LEVÍTICO 5:13 - Dios Rimashcata Quillcashcami

¹³ Chashnami curaca maijan mana allita ruhuashpa juchacunata ruhuashcata perdonachun canga. Chai puchu harinataca curamanmi cuna can” ningui» nirca.

LEVÍTICO 5:13 Iomraidhean Croise

OSEAS 4:8

Curacunaca ñuca acllashcacuna juchamanta ofrendata cushcacunahuanmi causancuna. Chaimantami ashtahuan juchallichun munancuna.

LEVÍTICO 2:10

Rupachishca puchushca harinaca Diospacllami. Chaimantami Aaronman, paipac churicunaman cuna can.

LEVÍTICO 2:3

Chai rupachishca puchu harinaca Diospacllami. Chaimantami Aaronman, paipac churicunaman cuna can.

LEVÍTICO 4:20

Juchamanta cushca becita shinallatacmi chai becitapish rupachinga. Chashna ruhuacpimi, Mandac Diosca paicunapac juchacunataca perdonanga.

LEVÍTICO 4:26

Curaca Dios-huan alli tucungapac huañuchishca animalpac huirata shinallatacmi juchamanta cushpa animal huiratapish altar jahuapi rupachinga. Chashna ruhuacpimi, juchacunataca Diosca perdonanga.

LEVÍTICO 4:31

Dios-huan alli tucungapac cushca animalmanta llucchic shinallatacmi tucui chai animalpac huirata llucchinga. Chai huirataca curami Mandac Diosman mishquilla ashnachun, altar jahuapi rupachinga. Chashna rupachicpimi, Diosca juchacunata perdonanga.

LEVÍTICO 5:10

Caishuc animaltaca ima shina ruhuana cashca shinallatacmi tucui rupachinga. Shinami curaca maijanpish mana allita ruhuashpa, juchallishcata pichachun Diosman cunga. Chashna ruhuacpimi, Diosca juchacunata perdonanga.

LEVÍTICO 5:12

Chai harinataca curamanmi cunga. Paimi chaitaca maqui jundata japishpa, Diosman cushcacunahuan tandachishpa, yuyarina cachun, altar jahuapi rupachinga. Chaica juchata pichachun Diosman cushcami canga.

LEVÍTICO 5:14

Mandac Dios Moisesta rimashpaca:

LEVÍTICO 5:16

Cutin chai ofrendata mana cushcamantaca pichcahuan yallitami curaman cuna can. Chaitami curaca juchamanta cushca cari ovejahuan Diosman cushpa rupachinga. Chashna cucpimi, Diosca chai juchacunataca perdonanga.

LEVÍTICO 5:4

Maijanpish alli cashcata, mana alli cashcata manapish yachashpa, quiquin shimihuan ari nishpa, quipata yachac chayashpaca, juchayucmi tucunga.

LEVÍTICO 5:5

Maijanpish maijan caicunapi juchallishca cashpaca, chai juchata ruhuashcata huillashpami,

LEVÍTICO 5:6

Mandac Diosman shuc malta ovejata, mana cashpaca shuc malta chivota cuna can. Chaitaca curami chai runapac juchamanta Mandac Diosman cunga. Shina cucpimi, chai juchataca Diosca perdonanga.

LEVÍTICO 7:6

Chai ofrendaca Diospaclla chicanyachishcami. Chaimantami curacunalla Diospaclla chicanyachishca pushtupi micuna can.

1 CORINTIOS 9:13

Diosta mañana huasipi serviccunaca, chai huasiman apashca micunatami micun. Chai altarpi serviccunaca Diosman cushcatami micuncuna. Chaitaca cancunallatac yachanguichicmi.

1 SAMUEL 2:28

Ñuca altarman rishpa, ñucapac ñaupapi efodta churarishpa, inciensota rupachichunmi tucui Israel aillucunamanta ñucapacllata ruhuac cura cachun acllarcani. Shinallatac israelcuna ofrendata ñucaman cushcatapish, cambac taitacunapac huasi ucupuramanmi curcani.