SAN LUCAS 1:17 - Dios Rimashcata Quillcashcami

¹⁷ Juanca Quishpichicpac ñaupatami ringa. Huillac Elías shinami, Diospac Espirituhuan, poderhuan ringa. Paimi taitacunahuan, huahuacunahuan piñanacushcatapish alli allichinga. Mana cazuccunatapish cashcata ruhuanata yachachishpami, yuyaita cunga. Chashnami Quishpichic shamucpica, alli chasquina yuyaita charinga— nirca.

Nuevo Testamento en Quichua Cañar 1996

¹⁷ Chashnallatac Quishpichicta ñaupashpami ringa. Ñaupa huillac Elías shina, Diospac Espirituhuan cashpami, imatapish ruhuaipaclla canga. Chashna cashpami, taitacuna huahuacunahuan p'iñanacushcatapish alli shunguta ruhuanga. Mana uyashun nic, sinchi shungu gentecunatapish alli causachun, shinallatac allita ruhuaccuna cachunmi, yuyaita cunga. Chashna ruhuacpimi, Quishpichic shamucpica, alli chasquinalla tucungacuna— nirca.

SAN LUCAS 1:17 Iomraidhean Croise

1 REYES 17:1

Eliasca Galaad llacta tisbitapuramantami carca. Paica mandac Acabtaca: «¡Israelcunata Mandac Diospac shutipimi nini: Ñucaca paitami servini! ¡Cai huatacunaca mana tamyangachu paramollapish mana tiyangachu! ¡Ashtahuanpish ñuca mandacllapimi tamyanga!» nirca.

1 REYES 18:18

Shina nicpimi Eliasca: —Israelcunataca mana ñucachu llaquichicuni, ashtahuanpish canmi, cambac taitapac familiacunahuan Mandac Dios mandashcacunata saquishpa, Baal dioscunata catishpa llaquichicungui.

1 REYES 21:20

Acabca Eliasta ricushpaca: —Ñucahuan mana alli cac runami caipi tupangapac shamushcangui— nirca. Shina nicpimi Eliasca: —Canllatac caturic shina, Mandac Diospac ñaupapi mana allita ruhuashcamantami canhuan tupangapac shamuni.

2 REYES 1:16

rishpaca: —Mandac Diosca: “Israel llactapi mana Dios tiyacpi shina Ecrón pueblopi tiyac Baal-zebub diosman tapuchun cachashcamantaca, can siricuc camamantaca mana uricunguichu, ashtahuanpish huañunguitacmi” ninmi— nirca.

1 CRÓNICAS 29:18

Ñucanchic ñaupa taita Abrahampac, Isaacpac, Israelpac Mandac Dioslla, cai alli yuyaicunataca can acllashcacunapac shungupi tucui munaihuan canta servichun huiñaita charingui. Canta yuyarishpa causachun paicunapac shungupi yuyachingui.

2 CRÓNICAS 29:36

Mandac Dios tucui chaicuna pai acllashcacunaman utca ruhuashcamantami Ezequiaspish, tucui gentecunapish yallita cushicurca.

SALMOS 10:17

Mandac Dioslla, yangalla runacuna mañashcataca uyashcanguimi. Paicuna mañashcata uyashpami, paicunapac shungutapish cushichingui.

SALMOS 111:10

Yallita yachac cangapacca Mandac Diostaracmi manchana can. Tucui pai mandashcacunata ruhuashpa causaccunami alli yuyaita charin. Diosca huiñaita jatunyachishca cachun.

SALMOS 78:8

Ama ñaupa taitacuna shina Diosta mana cazuc, sinchi shungu, Diosta mana tucui shunguhuan, tucui almahuan catic cachunmi chashnaca yachachichun mandarca.

ISAÍAS 29:24

Panda yuyaita chariccunaca alli yuyaita japingami. Juchanchiccunapish yachacungacunami» nirca.

AMÓS 4:12

Israelcunalla, chaimantami cancunataca chashna llaquichisha. Chaimanta cancunata Mandac Dios ñucahuan tupangapac allichirichic» ninmi.

