LEVÍTICO 4:15 - Dios Rimashcata Quillcashcami

¹⁵ Chaitaca israelcunata pushac yuyaccunami chai becipac umapi maquita churashpa, Mandac Diospac ñaupapi huañuchinga.

LEVÍTICO 4:15 Iomraidhean Croise

2 CRÓNICAS 29:23

Chai quipami juchamanta cushca cari chivocunataca jatun mandacpac ñaupapi tiyac tucui gentecunapac ñaupapi churarcacuna. Shina churacpimi, chai chivocunapac uma jahuapi maquita churarca.

ÉXODO 24:1

Mandac Diosca Moisestaca: —Ñuca maipi cashcaman Aaronhuan, Nadabhuan, Abiuhuan, canchis chunga israelcunata pushac yuyaccunahuan huichai shamushpa, carullapi cumuri.

ÉXODO 24:9

Quipaca Moisespish, Aaronpish, Nadabpish, Abiupish, canchis chunga israelcunata pushac yuyaccunapish huichaiman rishpami,

LEVÍTICO 1:3

Tucui rupachina beci cacpica, imapish mana tucushca cari becitami Mandac Dios-huan tupana huasi yaicunapi rupachina can. Chaipimi Mandac Diosca chashquinga.

LEVÍTICO 1:4

Chai animalpac umapi maquita churashpami huañuchina can. Chashna ruhuacpimi, Mandac Diosca juchacunata pichanga.

LEVÍTICO 16:21

Chai chivopac uma jahuapi maquita churashpami, tucui israelcuna juchallishcatapish, millaita ruhuashcapish huillanga. Chashnami chivopac uma jahuapi juchacunata churashpa, shitashca pambapi cacharichun, chaipac acllashca runata cachanga.

LEVÍTICO 4:16

Chaimantaca aceitehuan cahuishca curami beci yahuarta ashata japishpa, Dios-huan tupana huasiman apanga.

LEVÍTICO 4:4

Chai becitaca Dios-huan tupana huasi yaicunapi Mandac Diospac ñaupapimi maquita becipac umapi churashpa huañuchinga.

LEVÍTICO 8:14

Moisesca juchata pichana becita apamuchunmi mandarca. Chai becipac umapi Aaronpish, paipac churicunapish maquita churacpimi,

LEVÍTICO 8:18

Quipaca tucui huañuchina cari ovejatami apamuchun mandarca. Chai animalpac umapimi Aaronpish, paipac churicunapish maquita churarca.

LEVÍTICO 8:22

Chaimantaca Diospacllata tucuna ovejatami apamuchun mandarca. Chai ovejapac uma jahuapimi Aaronpish, paipac churicunapish maquita churarca.

NÚMEROS 11:16

Shina nicpimi, Mandac Diosca Moisestaca: —Israelcunata pushac yuyacpuramanta canchis chunga runacunata acllai. Paicunaca israelcunata pushac yuyaccunami cana can. Paicunata ñucahuan tupana huasi yaicunaman pushashpa, chaipi shuyangui.

NÚMEROS 11:25

Chaipimi Mandac Diosca puyupi urai shamushpa, Moises-huan parlanacushpa, paipi tiyac Espirituta canchis chunga pushac yuyaccunapi churarca. Shina churacpica, Diosmanta huillarcami. Shina cashpapish mana ashtahuan huillashpa catircachu.

NÚMEROS 8:10

Ñuca ñaupapi levitacuna shayaricpica, israelcunami paicunapac uma jahuapi maquita churanga.

NÚMEROS 8:12

Chai quipami levitacunaca becicunapac uma jahuapi maquita churanga. Chashna churacpica, shuc becitaca juchata pichachun, shuctaca levitacuna jucha illac saquirichun, ñucaman cushpa tucui rupachingui.