SAN LUCAS 1:48 - Dios Rimashcata Quillcashcami

⁴⁸ Diosca huaccha servic huarmitami acllashca. Cunanmanta pachami huahua huahuacuna ñucataca ‘allimari cangui’ nicunga.

Nuevo Testamento en Quichua Cañar 1996

⁴⁸ Ñuca Taita Diosta servic cacpimi, imapac mana caipac cacpipish, Taita Diosca llaquishpa acllashca. Chaimantami cunanmanta pacha ñucataca, tucui gentecuna ‘allimari cangui’ nicungacunalla.

SAN LUCAS 1:48 Iomraidhean Croise

GÉNESIS 30:13

Chaimanta Leaca: «¡Caica achca cushicuimi! Cunanca, tucui huarmicunami ñucataca achca cushicuihuanmi cangui ningacuna» nishpami Aserta shutichirca.

2 SAMUEL 7:8

Shina cashcamanta ñucata servic Davidtaca: ‘Tucuita Mandac Diosca: Ñucami cantaca ovejacunata michishpa puricucpi, ñuca israelcunata mandac cachun acllarcani.

SALMOS 102:17

Imatapish mana ruhuai pudic gentecuna mañashcataca uyangami. Paicuna yallita mañacushcataca mana yangapi saquishpa chasquingami.

SALMOS 136:23

Ñucanchic llaquipi causacucta yuyaric Diosta alabaichicyari. ¡Paica huiñaita llaquicmi!

SALMOS 138:6

Mandac Diosca jatun cashpapish, yangalla runacuna mañashcataca uyaracunmi. Ashtahuanpish jatun tucushcacunataca carumantami ricucun.

SALMOS 72:17

Jatun mandacpac shutica huiñaitami causanga. Inti tiyashcacaman paipac shutica alli nishcami canga. Paimantami tucui shuctac llactapi causaccunaca bendiciashca canga. Paicunaca yallita cushicushpami alli ningacuna.

ISAÍAS 66:2

Tucui caicunataca ñucami ruhuarcani. Chaimantami tucui caicunaca tiyan. Ñucaca shungupi llaquirishpa, ñuca mandashcata manchashpa, causac huaccha gentecunatami alli nishami.

MALAQUÍAS 3:12

Chashna ruhuacpi, sumac llacta cacpimi, tucui llactapi causaccunaca: “Cushillami paicunaca causacun ningacuna” ninmi. Chaitaca tucuita Mandac Dios ñucami nini.

SAN LUCAS 1:28

María maipi cashcaman ángel yaicushpaca: —María, Dios canhuan cashcamanta cushicui. Canca tucui huarmicunamanta yalli, alli nishcami cangui— nirca.

SAN LUCAS 1:42

Chaimantami sinchita caparishpaca: —Canca tucui huarmicunamanta yalli, Dios alli nishcami cangui. Cambac huicsapi cac huahuapish, alli nishcami.

SAN LUCAS 1:45

Canca Dios nishca pactanatami crishcangui. Chaimanta cushicui— nirca.

SAN LUCAS 1:49

Imatapish ruhuaclla Diosca mancharinacunatami ruhuashca. Paica jucha illacmi.

SAN LUCAS 11:27

Jesús chashna huillacucpiracmi, gentecunapac chaupimanta shuc huarmi caparishpaca: —¡Canta chuchuchishpa huiñachicca, yallita cushicuchun!— nirca.

1 SAMUEL 1:11

Paica pactachishatacmi nishpami, «Tucuita Mandac Dioslla, canta servic ñuca cashna llaquihuan cacta yuyariyari. Canta servic ñucataca ama cungarishpa, ashtahuanpish ñucaman shuc cari huahuata cuiyari. Can cucpica, chai huahuataca tucui paipac causaipimi can Mandac Diosllatac servishpa causachun cusha. Shinallatac paipac acchatapish mana pitichishachu» nirca.

1 SAMUEL 2:8

Imata mana charictapish ñuto allpamantami jatarichin. Imatapish mana charictaca mapa shitanamanta llucchishpami jatun nishcacunahuan tiyachin. Jatun mandaccunahuan tiyachingapacmi chashnaca ruhuan. Allpa callari sapitaca Mandac Diosmi ruhuarca. Chai callari jahuapimi, cai pachata churarca.