SAN MATEO 11:14

Chashquisha nishpaca, chasquichic. Dios ima nishcata huillac Elías nishcaca, Juanmi.

SAN MATEO 14:4

Herodesca Herodias-huanmi apanacushpa causacurca. Chaimantami Bautizac Juanca Herodestaca: «Shucpac huarmihuan causanaca mana allichu» nishca carca.

SAN MATEO 3:3

Juanmanta Dios ima nishcata huillac Isaías huillashpaca: «Shitashca pambapi shuc runa caparishpaca: “Quishpichic shamuna ñanta allichichic, quingu ñancunatapish derechaichic” nicunmi» nirca.

SAN MATEO 3:4

Juanca camello millmamanta ruhuashca churanatami churashca, cara chumbihuanmi chumbillishcami carca. Paica langostacunata, shinallatac abeja mishquitami micuc carca.

SAN LUCAS 1:16

Achca israelcunatami, Mandac Diospacman cutichimunga.

SAN LUCAS 1:76

Ñuca huahualla, canca jahua Dios ima nishcata huillacmi cangui. Canmi Quishpichic purina ñanta allichishpa ñaupangui.

SAN JUAN 1:13

Mana runacunapac munaimanta, mana cai pachapi huacharishcamantachu Diospac huahuacuna tucun, ashtahuanpish Diospac munaimantami paipac huahuacuna tucun.

SAN JUAN 1:34

Chaitaca ñucami ricurcani. Chaimantami: “Paica Diospac Churimi” nishpa, huillacuni» nirca.

SAN JUAN 3:28

Ñuca: “Ñucaca mana Cristochu cani, ashtahuanpish paipac ñaupata cachashcallami cani” nishpa huillashcata, cancunallatacmi uyarcanguichic.

HECHOS 10:33

Chaimantami canta pushamuchun cacharcani. Allitami shamushcangui. Cunanca tucuimi Diospac ñaupapi canchic. Pai tucui imata ñucanchicman huillachun nishcataca huillailla. Ñucanchicca uyashun ninchicmi— nirca.

ROMANOS 9:23

Diosca sumaimana cashcata ricuchingapacmi, ñaupamanta pacha cuyac cashcata ñucanchicman ricuchirca. Chaitaca ñaupamanta pachami, allichishca carca.

COLOSENSES 1:12

Diosta pagui nishpa, cushicushpa apanguichiclla. Paimi Diospaclla caccuna japina cashcata cancunapish paipac achiclla mandacucpi japiccuna cachun ruhuarca.

2 TIMOTEO 2:21

Chashnallatacmi maijanpish Diospaclla tucushpa Apunchic Jesuspacta allita ruhuangapacca, tucui mana allicunamanta anchurina can. Shina cashpami imapish allita ruhuangapacca alli canga.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.

1 JUAN 2:28

Cuyashca huahuacuna, shinashpaca Jesucristo ricuricpi mana manchashpa ñahui ñahui ricuringapacca, paihuan shuclla causaichic. Chashna causashpami pai cutin shamucpica, paipac ñaupapi mana pingashpa tupashun.

APOCALIPSIS 20:4

Chai quipaca mandashpa tiyarinacunapi taripanata chasquiccuna tiyacuctami ricurcani. Shinallatac Diosmantapish, Jesucristomantapish huillashpa mana cungarishpa catishcamanta, cungata pitishpa huañuchishca almacunatapish ricurcanimi. Paicunaca chai manchana animaltapish, paiman ricchata ruhuashcatapish mana alli nircacunachu. Shinallatac chai manchana animalpac shutita frentepi cashpa, maquipi cashpa churachunca, paicunaca mana saquircacunachu. Paicunaca cutin causarishpami, huaranga huatata Cristohuan mandarcacuna.

1 SAMUEL 7:5

Shina cacpimi Samuelca: —Israelcunata Mizpa pueblopi tandanacuchun mandaichic. Ñucami cancunamanta Mandac Diosta mañasha— nirca.