LEVÍTICO 5:11 - Dios Rimashcata Quillcashcami

¹¹ Mana ishcai urpita, mana cashpaca ishcai llullu palomata charishpaca, ishcai kilo yalli alli harinatami cuna can. Chai harinaca juchata pichachun Diosman cushcami. Chaimanmi chai harinapica aceitetapish, inciensotapish mana churana can.

LEVÍTICO 5:11 Iomraidhean Croise

ÉXODO 16:18

Gomer jundatami medishpa, cada shucman pallarca. Achcata pallacpish mana puchuchircachu, shinallatac ashallata pallacpish mana faltachircachu. Cada shucmi micuna pactallata pallarca.

ÉXODO 16:36

Gomer nishcaca efata chungapi chaupishcami.

LEVÍTICO 1:14

Volac animalcunamanta Mandac Diosman cushpa, tucui rupachingapac apamushpaca urpita, mana cashpaca llullu palomatami apamuna can.

LEVÍTICO 12:8

Shuc maltón ovejata mana charishpaca, ishcai huahua palomata, ishcai urpitami apamuna can. Shuctaca Diosman cushpa tucuita rupachingapac, shuctaca huarmipac juchata pichachun cungapacmi apamuna can. Curaca chai huarmipac juchata pichachun Diosman cushpa rupachinga. Chaita ruhuacpimi, mapa illac saquiringa” ningui» nirca.

LEVÍTICO 14:21

Chai leprahuan ungushca runa huaccha cashcamanta chaicunata mana cui pudicpica, chai pandarishcamantaca shuc maltón ovejallatami apamuna can. Chaitaca curallatacmi cuyuchishpa Diosman cunga. Chaihuan cungapacca ishcai kilo yalli alli harinata, litromanta quimsapi chaupishca aceitetami apamuna can.

LEVÍTICO 27:8

Ashtahuanpish huaccha cashcamanta mana pagai pudicpica, curapacmanmi apana can. Chaipimi curaca mashnata pagai pudishcata pagachinga.

LEVÍTICO 5:12

Chai harinataca curamanmi cunga. Paimi chaitaca maqui jundata japishpa, Diosman cushcacunahuan tandachishpa, yuyarina cachun, altar jahuapi rupachinga. Chaica juchata pichachun Diosman cushcami canga.

LEVÍTICO 5:6

Mandac Diosman shuc malta ovejata, mana cashpaca shuc malta chivota cuna can. Chaitaca curami chai runapac juchamanta Mandac Diosman cunga. Shina cucpimi, chai juchataca Diosca perdonanga.

LEVÍTICO 5:9

Chai yahuartaca altar quingraipimi chirapanga. Puchu yahuartaca altar chaquipimi tallinga. Chaica juchata pichachun Diosman cushcami canga.

LEVÍTICO 6:20

«Aaronpish, paipac churicunapish paicunata aceitehuan cahuishca punzhapica, ishcai kilo alli harinatami chaupitaca tutamanta, chaupitaca chishita cuna can. Chaitaca huiñaitami cuna can.

NÚMEROS 5:15

huarmita curapacman apashpami, ishcai kilo cebada ofrendata cuna can. Celanacushcamanta cushca cashcamantami chai ofrendapica aceitetapish, inciensotapish mana churana can. Chai cushcaca juchallishcata mana juchallishcata ricuchingapacmi ñucaman cushca can.

NÚMEROS 7:13

Paipac ofrendaca Diospaclla ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca.

SAN LUCAS 2:24

shinallatac: «Ishcai urpita, mana cashpaca ishcai huahua palomata cungui» nishcamantami chashnaca ruhuarca.

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.

HEBREOS 9:22

Mandashcapi nishca shinaca, animalpac yahuarmi juchacunata pichana carca. Animalpac yahuarta jichashpallami, juchata perdonana carca.