SAN LUCAS 1:64 - Dios Rimashcata Quillcashcami

⁶⁴ Chai ratomi callu huatarishca cachariricpi, Zacariasca Diosta: «allimari cangui» nirca.

Nuevo Testamento en Quichua Cañar 1996

⁶⁴ Chashna quillcancami, c'allu huatarishcamanta cachariricpi, Zacariasca Taita Diosta “allimari cangui” nircalla.

SAN LUCAS 1:64 Iomraidhean Croise

SALMOS 51:15

Jatun Dioslla, ñuca shimita pascaiyari. Chaipica, tucuipac ñaupapimi alli nishpa cantasha.

ÉXODO 4:11

Mandac Diosca: —¿Pitac runamanca shimita curca? ¿Pitac mana rimactapish, ringri mana uyactapish, ñahui mana ricuctapish ruhuarca? ¿Manachu Mandac Dios ñucallatac ruhuarcani?

ISAÍAS 12:1

Chai punzhapica canca: «Mandac Dioslla, cantami cantasha. Canca ñucahuan piñarishpapish chai piñarishcata pasachishpami cushichishcangui.

JEREMÍAS 1:9

Shinami Mandac Diosca paipac maquita ñuca shimipi tupachishpaca: «Riqui, ñuca rimashcacunatami cambac shimipi churani.

EZEQUIEL 29:21

Chai punzhacunami israelcunataca cutin sinchiyachisha. Ezequiel, canmi paicunapac chaupipi rimangui. Chaita ruhuacpimi, ñucataca Mandac Dios cashcata yachangacuna» nirca.

EZEQUIEL 3:27

Ashtahuanpish cambac shimica ñuca rimacpimi rimanga. Chaipimi canca: “Mandac Diosca: Maijanpish uyasha niccunaca uyachun, mana uyasha niccuna ama uyachun. Paicunaca mana cazuccunami” ninmi ningui.

EZEQUIEL 33:22

Miticushpa shamuc runa tutamanta ñucapacman manarac chayamucpimi, Mandac Diosca shuc chishipi ñucata rimachirca. Shina rimachicpimi, ña mana upalla carcani.

SAN MATEO 9:33

Jesús chai runamanta supaita llucchishpa cachacpica, chai runaca rimai callarircallami. Chaipi caccuna chaita ricushpa, mancharishpaca: “Cai Israelpica jaicapi mana ricushcatami ricunchic” ninacurca.

SAN LUCAS 1:20

Ñuca huillashcaca pactana punzhami pactanga. Ashtahuanpish canca ñuca huillashcata mana crishcamantaca, cambac huahua huacharingacamanmi upayashpa, imata mana rimai pudingui— nirca.