LEVÍTICO 4:25 - Dios Rimashcata Quillcashcami

²⁵ Chai juchamanta cushpa huañuchishca yahuartaca curami maqui dedohuan apashpa, Diosman cushpa, tucuita rupachina altar gachucunapi cahuinga. Chai puchu yahuartaca chai altar chaquipimi tallinga.

LEVÍTICO 4:25 Iomraidhean Croise

ÉXODO 29:12

Yahuartaca cambac dedohuan altarpac gachucunapi cahuingui. Puchu yahuartaca altar chaquipi tallingui.

ISAÍAS 40:21

Cancunaca, ¿manachu yacharcanguichic? ¿Manachu uyashcanguichic? Callarimanta pacha, ¿manachu pipish huillarca? Cai pachata ruhuashca punzhamanta pacha, ¿manachu pipish yachachirca?

LEVÍTICO 16:18

Chai ucumanta llucshishpaca, Mandac Dios ñucapac ñaupapi cac altarta mapa illacta ruhuangapacmi Aaronca chai altar gachucunatapish, altar muyunditapish cari becipac, chivopac yahuarta japishpa cahuinga.

LEVÍTICO 17:11

Causaiyucca yahuarmantami causan. Yahuartaca ñucami cancunapac juchamanta altar jahuapi chirapachun curcani. Chai yahuarllamantami gentecunaca juchamanta perdonashca canga.

LEVÍTICO 4:18

Chai yahuarllatatacmi Dios-huan tupana huasipi cac Mandac Diospac ñaupapi tiyac altar gachucunapi chirapanga. Cutin puchutaca Dios-huan tupana huasi yaicunapi Diosman cushpa, tucui rupachina altar chaquipimi tallinga.

LEVÍTICO 4:24

Chai chivopac umapi maquita churashpami, tucuita rupachina altar jahuapi, Mandac Diospac ñaupapi huañuchinga. Chaica juchamanta cushcami canga.

LEVÍTICO 4:30

Chaimantaca curami chai yahuarpi dedota satishpa, Diosman cushpa rupachina altar gachucunapi cahuinga. Cutin puchushca yahuartaca chai altar chaquipimi tallinga.

LEVÍTICO 4:34

Curami chai animalpac yahuarpi dedota satishpa, Diosman cushpa rupachina altar gachucunapi cahuinga. Chai puchushca yahuartaca chai altar chaquipimi tallinga.

LEVÍTICO 4:7

Curallatacmi asha yahuarta japishpa, Dios-huan tupana huasi ucupi tiyac mishquilla ashnacuc incienso rupachina altar gachucunapi cahuinga. Puchushca yahuartaca Dios-huan tupana huasi yaicunapi tiyac tucui rupachina altar chaquipi tallinga.

LEVÍTICO 5:9

Chai yahuartaca altar quingraipimi chirapanga. Puchu yahuartaca altar chaquipimi tallinga. Chaica juchata pichachun Diosman cushcami canga.

LEVÍTICO 8:10

Moisesca Dios-huan tupana huasitapish, chaipi tiyaccunatapish aceitehuan cahuishpami Diospacllata ruhuarca.

LEVÍTICO 8:15

Moisesca chai becita huañuchishpa, yahuarpi dedota satishpa, Diosman cushpa rupachina altar gachucunapi cahuishpa, Diospacllata ruhuarca. Puchu yahuartaca altar chaquipimi tallirca. Shina tallicpimi, chai altarca Dios-huan alli tucungapac rupachina altar saquirirca.

LEVÍTICO 9:9

Aaronpac churicunaca chai yahuarta apashpa, dedota yahuarpi satishpami altar gachucunapi cahuirca. Cutin puchu yahuartaca altar chaquipimi tallirca.

ROMANOS 10:4

Maijanpish crishpalla Dios chasquishca cachunca, Cristollami mandashcacunata pactachirca.

HEBREOS 2:10

Tucui ima tiyashcatapish Diosmi ruhuashca. Diosca tucui paipac huahuacuna sumaimana cushicuita japichunmi munan. Chaimantami Diosca Quishpichic Jesucristotaca, pai llaquita apashcamanta sumacyachirca.

HEBREOS 9:22

Mandashcapi nishca shinaca, animalpac yahuarmi juchacunata pichana carca. Animalpac yahuarta jichashpallami, juchata perdonana carca.