LEVÍTICO 5:17 - Dios Rimashcata Quillcashcami

¹⁷ Maijanpish mana yachashcamanta Dios ama ruhuachun nishcacunata ruhuashpa, chaita ruhuashcata mana yachac chayashpapish juchayucmi tucunga. Chaimanta llaquichishcami canga.

LEVÍTICO 5:17 Iomraidhean Croise

SALMOS 19:12

¿Pitac paillatac pandarishcataca yachai pudinyari? ¡Mandac Dioslla, ñuca mana yuyarishca juchacunataca perdonaiyari!

LEVÍTICO 4:13

Tandanacushca israelcuna mana yachashcamanta Mandac Dios ama ruhuachun nishcacunata ruhuashpaca, tucui gentecuna mana yachacpipish, juchayucmi tucun.

LEVÍTICO 4:22

Israelcunata maijan pushac mana yachashcamanta Dios ama ruhuachun nishpa mandashcacunata ruhuashpaca juchayucmi tucun.

LEVÍTICO 4:27

Maijanpish mana yachashcamanta Mandac Dios ama ruhuachun nishpa mandashcacunata ruhuashpaca juchayucmi tucun.

LEVÍTICO 5:15

«Maijanpish mana yachashcamanta Mandac Diosman cuna cashcata mana cushpaca juchallinmi. Chaimantaca paipac manadamantami ima mana tucushca shuc cari ovejatami Mandac Diosman cuna can. Chai ovejaca Diospac carpa huasipi tiyac siclos cullqui valishca shinami canga. Chai cullqui vali cacpimi, curaca juchata pichachun Diosman cunga.

LEVÍTICO 5:18

Chai juchamantaca oveja manadamantami ima mana tucushca cari ovejata, mashna valishcata ricushpa, curaman cuna can. Curami juchamanta Diosman cunga. Chashna cucpimi, Diosca chai juchacunataca perdonanga.

LEVÍTICO 5:19

Chaicunaca juchallishpa, Mandac Diosta llaquichishcamanta cushcami» nirca.

SAN LUCAS 12:48

Ashtahuanpish maijan servic amo mandashcata mana yachashpa, mana allita ruhuashcamantaca, macashpa llaquichina cacpipish, ashallatami macachishca canga. Maijanman Dios achcata cushpaca, achcallatatacmi mañanga. Maijanman achcata ruhuachun cushpapish achcallatatacmi ruhuachun ninga.

ROMANOS 14:23

Ashtahuanpish “¿cai micunaca allichu, mana allichu?” nishpa micucca juchallinmi. Pai crishca shina mana micushpaca juchayucmi tucun.