LEVÍTICO 9:24 - Dios Rimashcata Quillcashcami

²⁴ Mandac Diospac ñaupamanta nina llucshimushpami, tucui rupachina animal aichatapish, altar jahuapi churashca huiratapish tucui rupachirca. Caita ricushpaca, tucui israelcunami cushicushpa, pambacaman cumurishpa, Mandac Diostaca allimari cangui nirca.

LEVÍTICO 9:24 Iomraidhean Croise

GÉNESIS 15:17

Ña inti tigrashpa, amsa tuta tucucpimi, Abramca shuc hornomanta cushni llucshicuctapish, chaupishca animalcunapac chaupita nina jagan nishpa, pasacuctapish ricurca.

GÉNESIS 17:3

Shina nicpimi, Abramca pambacaman cumurirca. Shina cumuricpimi, Diosca:

2 REYES 19:15

Chaimanta Ezequías Mandac Diospac ñaupapi mañashpaca: «Israelcunata Mandac Dioslla, querubincunapac chaupipimi causacungui. Canllami cai pachapi tiyac tucui jatun mandaccunapac Dios cangui. Canllatacmi jahua pachatapish, cai pachatapish ruhuarcangui.

1 CRÓNICAS 21:26

Davidca chaipimi Mandac Diosman shuc altarta ruhuashpa, Diosman animalta cushpa, tucui rupachirca. Dios-huan alli tucungapacpish, animalcunata rupachishpami Diosta mañarca. Pai mañashcata uyashpami, tucui rupachina animalta churashca altarman jahua pachamanta ninata cacharca.

2 CRÓNICAS 6:2

Shina cacpipish, ñucaca can causachunmi shuc huasita shayachircani. Chai huasipimi canca huiñaita causangui» nirca.

ESDRAS 3:11

Mandac Diosta pagui nishpa, alli nishpa cantashpaca: «¡Paica allimari, israelcunataca huiñaitami llaquicun!» nircacuna. Mandac Diospac huasi callari rumita churai callarishcamantami tucui gentecuna yallita cushicushpa, caparishpa Mandac Diosta alli nircacuna.

SALMOS 80:1

¡Israelcunata michiclla uyaiyari! ¡Canca Josepac huahuacunataca ovejacunata shinami michingui! ¡Querubincunapac chaupipi causac Dioslla, achicyachiyari!

ÉXODO 3:2

Chaipimi Mandac Diospac angelca rupacuc zarza yura chaupipi ricurirca. Moisesca zarza yura tucui nina tapashca cashpapish mana rupactami ricurca.

LEVÍTICO 10:2

Chaimantami Mandac Diospac ñaupamanta nina llucshishpa, paicunataca rupachirca. Chashnami Mandac Diospac ñaupallapitac huañurca.

LEVÍTICO 6:13

Ninaca altar jahuapica mana huañushpami japiricungalla.

NÚMEROS 14:5

Shina cacpica, Moisespish, Aaronpish tandanacushca israelcunapac ñaupapimi pambacaman cumurirca.

NÚMEROS 16:22

Shina nicpimi, Moisespish, Aaronpish pambacaman cumurishpaca: —Mandac Dioslla, tucuiman causaita cucmi cangui. ¿Shuclla runalla juchallishcamantachu tucuihuan piñarigringui?— nirca.

NÚMEROS 23:21

Jacobopac churi israelcunapica ima juchata mana ricushcanichu. Ima millaitapish mana ricushcanichu. Mandac Diosca paicunahuanmi. Paitaca: “Jatun mandacmi cangui” nishpami caparincuna nirca.

SAN MATEO 26:39

Jesusca ashata chainicman rishpa, pambacaman cumurishpa, Diosta mañashpaca: «Ñuca Taitalla, cai llaquita ñucamanta anchuchiyari. Shina cacpipish ama ñuca munashcata ruhuaichu, ashtahuanpish can munashcata ruhuai» nirca.

APOCALIPSIS 4:9

Huiñai huiñaita causacuc, chai mandashpa tiyarinapi tiyacuctaca, canca sumacmi cangui, allimari cangui nishpami chai chuscu causaita chariccunaca pagui nicurca.

APOCALIPSIS 5:8

Pillushca pangata ña japicpica, chai chuscu causaita chariccunapish, chai ishcai chunga chuscu yuyaccunapish Pactalla Ovejapac ñaupapimi cungurircacuna. Tucui paicunaca arpacunatami charicurcacuna. Curi vasocunapipish incienso jundatami charicurcacuna. Chai inciensoca Diospaclla caccuna Diosta mañashcacunatami nisha nin.

APOCALIPSIS 7:11

Tucui angelcunaca mandashpa tiyarinapac, yuyaccunapac, shinallatac chuscu causaita chariccunapac muyundictami shayacurcacuna. Paicunaca mandashpa tiyarinapac ñaupapi Diosta alli ningapac pambacaman cumurishpaca:

JUECES 13:23

Shina nicpimi, Manoapac huarmica: —Mandac Dios ñucanchicta huañuchisha nishpaca, ñucanchic cushpa tucuita rupachishcatapish, asha harinatapish mana chasquinmanchu carca. Shinallatac tucui caicunatapish, mana ricuchinmanchu carca. Shinallatac imatapish mana huillanmanchu carca— nirca.

JUECES 6:21

Mandac Diospac angelca pai charicushca taunahuanmi aichapipish, levadura illac tandapipish tupachirca. Shina tupachicpica, nina culun nishpami aichatapish, levadura illac tandatapish tucui rupachirca. Chai quipaca Mandac Diospac angelca paipac ñaupamanta anchurircallami.