SAN LUCAS 1:66 - Dios Rimashcata Quillcashcami

⁶⁶ Tucui chaita uyaccunaca: «Cai huahua jatunyashpaca, ¿imalayashi canga?» nishpami, shungullapi yuyacurca. Mandac Diosmi chai huahuahuan carca.

Nuevo Testamento en Quichua Cañar 1996

⁶⁶ Tucui chaita uyaccunami shungupi huacaichishpa: —Cai huahua jatunyashpaca, ¿ima layashi canga?— nishpa tapunacurcacuna. Chai huahuataca Taita Diosmi paipac maquipi huacaichicushca.

SAN LUCAS 1:66 Iomraidhean Croise

GÉNESIS 37:11

Paipac huauquicunaca piñashpami, mana ricunayachirca. Cutin taitaca cai muscui imata nisha nishcatami yuyacurcalla.

GÉNESIS 39:2

Ashtahuanpish Mandac Dios Josehuan cacpimi, paica imapipish alli llucshirca. Paica Egiptomanta paipac amopac huasipimi causacurca.

1 REYES 18:46

Ashtahuanpish Eliasca Mandac Diosllata pushacpimi, alli chumbillirishpa, Acabta atishpa, Jezreel puebloman callpashpa chayarca.

SALMOS 119:11

Juchallishpa canta mana llaquichingapacca ñuca shungupimi, can rimashcacunata huacaichircani.

SALMOS 80:17

Cambac maquitaca cambac alli ladopi cac runapac jahuapi churaiyari. Cambaclla cachun sinchiyachishca huañuclla runapac jahuapi churaiyari.

SALMOS 89:21

Tucuita ruhuac ñuca maquimi tucui causaipi paihuan canga. Ñuca rigrapish paita sinchiyachingami.

SAN LUCAS 1:80

Chai huahuaca huiñashpami Diosmanta ashtahuan yachacushpa, israelcunaman huillana punzha pactangacaman shitashca pambapi causarca.

SAN LUCAS 2:19

María tucui chaicunata uyashpaca paipac shungupimi yuyarishpa causacurcalla.

SAN LUCAS 2:40

Huahuaca huiñashpa, sinchiyashpa, ashtahuan yachac tucushpami catirca. Diosca yallitami paita cuyarca.

SAN LUCAS 2:51

Jesusca taita mamahuanmi Nazaret puebloman cutimushpa, paicunata alli cazushpa causarca. Paipac mamaca tucui chaicunacata shungupi huacaichishpami causacurca.

SAN LUCAS 9:44

—Caita alli uyaichic, Runa Tucungapac shamushca ñucataca runacunamanmi japichinga— nirca.

HECHOS 11:21

Diosca paicunahuanmi carca. Chaimantami achcacuna Apunchic Jesusta crishpa, ñaupa mana alli causaita saquircacuna.

COLOSENSES 1:5

Cashcata nic alli huillaita uyashpami, cancunaca jahua pachapi Dios huacaichishcata tucui shunguhuan cringuichic.

1 SAMUEL 16:18

Shina nicpimi, servicpuramanta shucca: —Ricui, ñucami Belén pueblopi causac alli tocanata yachac Isaipac shuc churita ricsini. Paica imatapish mana manchac sinchi, allita yuyarishpa rimac sumac huambrami. Shinallatac Mandac Diospish paihuanmi— nirca.

1 SAMUEL 2:18

Samuel huambraca linomanta ruhuashca efodta churarishpami, Mandac Diospac ñaupapi Diospacta ruhuac carca.