SAN LUCAS 1:25 - Dios Rimashcata Quillcashcami

²⁵ «Ñuca mana huahuayuc cashcamanta pipacpish ama pingaichishca cachunmi, Diosca ñucata chashna ruhuashca» nishpami yuyacurca.

Nuevo Testamento en Quichua Cañar 1996

²⁵ “ ‘Mana huahuayuc tucun’ nishpa pipish ashtahuan ama rimachunmi, Taita Diosca ñucata llaquishpa, chashna ruhuashca” nishpami yuyacurca.

SAN LUCAS 1:25 Iomraidhean Croise

GÉNESIS 25:21

Isaacca paipac huarmi mana huahuata chari pudishcamantami Mandac Diosta mañarca. Chashna mañacpica, Mandac Diosca uyarcami. Chaimantami paipac huarmica huicsayuc tucurca.

2 SAMUEL 6:23

Saulpac ushi Micalca pai huañuna punzhacamanmi mana huahuata chari pudirca.

ISAÍAS 25:8

Mandac Diosca huañuitaca huiñaipacmi tucuchinga. Tucuipac ñahuimantami huiquita pichanga. Pai acllashcacunata pingaichiccunatapish tucui cai pachamanta anchuchingami. Chaitaca Mandac Diosmi nin.

ISAÍAS 4:1

Chai punzhacunapi shuclla carita canchis huarmicuna quichunacushpaca: «Ñucanchicllatacmi micunatapish, churanatapish mashcashun. Ama pingaichishca cangapac ñucanchic-huan cazarashpa, cambac shutita cui» ningacunami.

SAN LUCAS 1:13

Ashtahuanpish angelca: —Zacarías, Diosca can mañashcata uyashcami. Ama mancharichu. Cambac huarmi Elisabetca cari huahuatami charinga. Chai huahuataca Juantami shutichingui.

SAN LUCAS 1:24

Chai quipami, paipac huarmi Elisabetca huicsayuc tucushpa, pichca quillacunata mana maiman llucshishpa huasillapi carca. Paica:

HEBREOS 11:11

Crishcamantami Abrahamca paipac huarmi Sara mana huahuata chari pudic, yuyac cacpipish, huahuata charirca. Dios imatapish pactachic cashcata crishcamantami, Abrahamman shuc cari huahuata Diosca curca.

JUECES 11:37

Shinallatac: —Cai ishcai quillacunata ñucapac ricsishcacunahuan urcucunata purishpa manarac cazarashca huañugricushcamanta huacagringapac richun saqui— nirca.

1 SAMUEL 1:6

Mandac Diosllatac Ana huahuata mana charichun saquishcamantami paita piñac huarmica yallita rimashpa llaquichic carca.