LEVÍTICO 5:19 - Dios Rimashcata Quillcashcami

¹⁹ Chaicunaca juchallishpa, Mandac Diosta llaquichishcamanta cushcami» nirca.

LEVÍTICO 5:19 Iomraidhean Croise

ESDRAS 10:2

Shina huacacucpimi, Elampac huahua huahuapuramanta Yehielpac churi Secaniasca Esdrastaca: «Ñucanchicca shuctac llacta huarmicunahuan cazarashpami, ñucanchic Diosta mana cazushpa juchata ruhuashcanchic. Chashna cashpapish israelcunapica alli tucuna yuyai tiyanracmi.

SALMOS 51:4

Cantami yallita llaquichishcani. Can mana munashcatami ruhuashcani. Chaimanta juchanchinatacmi cani. Ñuca juchamanta llaquichicpica, imata mana ni pudinichu.

EZEQUIEL 40:39

Chai ucuman yaicuna pungupica cada ladomanmi ishcai mizacuna tiyarca. Chai jahuapimi Diosman cushpa tucui rupachina animaltapish, juchamantapish, pandarishcamantapish cushca animalta huañuchina carca.

LEVÍTICO 5:17

Maijanpish mana yachashcamanta Dios ama ruhuachun nishcacunata ruhuashpa, chaita ruhuashcata mana yachac chayashpapish juchayucmi tucunga. Chaimanta llaquichishcami canga.

LEVÍTICO 5:18

Chai juchamantaca oveja manadamantami ima mana tucushca cari ovejata, mashna valishcata ricushpa, curaman cuna can. Curami juchamanta Diosman cunga. Chashna cucpimi, Diosca chai juchacunataca perdonanga.

LEVÍTICO 5:7

Mana malta ovejata, mana cashpaca malta chivota charishpaca, ishcai urpita, mana cashpaca ishcai llulla palomatami cuna can. Chaicunamanta shucca juchata Dios pichachun cungapac, shucca tucui rupachingapacmi canga.

LEVÍTICO 6:1

Mandac Dios Moisesta rimashpaca:

MALAQUÍAS 3:8

¿Runaca, Diospacta shuhuanchu? ¡Cancunaca ñucapac cashcata shuhuashcanguichicmari! Shina shuhuashpapish: “¿Imatatac shuhuarcanchic?” ninguichicmi. ¡Cancunaca chungamanta shucta cunata mana cushpami shuhuanguichic!

JOSUÉ 22:15

Paicunami Rubenpac, Gadpac aillucunapacman shinallatac Manasespac chaupi aillupacman, Galaad llactaman chayashpaca: