LEVÍTICO 4:13 - Dios Rimashcata Quillcashcami

¹³ Tandanacushca israelcuna mana yachashcamanta Mandac Dios ama ruhuachun nishcacunata ruhuashpaca, tucui gentecuna mana yachacpipish, juchayucmi tucun.

LEVÍTICO 4:13 Iomraidhean Croise

ESDRAS 10:19

Paicunami, paicunapac huarmicunata llucchishpa cachashun nishpa maquita cushpa, paicunapac manadamanta shuc cari ovejata juchamanta Diosman curcacuna.

SALMOS 19:13

Shinallatac canta servic ñucataca jatun tucuna yuyaimanta cuidangui. Chai yuyai shamushpa, ñucata mishachunca ama saquinguichu. Chashna cuidacpimi, ima pandata mana ruhuasha. Shinallatac canta mana cazushpa mana juchallisha.

EZEQUIEL 45:22

Chai punzhapica mandacmi paipac juchacunamantapish, tucui gentecunapac juchacunamantapish shuc becita ñucaman cushpa huañuchinga.

OSEAS 5:15

Paicunallatac juchata ruhuashcata yuyarishpa, ñucapacman cutingacamanmi ñuca causacushcaman risha. Paicunaca llaquirishpami, ñucataca mashcangacuna» ninmi.

LEVÍTICO 16:5

Aaronca tandanacushca israelcunamantami ishcai chivotaca, juchata pichachun cungapac, cutin shuc cari ovejataca tucui rupachingapac apamuna can.

LEVÍTICO 4:21

Chai quipaca punta becita rupachishca shinallatacmi carpa huasimanta canzhaman llucchishpa rupachinga. Chaica tandanacushca israelcunapac juchata pichachun cushca ofrendami canga.

LEVÍTICO 5:17

Maijanpish mana yachashcamanta Dios ama ruhuachun nishcacunata ruhuashpa, chaita ruhuashcata mana yachac chayashpapish juchayucmi tucunga. Chaimanta llaquichishcami canga.

LEVÍTICO 6:4

Chaimanta imata mingashcatapish, mañashcatapish, mingai tucushcatapish, imata tarishcatapish,

NÚMEROS 15:22

Ñuca Moisesman huillashca mandashcacunata mana yachashcamanta

1 CORINTIOS 11:27

Maijanpish Apunchic Jesús huañushcata yuyarishpa, (jahua shungullahuan) micucca Jesuspac aichatapish, yahuartapish yangapi churashpami juchallin.

1 TIMOTEO 1:13

Ñaupaca criccunata llaquichishpa, Jesusta piñashpa camicmi carcani. Shina cacpipish manarac cric cashpa, imata ruhuacushcata mana yachashcamantami, Diosca ñucata llaquirca.

JOSUÉ 7:11

Israelcunaca juchallishcacunami. Pactachingapac ñucahuan ari nishcataca mana cazushcacunachu. Ñuca tucuchingapac chicanyachishcataca shuhuashcacunami, llullashcacunami. Chai shuhuashcata paicuna charishcacunapimi pacashca.