SAN LUCAS 10:42 - Dios Rimashcata Quillcashcami

⁴² Tucuimanta yallica, shucllatami ruhuana cangui. Mariaca allitami yuyarishca. Pai chashna uyasha nictaca, pi mana jarcangachu— nirca.

Nuevo Testamento en Quichua Cañar 1996

⁴² Tucuimanta yallica, shucllatami ruhuana cangui. Mariaca allitami yuyarishca. Pai chashna uyasha nictaca, pi mana jarcangachu— nirca.

SAN LUCAS 10:42 Iomraidhean Croise

SALMOS 119:111

Ima shina causanata can yachachishcaca ñucata cushichicmi. Chaimantami huiñaipac ñuca japina can.

SALMOS 119:173

Can mandashcacunata cazungapacmi acllarcani. Chaimanta cambac maquihuan ayudac shamuiyari.

SALMOS 119:30

Mana llullashpa cantanatami acllarcani. Can mandashcacunataca punzhantami ñuca yuyaipi charini.

SALMOS 142:5

Chaimantami Mandac Dios canta mañashpaca: «Canmi ñuca shungu churanaca cangui. Canllami cai pachapica ñuca japina cangui» nircani.

SALMOS 17:15

Ashtahuanpish ñucaca cashcata ruhuac cashcamantami cambac ñahuita ricusha. Ñuca riccharishpaca cambac ñahuita ricushpami mai cushicusha.

SALMOS 27:4

Ñucaca pai sumac cashcata ricushpa, alli alli yachangapacmi tucui causaipi paipac huasipi charichun Mandac Diostaca mañani. Chaillatami mañani.

SALMOS 73:25

Jahua pachapica canllatami charini. Pi shucca mana tiyanchu. Cai pachapi canhuan cashpaca pi shuctatac mana munanichu.

ECLESIASTÉS 12:13

Cai tucui yachachishca uyashca quipaca, ña tucuchingapacca tucurina rimaicunatami nini. Diosta manchangui. Pai mandashcacunata pactachingui. Tucui caicunatami runacunaca ruhuana can.

MARCOS 8:36

Shuc runa cai pachapi tucui imata charicyashpapish, huiñai causaita chingachishpaca, ¿ima allitac cangayari?

SAN LUCAS 10:39

Martaca María shuti ñañatami charirca. Mariaca Jesuspac ñaupapimi yachachishcata uyashpa tiyacurca.

SAN LUCAS 11:1

Shuc cutinmi Jesusca Diosta mañacurca. Mañashca quipa shuc yachacucca: —Apunchic Jesús, Juan paipac yachacuccunata yachachishca shina, ñucanchictapish Diosta mañanata yachachi— nirca.

SAN LUCAS 12:20

Ashtahuanpish Diosca: “Yuyai illac runa, cunan tutallatacmi huañungui. Cai tucui huacaichishcacunaca, ¿pipactac canga?” nirca.

SAN LUCAS 12:33

Imalla charishcata catushpa, huacchacunaman cuichic. Chashna ruhuashpaca, mana ismuclla cushtalpi huacaichic shinami, jahua pacha huiñai causaipi charicyanguichic. Chaipica shuhuacpish mana yaicunchu, polillapish mana micunchu.

SAN LUCAS 16:2

Chaimanta, amo chai mayordomota cayashpaca: “Canmantaca, mana allicunatami uyani. Cunanca ña mana ñuca mayordomochu cagringui. Chaimanta ñuca charishcacunata imata ruhuashcata huillai” nirca.

SAN LUCAS 16:25

Chashna caparicpimi Abrahamca: “Huahua, can causacushpa allita causashcata yuyari. Ashtahuanpish Lazaroca llaquitami causarca. Cunanca caipica cushicushpami tiyacun.

SAN LUCAS 18:22

Shina nicpimi Jesusca: —Caitapishmi ruhuana cangui: Tucui charishcacunata catushpa, huacchacunaman cugri. Chashna ruhuashpaca, jahua pachapimi achcata charingui. Chashna cushpaca, ñucata catilla— nirca.

SAN LUCAS 8:18

Chaimanta cai uyashcata alli yuyarichic. Maijanpish alli yuyaita chariccunamanca ashtahuanmi cushca canga. Mana charicmantaca, pai charinimi nishcatapish quichushcami canga— nirca.

SAN JUAN 11:1

Betania pueblomanta Lázaro runami ungushca carca. Paica, paipac panicuna Mariahuan, Martahuanmi chai pueblopi causarca.

SAN JUAN 11:19

Martapac, Mariapac turi huañushcamantaca, tauca israelcunami llaquinacungapac shamushca carcacuna.

SAN JUAN 12:3

Chaipimi Mariaca achca valishca chaupi litro nardo nishca mishquilla ashnacucta apamushpa, Jesuspac chaquita cahuirca. Chaimantaca acchahuanmi chaquichirca. Chashna cahuicpica, tucui huasi ucumi mishquilla ashnacuc saquirirca.

SAN JUAN 17:3

Cai huiñai causaitaca, shuclla Dios cashcata crishpa, Jesucristoca Dios cachashca cashcata crishpami chasquinga.

SAN JUAN 4:14

Ashtahuanpish maijanpish ñuca cushca yacuta ubiacca, jaicapi mana yacunayachingachu. Ñuca cushca yacuca paipica huiñai causaita cuc, tucyacuc yacu shinami canga— nirca.

SAN JUAN 5:24

Maijanpish ñuca nishcata uyashpa, ñucata cachac Taitata cricca, huiñai causaita charinmi. Paica huañushcamanta causaiman pasashcamantami, llaquimanca mana ringa. Chaica chashnatacmi can.

SAN JUAN 6:27

Cancunaca ama chingariclla micunata mashcaichicchu, ashtahuanpish huiñai causaita cuc micunata mashcaichic. Chai micunataca Runa Tucungapac shamushca ñucallami cusha. Chaita cuchunmi Diosca ñucataca cacharca— nirca.

1 CORINTIOS 13:3

Shinallatac ñuca tucui ima charishcata huacchacunaman cushpapish, ñuca cuerpota rupachichun cushpapish cuyaita mana charishpaca, ima mana canichu.

GÁLATAS 5:6

Shina cashcamanta Cristo Jesus-huan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta cuyanacushpa causanami ashtahuan alli.

DEUTERONOMIO 30:19

Cunanmi cancuna llaquita apanata ricuchichun jahua pachatapish, cai pachatapish cayani. Cancunapac ñaupapimi causaitapish, huañuitapish, bendiciontapish, maldiciontapish acllachun ricuchini. Cancunapish, cancunapac huahuacunapish acllaichic.

JOSUÉ 24:15

Mandac Diosta servina mana alli cacpica, maijan diosta servingapac acllaichiclla. Cancunapac ñaupa taitacuna jatun yacu chimba ladopi causashpa servishca dioscunata, mana cashpaca cunan cancuna causacuc llactapi causac amorreocuna servishca dioscunata servichiclla. Shina cacpipish, ñuca familiahuanca Mandac Diostami servishpa causasha» nirca.

JOSUÉ 24:22

Shina nicpimi, Josueca israelcunataca: —Mandac Diosta servinataca cancunallatacmi acllarcanguichic. Chaita mana pactachishpa, llaqui tucunatapish cancunallatacmi yachanguichic— nirca. Shina nicpimi israelcunaca: —¡Ari, ñucanchicllatac yachanchicmi!— nircacuna.