LEVÍTICO 4:4 - Dios Rimashcata Quillcashcami

⁴ Chai becitaca Dios-huan tupana huasi yaicunapi Mandac Diospac ñaupapimi maquita becipac umapi churashpa huañuchinga.

LEVÍTICO 4:4 Iomraidhean Croise

2 CRÓNICAS 29:23

Chai quipami juchamanta cushca cari chivocunataca jatun mandacpac ñaupapi tiyac tucui gentecunapac ñaupapi churarcacuna. Shina churacpimi, chai chivocunapac uma jahuapi maquita churarca.

ISAÍAS 53:6

Tucui ñucanchicmi chingarishca ovejacuna shina, quiquin ñanta japishpa, caita chaita rishpa, chingarishca carcanchic. Shina cacpipish, Mandac Diosca paimanmi tucui ñucanchic juchacunata apachirca.

DANIEL 9:26

Sucta chunga semana quipa Dios cachashca quishpichicta huañuchicpica, imata mana charic saquiringachu. Shuctac jatun mandacpac gentecuna shamushpami, Jerusalentapish, Diospaclla chicanyachishca ucutapish tucui tucuchinga. Yacu jundashpa shamuc shinami tucuchinga. Jatun macanacuita tucuchingacaman llaquichinami tiyacunga.

LEVÍTICO 16:21

Chai chivopac uma jahuapi maquita churashpami, tucui israelcuna juchallishcatapish, millaita ruhuashcapish huillanga. Chashnami chivopac uma jahuapi juchacunata churashpa, shitashca pambapi cacharichun, chaipac acllashca runata cachanga.

LEVÍTICO 4:15

Chaitaca israelcunata pushac yuyaccunami chai becipac umapi maquita churashpa, Mandac Diospac ñaupapi huañuchinga.

LEVÍTICO 4:29

Chai chivopac umapi maquita churashpami, tucuita rupachinallapitac huañuchinga.

LEVÍTICO 8:14

Moisesca juchata pichana becita apamuchunmi mandarca. Chai becipac umapi Aaronpish, paipac churicunapish maquita churacpimi,

NÚMEROS 8:12

Chai quipami levitacunaca becicunapac uma jahuapi maquita churanga. Chashna churacpica, shuc becitaca juchata pichachun, shuctaca levitacuna jucha illac saquirichun, ñucaman cushpa tucui rupachingui.

1 PEDRO 3:18

Cristoca ñucanchic juchacunamantami, ñucanchicta Diospacman pushangapac, manapish juchayuc cashpa, millaicunamanta llaquita apashpa shuc cutinlla huañurca. Paica aichallapimi huañurca. Shina cashpapish Dios causachicpimi, espiritupica huiñaita causacun.