami, chai runapica causac shamun. Chaimantami chai runaca ñaupa causacushcata yalli, ashtahuan millai tucun— nirca.

Nuevo Testamento en Quichua Cañar 1996

²⁶ Chashna tarishpaca, paita yalli ashtahuan millai caishuc canchis supaicunata pushashpami, chai runapica causac shamun. Chaimantami chai runaca ñaupa causacushcatapish yalli, ashtahuan millai runa tucun— nirca.

SAN LUCAS 11:26 Iomraidhean Croise

SOFONÍAS 1:6

Ñucamanta anchuriccunatapish, ñucata mana mashcaccunatapish, ñucaman mana tapuccunatapish tucuchishami» ninmi.

SAN MATEO 12:45

Chaimantami paita yalli ashtahuan millai caishuc canchis supaicunata pushashpa, chai runapica causangapac shamun. Chaimantami chai runaca ñaupa causacushcatapish yalli ashtahuan millai tucun. Shinallatacmi cunan punzhapi causac millai gentecunapish tucunga— nirca.

SAN MATEO 23:15

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunata caticcunata mashcashpami, mama cuchata, allpata puringuichic. Tarishpaca, cancunata yalli ucu pachaman rinallatami ruhuanguichic.

SAN LUCAS 11:25

Ña cutimushpaca, pichashpa sumacta allichishcatami tarin.

SAN LUCAS 11:27

Jesús chashna huillacucpiracmi, gentecunapac chaupimanta shuc huarmi caparishpaca: —¡Canta chuchuchishpa huiñachicca, yallita cushicuchun!— nirca.

SAN JUAN 5:14

Jesús, Diosta mañana huasipi chai runahuan tupashpaca: —Uyai, ña alliyashcanguimi. Ama ashtahuan juchallinguichu. Pacta ashtahuan llaquita apanguiman— nirca.

1 JUAN 5:16

Maijanpish shuc huauqui mana huañuiman apacuc juchata ruhuacta ricushpaca, paimanta Diosta mañanami can. Chashna mañacpica, Diosca causaita cungami. Mana huañuiman apacuc juchata ruhuaccunamantami chashnaca mañana can. Huañuiman apacuc juchacunapish tiyanmi. Chaita ruhuaccunamantaca mana mañachun ninichu.