SAN LUCAS 1:20 - Dios Rimashcata Quillcashcami

²⁰ Ñuca huillashcaca pactana punzhami pactanga. Ashtahuanpish canca ñuca huillashcata mana crishcamantaca, cambac huahua huacharingacamanmi upayashpa, imata mana rimai pudingui— nirca.

Nuevo Testamento en Quichua Cañar 1996

²⁰ Ñuca huillashcaca pactana punzhapitacmi pactanga, ashtahuanpish canca ñuca huillashcata mana crishcamantaca, cunanca cambac huahua huacharingacamanmi, upayashpa imata mana rimai pudingui— nirca.

SAN LUCAS 1:20 Iomraidhean Croise

2 REYES 7:19

Diospac runa chashna nicpimi, jatun mandacta tucuipi servicca: «Mandac Dios jahua pacha ventanacunata pascacpipish, chashnaca mana tucungachu» nishca carca. Shina nicpimi, Eliseoca: «Riqui, chaitaca cambac ñahuihuantacmi ricungui. Shina ricushpapish chaicunataca mana micunguichu» nishca carca.

2 REYES 7:2

Shina nicpimi, jatun mandacta tucuipi servicca Eliseotaca: —Mandac Dios jahua pacha ventanacunata pascacpipish, chashnaca mana tucungachu— nirca. Shina nicpimi paica: —Chaitaca cambac ñahuihuantacmi ricungui. Shina ricushpapish chaicunataca mana micunguichu— nirca.

ÉXODO 4:11

Mandac Diosca: —¿Pitac runamanca shimita curca? ¿Pitac mana rimactapish, ringri mana uyactapish, ñahui mana ricuctapish ruhuarca? ¿Manachu Mandac Dios ñucallatac ruhuarcani?

ISAÍAS 7:9

Efrainpac llactata mandacca Samaria llactami. Samaria llactapac mandacca Remaliasmi. Cancuna mana ñucata alli crishpaca, tucuringuichicmi” nishpa huillai» nirca.

EZEQUIEL 24:27

Chai punzhami huañuimanta saquirishca runahuan rimangapac cambac shimica pascaringa. Chaimantaca ña mana ashtahuan upallachu canguichu. Canmi paicunapacca shuc yuyarina cangui. Chaimantami ñucataca Mandac Dios cashcata yachangacuna» nirca.

EZEQUIEL 3:26

Cambac callutaca palancarapimi llutasha. Shina ruhuacpica, canca mana rimai pudishpami saquiringui. Chashnami paicuna mana cazucpipish, imata mana rimai pudingui. Paicunaca mana cazuccunami can.

DANIEL 10:15

Chashna rimacucllapitacmi ñucaca urai singa urmashpa, imatapish mana rimai pudircani.

NÚMEROS 20:12

Mandac Dios Moisestapish, Aarontapish rimashpaca: «Cancunaca ñucata mana crircanguichicchu, ñuca jucha illac cashcatapish israelcunaman mana ricuchircanguichicchu. Chaimantami cancunaca ñuca cushca llactamanca tandanacushca israelcunahuanca mana yaicunguichic» nirca.

MARCOS 16:14

Chai quipaca, Jesusca paipac chunga shuc yachacuccuna micucucpimi ricurirca. Causarishcata mana crishcamanta, rumi shungu cashcamanta, causarishcata ricushcata mana crishcamantami rimarca.

MARCOS 9:19

Shina nicpimi Jesusca: —¡Aij, mana cric gentecunalla! Cancunahuanca, ¿maicamantac yachachishpa causacushalla? ¿Maicamantac llaquita apacushalla? Huambrata caiman apamuichic— nirca.

SAN LUCAS 1:19

Shina nicpimi angelca: —Ñucaca Diospac ñaupapi, paita servic ángel Gabrielmi cani. Paimi canman cai alli huillaita huillachun cacharca.

SAN LUCAS 1:21

Chaicamanca, canzhapimi achca gentecuna shuyacurca. Shinallatac Diospaclla chicanyachishca ucupi Zacarías unaiyashcamantami mancharicurca.

SAN LUCAS 1:22

Zacarías llucshishpaca, imata mana rimai pudishpami, ima tucushcataca señallahuan huillarca. Chaimantami canzhapi cac gentecunaca “Diospaclla chicanyachishca ucupimi imata ricushca canga” nishpa yuyarca.

SAN LUCAS 1:45

Canca Dios nishca pactanatami crishcangui. Chaimanta cushicui— nirca.

SAN LUCAS 1:64

Chai ratomi callu huatarishca cachariricpi, Zacariasca Diosta: «allimari cangui» nirca.

ROMANOS 3:3

Paicunapuramanta maijancunaca mana cazurcachu. Paicuna chashna mana cazucpica, ¿Diosca pai nishcataca, mana pactachishpa saquingallachu?

2 TIMOTEO 2:13

Ñucanchic pai ima nishcacunata mana pactachicpipish, paica pactachishpami catin. Pai ima shina cashcataca mana yanga ninchu” nishcami.

TITO 1:2

shinallatac ñucanchic cushicushpa shuyacushca huiñai causaita chasquichunmi huillani. Chai causaitaca cashcata nic Diosmi cai pacha manarac tiyacpi ña cusha nirca.

HEBREOS 6:18

Dios paipac shutipi cusha nishcamanta, cashcata nic cashcamantaca, cushicushpa shuyashpa, pai huacaichichun munaccunaca cushicuitami japishcanchic.

APOCALIPSIS 3:19

Ñucaca tucui cuyashcacunatami rimani, shinallatac llaquichini. Chaimanta can juchayuc cashcamanta llaquirishpa Diosman cutirishpa, Diospaclla cai.