LEVÍTICO 5:2 - Dios Rimashcata Quillcashcami

² Maijanpish mana yachashcamanta mapami nishcacunapi tuparishpaca mapayanmi. Chaica, sacha animal huañushcapi, charina animal huañushcapi, aisarishpa puric animal huañushcapi tuparishpa mapayashpaca, juchayucmi tucunga.

LEVÍTICO 5:2 Iomraidhean Croise

SALMOS 19:12

¿Pitac paillatac pandarishcataca yachai pudinyari? ¡Mandac Dioslla, ñuca mana yuyarishca juchacunataca perdonaiyari!

ISAÍAS 52:11

¡Babilonia llactamanta anchurichic, anchurichic! Chaimanta llucshichic. Imapish mapapica ama tuparichicchu. Chai llacta chaupimanta llucshichic. ¡Mandac Diospac caccunata apaccunapish mapa illac tucuichic!

LEVÍTICO 11:11

Chaicunaca millana animalcunami, ama micunguichicchu. Huañushca cacpipish, millanami canguichic.

LEVÍTICO 11:8

Chai animaltaca ama micunguichicchu, huañushcapipish ama tuparinguichicchu. Mana micunachu.

LEVÍTICO 4:13

Tandanacushca israelcuna mana yachashcamanta Mandac Dios ama ruhuachun nishcacunata ruhuashpaca, tucui gentecuna mana yachacpipish, juchayucmi tucun.

LEVÍTICO 5:17

Maijanpish mana yachashcamanta Dios ama ruhuachun nishcacunata ruhuashpa, chaita ruhuashcata mana yachac chayashpapish juchayucmi tucunga. Chaimanta llaquichishcami canga.

LEVÍTICO 5:3

Maijanpish mana yachashcamanta mapami nishcacunapi tuparishpa, quipata yachai yachashpaca juchayucmi tucunga.

LEVÍTICO 5:4

Maijanpish alli cashcata, mana alli cashcata manapish yachashpa, quiquin shimihuan ari nishpa, quipata yachac chayashpaca, juchayucmi tucunga.

LEVÍTICO 7:21

Maijanpish mapa animalpi, mana cashpaca ima shuctac mapapi tuparishpa, mapayashca runa Mandac Dios-huan alli tucungapac cushca animal aichata micucca israelcunapuramanta anchuchishcami canga» nirca.

HAGEO 2:13

Hageoca: —Maijan huañushcapi tuparishpa, chai micunacunapi tuparicpica, chaicunaca, ¿mapachu tucunga?— nirca. Shina tapucpimi curacunaca: —Ari, mapami tucunga— nirca.

NÚMEROS 19:22

Mapayashca runa tuparishcaca imapipish mapami canga. Mapayashca runapi maijan tuparicpish mapami canga” ninmi nishpa mandai» nirca.

SAN LUCAS 11:44

¡Aij, mandashcacunata yachachiccunalla, fariseocunalla, cancunaca mishqui shimi, jayac shungucunami canguichic! Cancunaca huañushcacunata enterrashca jutcu shinami canguichic. Chai enterrashca jahuata puriccunaca, ucupi ima tiyashcataca mana yachanchu— nirca.

2 CORINTIOS 6:17

Chaimantami tucuita Mandac Diosca: «Paicunapuramanta llucshichic. Paicunamanta chicanyarichic. Imapish mapayachic-huanca ama chapurichicchu, chaipica ñucaca chasquishami.

DEUTERONOMIO 14:8

Cuchitapish ama micunguichicchu. Cuchica pallca shillu cashpapish mana librunchu. Chai aichataca ama micunguichu, huañushcapipish ama tuparinguichicchu.