LEVÍTICO 8:23 - Dios Rimashcata Quillcashcami

²³ Chai quipami Moisesca chai ovejata huañuchishpa, yahuarta japishpa, Aaronpac alli ringritapish, alli maqui mama dedotapish, alli chaqui mama dedotapish cahuirca.

LEVÍTICO 8:23 Iomraidhean Croise

ÉXODO 29:20

Ovejata huañuchishpaca, chai yahuarta japishpa Aarontapish, paipac churicunatapish alli lado ringri puntapi cahuingui. Shinallatac alli maqui mama dedopi, alli chaqui mama dedopi cahuingui. Chai puchu yahuartaca altar jahuapipish, quingraipipish chirapangui.

ÉXODO 29:21

Altar jahuapi cac yahuartapish, aceitetapish japishpa Aaronpac, paipac churicunapac jahuapi shinallatac paicunapac churanapi chirapangui. Shinami Aaronpish, paipac churicunapish ñucapaclla chicanyachishca canga.

LEVÍTICO 14:14

Cura chai pandarishcamanta cushpa huañuchishca animalpac yahuarta japishpaca, chai chuyayac runapac alli lado ringri puntapi, alli lado maqui mama dedo puntapi, alli lado chaqui mama dedopimi cahuinga.

LEVÍTICO 14:17

Paipac maquipi charicushca aceite puchutaca chai chuyayac runapac alli lado ringri puntapi, alli lado maqui mama dedopi, alli lado chaqui mama dedopi, pandarishcamanta cushca animalpac yahuarhuan cahuishca jahuapi cahuinga.

LEVÍTICO 14:25

Pandarishcamanta cuna maltón ovejata huañuchishpami, chai yahuarta japishpa, lepra ungüimanta chuyayac runapac alli lado ringripi, alli lado maqui mama dedopi, alli lado chaqui mama dedopi cahuinga.

LEVÍTICO 14:28

Chai charicushca aceitellahuan chuyayac runapac alli lado ringripi, alli lado maqui mama dedopi, alli lado chaqui mama dedopi juchata pichachun cushca animal yahuarhuan cahuishcallapitac cahuinga.

LEVÍTICO 7:37

Cai mandashcacunami Mandac Diosman animalta cushpa, tucui rupachina, grano ofrendata cuna, juchamanta animalta cushpa huañuchina, pandarishcamanta animalta cushpa huañuchina, Diospaclla chicanyachishca cangapac cuna, shinallatac Dios-huan alli tucungapac cushcacunata ima shina ruhuanacuna can.

ROMANOS 12:1

Cuyashca criccuna, Dios cancunata cuyashcamanta caitami ruhuachun mañani: Cancunapac cuerpota Diosman ofrendata cuc shina, pai munashcata ruhuaichic. Chashna ruhuashpami, Diosta tucui shunguhuan alli ninguichic.

ROMANOS 6:13

Ama cancunapac cuerpo ima mana allicunata ruhuachun saquinguichicchu. Chaipac randica huañushcacunapuramanta causarishca shina, Diospacllata ruhuachun paillaman cuichic. Cancunapac cuerpotaca Diospacta ruhuachun saquichic.

ROMANOS 6:19

Cancuna mana entendinalla cacpimi, entendinallata rimani. Ima shinami utcaman cancunapac cuerpota imapish millana mana allita ruhuachun saquircanguichic, chai shinallatac cunanca cuerpotaca Diospaclla tucushpa, servichun saquichic.

1 CORINTIOS 1:2

Corinto pueblopi cac Diospaclla tandanacushca criccunaman, caitaca quillcani. Cancunaca Cristo Jesus-huan shuclla tucushcamanta, Diospaclla tucushpa, shuctac llactacunapi Apunchic Jesucristoman tucui mañaccunahuan pacta, pai Diospaclla cachun acllashpa cayashcacunami canguichic. Apunchic Jesucristoca shuctac llactapi causaccunapacpish, ñucanchicpacpish Mandacmi.

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

1 CORINTIOS 6:20

ashtahuanpish Diosmi cancunataca tucuimanta yalli valic-huan randirca. Chashna cashcamanta cancunapac cuerpohuan, espirituhuan Diosta alli nina nichic. Cuerpopish, espiritupish Diospacmi can.

FILIPENSES 1:20

Imamanta mana pingaichishca canatami, ñuca tucui shunguhuan munani. Shinallatac ñuca causaipi ima ruhuashcacunahuan, ñuca huañushca quipapish Cristoca tucuipac alli nishca cachunmi munani. Chaimantami cunanpish, tucui punzhacunapish paimanta mana manchashpa huillasha nini.

FILIPENSES 2:17

Cancuna crishpaca, Diosman cushpa rupachic shinami cushcanguichic. Chaita pactachingapacca, ñuca quiquin causaita chingachina cacpipish chingachishallami. Chashna yuyashpami, tucui cancunahuan cushicuni.

1 TESALONICENSES 5:22

Tucui mana allimanta huacaichirichic.

HEBREOS 2:10

Tucui ima tiyashcatapish Diosmi ruhuashca. Diosca tucui paipac huahuacuna sumaimana cushicuita japichunmi munan. Chaimantami Diosca Quishpichic Jesucristotaca, pai llaquita apashcamanta sumacyachirca.

HEBREOS 5:8

Apunchic Jesucristoca Diospac Churi cashpapish, llaquita apashpami cazuna cashcata yachacurca.