SAN LUCAS 10:41 - Dios Rimashcata Quillcashcami

⁴¹ Ashtahuanpish Jesusca: —Marta, Marta, canca ucupi imata ruhuanacunallapimi yuyacungui.

Nuevo Testamento en Quichua Cañar 1996

⁴¹ Ashtahuanpish Jesusca: —Marta, Marta, canca ucupi imata ruhuanacunallapimi shunguta churashcangui.

SAN LUCAS 10:41 Iomraidhean Croise

ECLESIASTÉS 6:11

Yallita rimarishpaca, imapish yanga rimaicunatami ashtahuan riman. Chaica runamanca imapac mana valinchu.

MARCOS 4:19

Chashna uyashpapish, cai causaipaclla munaihuan, charicyana munaihuan, charishpapish ashtahuan charina munaihuanmi pandarincuna. Chai munaicunami alli huillaita uyashcataca aguachic shina cungachin. Chaimantami grano mana pucuc shina ricurincuna.

SAN LUCAS 10:38

Jesús ricushpami, uchilla llactaman chayarca. Chaipimi Marta shuti huarmi paipac huasipi Jesusta chasquirca.

SAN LUCAS 10:40

Martaca caita chaita ruhuana yuyaillami ucupica carca. Chaimantami Jesuspacman cuchuyashpaca: —Apunchic Jesús, ñuca ñaña cai tucui ruhuanacunata ñucallaman saquishcataca, ¿manachu ricungui? Ñucata ayudachun cachaiyari— nirca.

SAN LUCAS 12:22

Chai quipaca, Jesusca paipac yachacuccunataca: «Chaimanta cancunaca ama: “¿Imatatac micushun, imatatac churarishun?” nishpa, llaquiricunguichicchu.

SAN LUCAS 21:34

Cancunallatac alli yuyarichic. Pacta machanallapi, micunallapi, cai pachapi imatapish charinallapi yuyashpa causacunguichicman. Pacta cancuna mana yuyashca horas chai punzhaca chayamunman.

SAN LUCAS 8:14

Casha chaupipi urmashca muyuca Dios rimashcata uyaccunami. Chashna uyashpapish ima cai pacha munaicuna, chayucyana yuyaicuna, cai causaillapi cushicuna yuyaicuna shamucpimi, mana pucuc muyu shina tucuncuna.

SAN JUAN 11:1

Betania pueblomanta Lázaro runami ungushca carca. Paica, paipac panicuna Mariahuan, Martahuanmi chai pueblopi causarca.

SAN JUAN 11:5

Jesusca Mariatapish, Martatapish, Lazarotapish mai cuyacmi carca.

SAN JUAN 12:2

Chaipimi Jesusman shuc cenata ruhuarca. Chaitaca Martami caracurca. Lazaropish Jesus-huanmi mizapi micushpa tiyacurca.

FILIPENSES 4:6

Ama imamanta llaquiricuichicchu. Ashtahuanpish Diosta mañacushpaca, tucuita paiman huillashpa, imamantapish pagui nicuichiclla.