LEVÍTICO 6:16 - Dios Rimashcata Quillcashcami

¹⁶ Chai puchuca Aaronmi paipac churicunandi micunga. Chaitaca levadura illactami Dios-huan tupana huasi canzha pambaman rishpa, Diospaclla chicanyachishca pushtupi micunga.

LEVÍTICO 6:16 Iomraidhean Croise

2 CRÓNICAS 31:14

Inti llucshina lado pungupica Imna levitapac churi Coremi cuidacurca. Paica gentecuna tucui munaihuan Mandac Diosman cushca ofrendacunatapish, Mandac Diosman cushcata raquinacunatapish, Diospaclla chicanyachishcacunatapish cuidacmi carca.

ÉXODO 12:8

Chai tutallatac chai aichataca ninapi cusashpa, levadura illac tandahuan, jayac quihuahuan micunguichic.

EZEQUIEL 44:29

Paicunaca ñucaman cushca grano ofrendata, juchacunamanta animalta cushcata, animalta rupachishcatami micunga. Israelcuna tucui ñucapaclla cachun chicanyachishcacunaca paicunapacmi canga.

LEVÍTICO 2:3

Chai rupachishca puchu harinaca Diospacllami. Chaimantami Aaronman, paipac churicunaman cuna can.

LEVÍTICO 5:13

Chashnami curaca maijan mana allita ruhuashpa juchacunata ruhuashcata perdonachun canga. Chai puchu harinataca curamanmi cuna can” ningui» nirca.

LEVÍTICO 6:23

Cura cushca ofrendataca tucuimi rupachina. Chaitaca mana micunachu» nirca.

LEVÍTICO 6:26

Chaitaca juchamanta Diosman cushpa, rupachic curallatacmi Dios-huan tupana huasi canzha pambapi, Diospaclla chicanyachishca pushtupi micunga.

NÚMEROS 18:8

Mandac Diosca Aarontaca: «Riqui, ñucaman alzashpa cushca ofrendacunataca can cuidachunmi churani. Israelcuna chicanyachishpa ñucaman tucui cushcacunataca cura cashcamantaca canmi japina cangui. Caitaca huiñaipacmi cambac huahua huahuacunamanpish cuni.

1 CORINTIOS 5:8

Chashnami levadura illac tandata micuc shina, imatapish cashcata ruhuashpa, Pascua punzhapi micunataca micuna canchic. Ashtahuanpish mana alli levadurahuan ruhuashca tandata micuc shina, millai yuyaihuan juchallishpa purinachu canchic.