LEVÍTICO 7:2 - Dios Rimashcata Quillcashcami

² Tucui rupachina animalta huañuchinallapitacmi pandarishcamanta cushca animaltapish huañuchina can. Chai yahuartaca altar jahua muyundipimi chirapana can.

LEVÍTICO 7:2 Iomraidhean Croise

ISAÍAS 52:15

Chashnallatacmi quipaman paita ricushpaca, tauca llactacuna yallita mancharinga. Jatun mandaccunapish paipac ñaupapi mana imatapish rimai pudishpami upalla saquiringa. Paicunaca jaicapi pi mana ricushcata, mana uyashcatami ricunga, shinallatac entendinga.

EZEQUIEL 36:25

Chaipimi chuya yacuhuan cancunapac juchacunata pichashpa, ruhuashcalla dioscunata adorashpa mapayashcatapish chuyayachisha.

EZEQUIEL 40:39

Chai ucuman yaicuna pungupica cada ladomanmi ishcai mizacuna tiyarca. Chai jahuapimi Diosman cushpa tucui rupachina animaltapish, juchamantapish, pandarishcamantapish cushca animalta huañuchina carca.

LEVÍTICO 1:11

Chai animaltaca altar jahua ladopimi Mandac Diospac ñaupapi huañuchina can. Chai yahuartaca Aaronpac churi curacunami altar muyundipi chirapanga.

LEVÍTICO 1:3

Tucui rupachina beci cacpica, imapish mana tucushca cari becitami Mandac Dios-huan tupana huasi yaicunapi rupachina can. Chaipimi Mandac Diosca chashquinga.

LEVÍTICO 1:5

Chai becitaca Mandac Diospac ñaupapimi huañuchina can. Chai beci yahuartaca Aaronpac churi curacunami Dios-huan tupana huasi yaicunapi cac altar jahua muyundipi chirapanga.

LEVÍTICO 14:13

Chai quipami maltón ovejataca juchamanta cushcata, tucui rupachinata rupachinallapitac huañuchinga. Pandarishcamanta Diosman cushcapish, juchamanta cushcapish Diospaclla chicanyachishcami can. Chaimantami animal aichataca cura japina can.

LEVÍTICO 3:2

Chai huagra umapi paipac maquita churashpami, Dios-huan tupana huasi yaicunapi huañuchinga. Chai quipaca Aaronpac churi curacunami yahuartaca altar muyundipi chirapanga.

LEVÍTICO 3:8

chai oveja umapi maquita churashpa Dios-huan tupana huasi ladopi huañuchinga. Aaronpac churi curacunami chai yahuartaca altar muyundipi chirapanga.

LEVÍTICO 4:24

Chai chivopac umapi maquita churashpami, tucuita rupachina altar jahuapi, Mandac Diospac ñaupapi huañuchinga. Chaica juchamanta cushcami canga.

LEVÍTICO 4:29

Chai chivopac umapi maquita churashpami, tucuita rupachinallapitac huañuchinga.

LEVÍTICO 4:33

Chai ovejapac umapi maquita churashpami, tucuita rupachina altarpi huañuchinga.

LEVÍTICO 5:16

Cutin chai ofrendata mana cushcamantaca pichcahuan yallitami curaman cuna can. Chaitami curaca juchamanta cushca cari ovejahuan Diosman cushpa rupachinga. Chashna cucpimi, Diosca chai juchacunataca perdonanga.

LEVÍTICO 5:7

Mana malta ovejata, mana cashpaca malta chivota charishpaca, ishcai urpita, mana cashpaca ishcai llulla palomatami cuna can. Chaicunamanta shucca juchata Dios pichachun cungapac, shucca tucui rupachingapacmi canga.

LEVÍTICO 5:9

Chai yahuartaca altar quingraipimi chirapanga. Puchu yahuartaca altar chaquipimi tallinga. Chaica juchata pichachun Diosman cushcami canga.

LEVÍTICO 6:25

«Aaronmanpish, paipac churicunamanpish juchata pichachun ima shina ofrendata cuna cashcata huillai. Tucuita rupachina altarllapitacmi juchata pichachun cushca ofrendatapish Mandac Dios ñucapac ñaupapi huañuchina can. Chaica Diospaclla chicanyachishcami.

LEVÍTICO 6:7

Curami chai runapac juchata pichachun Mandac Dios ñucaman cushpa, ñucapac ñaupapi rupachinga. Chashnami chai juchaca perdonashca canga» nirca.

NÚMEROS 6:12

Chai quipaca cutinmi nazareo tucushpa, Diospaclla chicanyarishpa causai callaringa. Chaipacca shuc huatayuc ima mana tucushca cari ovejatami huañushcapi tuparishpa juchallishcata pichachun Diosman cunga. Pai mapayashcamantaca ñaupa punzhacunapi nazareo tucushcaca yangami saquiringa.

HEBREOS 11:28

Crishcamantami Moisesca Pascuata ruhuashpa, israelcunapac punta huahuacunata ángel ama huañuchichun, tucui pungucunapi yahuarhuan cahuirca.

HEBREOS 12:24

Mushuc ari ninacuita pactachic Jesuspacman, pai ñucanchicmanta jichashca yahuarmanmi chayarcanguichic. Chai yahuarmi Abelpac yahuarta atishpa, Dios ruhuasha nishcata ashtahuan allita ricuchin.

1 PEDRO 1:2

Cancunataca Diosmi ña ñaupamanta pacha pai munashca shina paipaclla cachun acllashca. Diosca paita cuyashpa causachun, shinallatac Jesucristopac yahuarhuan chuyayachishca cachunmi, cancunataca paipac Espiritumanta paipacllatac ruhuashca. Dios mai cuyashpa, cancunaman sumac causaita yallita cushca cachun ninimi.