LEVÍTICO 6:10 - Dios Rimashcata Quillcashcami

¹⁰ Chai quipami curaca lino churanata churarishpa, ucutaca calzoncillota churarina can. Chashnami tucui rupashca quipaca uchupata altar jahuamanta anchuchishpa, altar ladopi churanga.

LEVÍTICO 6:10 Iomraidhean Croise

SALMOS 20:3

Can ofrendacunatapish yuyarichun. Can cushpa tucui rupachishcatapish chasquichun.

SALMOS 37:20

Ashtahuanpish Diosta mana manchaccunaca chingachishcami canga. Mandac Diosta piñaccunaca cari oveja huira shinami yacuyanga. Cushni shinami chingaringa.

EZEQUIEL 44:19

Canzha pamba gentecunapacman llucshishpaca, ñucata servingapac churarishca churanataca chicanyachishca ucucunapimi saquina can. Chai churanacunallahuantac llucshishpa, canzhapi cac gentecunata ñucapacllata mana ruhuangapacmi shuctac churanata churarina can.

LEVÍTICO 1:13

Curallatacmi chunzhullitapish, changa aichatapish yacuhuan jahuanga. Chashnami tucuita tandachishpa, altar jahuapi churashpa rupachinga. Chashna tucui rupachicpimi, Mandac Diosmanca mishquilla ashnanga.

LEVÍTICO 1:9

Chai chunzhullitapish, changa aichatapish yacuhuan jahuashpami, Diosman cushpa tucui rupachina can. Chashna rupachicpimi, Mandac Diosmanca mishquilla ashnanga.

LEVÍTICO 16:4

Ñucapaclla chicanyachishca lino tunicataca churashca, lino chumbihuan huatallishca, lino turbanteta churarishcami chai ucumanca yaicuna can. Cai churanacunami ñucapaclla chicanyachishca churanaca. Chai churanataca armarishpami churaringa.

LEVÍTICO 2:11

Mandac Diosman cusashca grano ofrendaca levadura illactami cana can. Mandac Diosmanca imatapish mana levadurahuan, mana abeja mishquihuanchu cana can.

LEVÍTICO 21:22

Shina cashpapish, ñucapaclla chicanyachishcamanta ashtahuan chicanyachishcataca micui pudinmi.

LEVÍTICO 4:12

carpa huasimanta carupi, uchupata shitana chuyanlla pambapimi yanta jahuapi churashpa rupachinga.

LEVÍTICO 6:11

Chai quipaca churanata llucchishpa, shuctac churanata churarishpami, uchupataca carpa huasimanta caruman apashpa, chuyanlla pambapi shitanga.

LEVÍTICO 6:18

Shinallatac chaicunataca Aaronpac churicunami micuna can. Diosman cushpa rupachishcataca Aaronpac huahua huahuacuna huiñaita micuchun mandashcami. Shinallatac chaicunapi tuparicca Diospacllami tucunga» nirca.

LEVÍTICO 6:22

Aaronpac randi aceitehuan cahuishca curami chai ofrendataca tucui rupachinga. Caitaca huiñai huiñaita ruhuachun mandashcami.

LEVÍTICO 8:2

«Aarontapish, paipac churicunatapish pushamui. Shinallatac curacunapac churanatapish, cahuina aceitetapish, becitapish, ishcai cari ovejatapish, uchilla taza levadura illac tandatapish apamui.

NÚMEROS 16:21

—Cai gentecunamanta anchurichic. Paicunataca cai ratomi tucui tucuchigrini— nirca.

NÚMEROS 16:35

Chai quipaca Mandac Diospac ñaupamanta nina llucshishpami inciensota rupachic ishcai patsac pichca chunga gentecunata tucui rupachirca.

APOCALIPSIS 19:14

Jahua pacha soldadocunaca, chuyanlla yalli valishca yuranlla lino churanata churashcami yurac caballopi tiyarishpa paitaca catircacuna.

APOCALIPSIS 19:8

Pactalla Ovejapac huarmimanca tucuimanta yalli valishca chuyanlla jagan nicuc linotami churachishca» nircacuna. Chai linoca Diospaclla caccuna imapish cashcata ruhuactami ricuchin.

APOCALIPSIS 7:13

Shina cacpimi chai yuyaccunapuramanta shucca: «Chai yuranlla churanata churashcacunaca, ¿picunatac, maimantatac shamushca?» nishpa, ñucaman tapurca.