LEVÍTICO 6:15 - Dios Rimashcata Quillcashcami

¹⁵ Curami chai ofrendamanta asha harinata maquipi japishpa, aceitehuan, inciensohuan altar jahuapi churashpa, yuyarina cachun rupachinga. Chaimi Mandac Diosmanca mishquilla ashnanga.

LEVÍTICO 6:15 Iomraidhean Croise

ÉXODO 27:21

Chai lamparacunataca Aaronmi paipac churicunandi Mandac Dios ñucapac ñaupapi, ñucahuan tupana ucupi mandashcacunata huacaichishca paño canzhapi, chishimanta tutamantacaman japichishpa charinga. Caicunataca tucui israelcunapish, paicunapac huahua huahuacunapish huiñaita pactachichunmi, mandashpa quillcashca.

LEVÍTICO 2:2

Chaitaca Aaronpac churi curacunamanmi cunga. Chaitaca curami maqui junda alli harinahuan, aceitehuan, inciensohuan chapushpa, yuyarina cachun, altar jahuapi rupachinga. Chaimi Mandac Diosmanca mishquilla ashnanga.

LEVÍTICO 2:9

Curallatacmi ashata japishpa, Mandac Diosman cushpa, yuyarina cachun, altar jahuapi rupachinga. Chaimi Mandac Diosmanca mishquilla ashnanga.

LEVÍTICO 3:17

Cai mandashcacunaca huiñaipacmi canga. Maipi cashpapish cai mandashcacunata cazushcamantami huiratapish, yahuartapish mana micuna can” ningui» nirca.

LEVÍTICO 6:14

Grano ofrendataca cashnami cuna can. Cai ofrendataca Aaronpac churicunami altar ñaupaman apashpa, Mandac Diospac ñaupapi cunga.