SAN LUCAS 1:9 - Dios Rimashcata Quillcashcami

⁹ Suerteta ruhuacpica, curacuna ruhuac cashca shinallatac, Diosta mañana huasipi, Diospaclla chicanyachishca ucuman yaicushpa, inciensota rupachinami Zacariasman urmarca.

Nuevo Testamento en Quichua Cañar 1996

⁹ Curacuna ruhuac cashca shinallatac, Diosman mañana huasipi ruhuangapac suerteta shitacpica, Diospaclla cac ucuman yaicushpa altarpi inciensota rupachinaca Zacariasmanmi urmarca.

SAN LUCAS 1:9 Iomraidhean Croise

1 CRÓNICAS 23:13

Amrampac churicunaca: Aarón, shinallatac Moisesmi carca. Aarontapish, paipac huahua huahuacunatapish paipac ñaupapi huiñaita servishpa inciensota rupachichun, shinallatac paipac shutipi israelcunata huiñaita bendiciachunmi Mandac Diosca chicanyachirca.

1 CRÓNICAS 6:49

Mandac Diosta servic Moisés mandashca shinallatacmi Aaronca paipac churicunahuan animalta Diosman cushpa rupachirca. Inciensotapish rupachircami. Shinallatac Diospaclla chicanyachishca ucupipish, Diospacta ruhuashpami, israelcunapac juchacunamantapish Diosman curca.

2 CRÓNICAS 26:16

Uzías ña tucuita mandai callarishpaca, jatun tucushpami llaquipi urmarca. Paica Mandac Diosta mana cazushpami, inciensota rupachina altarpi inciensota rupachingapac Diospac huasi ucuman yaicurca.

2 CRÓNICAS 29:11

Ñuca huahuacunalla, ama mana entendiccuna, imatapish cungariccuna canguichicchu. Mandac Diosca cancunataca paipac ñaupapi paillata servishpa, paipacllata ruhuachun, shinallatac inciensota rupachichunmi acllarca» nirca.

NÚMEROS 16:40

Israelcuna manapish Aaronpac huahua huahuacuna cashpa, Mandac Diospac ñaupapi inciensota rupachingapac mana chayarina cashcata yuyarichunmi chashnaca ruhuarca. Eleazarca Mandac Diosmi Moisesman huillashca shinami maijanpish manapish Aaronpac huahuacuna cashpa, inciensota rupachingapac cuchuyashpa, Coré shina, paita caticcuna shina huañuchunmi chashna ruhuarca.

SAN MATEO 27:5

Shina nicpimi, Judasca Diosta mañana huasi ucupi cullquita shitashpa, sipiringapac rirca.

HEBREOS 9:6

Chashna Diospaclla ucu allichishca cacpica, curacunami punzhanta ima ruhuana cashcata ruhuangapac yaicuc carca.

1 SAMUEL 2:28

Ñuca altarman rishpa, ñucapac ñaupapi efodta churarishpa, inciensota rupachichunmi tucui Israel aillucunamanta ñucapacllata ruhuac cura cachun acllarcani. Shinallatac israelcuna ofrendata ñucaman cushcatapish, cambac taitacunapac huasi ucupuramanmi curcani.