LEVÍTICO 27:28 - Dios Rimashcata Quillcashcami

²⁸ Maijanpish imata Mandac Dios ñucapac cachun chicanyachishcataca mana catui pudinchu. Shinallatac cullquita cushpapish mana chaihuan saquiri pudinchu. Chashnami gentetapish, animaltapish, allpatapish, ima charishcatapish mana catui pudin. Ñucapaclla chicanyachishcaca ñucapacmi can.

LEVÍTICO 27:28 Iomraidhean Croise

2 CRÓNICAS 31:14

Inti llucshina lado pungupica Imna levitapac churi Coremi cuidacurca. Paica gentecuna tucui munaihuan Mandac Diosman cushca ofrendacunatapish, Mandac Diosman cushcata raquinacunatapish, Diospaclla chicanyachishcacunatapish cuidacmi carca.

ÉXODO 22:20

Maijanpish Mandac Diosman animalcunata huañuchishpa, mana cushpa, shuctac dioscunaman cucca huañunami can.

EZEQUIEL 44:29

Paicunaca ñucaman cushca grano ofrendata, juchacunamanta animalta cushcata, animalta rupachishcatami micunga. Israelcuna tucui ñucapaclla cachun chicanyachishcacunaca paicunapacmi canga.

EZEQUIEL 48:14

Chai allpaca Mandac Diospaclla chicanyachishca, tucuimanta alli allpami. Chaimantami catunatapish, cambianatapish, shucman cunatapish mana pudinga.

LEVÍTICO 21:22

Shina cashpapish, ñucapaclla chicanyachishcamanta ashtahuan chicanyachishcataca micui pudinmi.

LEVÍTICO 27:21

Allpata cacharina huatapi mana pi japicpica, chai allpaca Diospacllami tucunga. Chaitaca curami japinga.

LEVÍTICO 27:27

Ashtahuanpish punta huacharishca animal mana alli cacpica, mashna valina cashcataca ricushpami, preciota churanga. Chaipac jahuapica cada chunga cullquimanta ishcai cullqui yallihuanmi pagana can. Chai animal mashnata valishcata mana pagai pudishpaca, mashna valina cashcallapitac catuchunlla.

LEVÍTICO 27:29

Ñucaman cusha nishca runataca cullquita cushpa mana cacharichi pudinchu. Ashtahuanpish paica huañunatacmi can.

NÚMEROS 18:14

Israelcuna ñucaman cungapac tucui chicanyachishcacunaca canmanmi canga.

SAN MATEO 25:41

Lluqui maquiman caccunataca: “Millaicuna, caimanta anchurichic. Diabloman, paita servic angelcunaman allichishca, mana huañuc ninapimi shitashca canguichic.

ROMANOS 9:3

Ñuca quiquin aillucunapac randi, ñucallatac Cristomanta anchurishpa, llaquichishca canatami munaiman.

1 CORINTIOS 16:22

Maijanpish Apunchic Jesusta mana cuyactaca, llaquichishca cachun. ¡Ñucanchic Apunchic Jesús, shamuilla!

GÁLATAS 3:10

Mandashcacunata pactachishpalla Dios alli tucusha niccunaca jatun llaquitami apangacuna. Dios quillcachishcapica: «Mandashcacunata mana tucui allita pactachictaca, llaquichingapac chicanyachishcami canga» ninmi.

GÁLATAS 3:13

Chaimantami mandashcacunata mana pactachishpa, llaquiman rinalla cacpi Cristoca ñucanchicpac randi cruzpi llaquita apashpa quishpichirca. Dios quillcachishcapica: «Maijanpish cruzpi chacatashca huañucca, Dios llaquichishcami huañun» ninmi.

DEUTERONOMIO 25:19

Chaimantami Mandac Dios cancunaman cushca llactapi causacucpica, cancunata piñac tucui muyundi llactacuna llaquichinamanta cuidanga. Chashna cacpimi, samaringuichic. Mandac Dios cushca llactapi causacushpaca, Amalecpac shutitaca tucui cai pachamanta chingachinguichic. Amatac chashna ruhuanataca cungaringuichicchu.

DEUTERONOMIO 7:26

Cancunapish paicunahuan pacta mana tucuchishca cangapacca ama millanacunata cancunapac huasipi yaicuchinguichicchu. Chaicunataca Dios tucuchishpa, chingachina cashcamantaca millashpa, ama ricunguichicchu.

JOSUÉ 6:26

Chai punzhacunapimi Josueca pactachingapac ari nishpaca: «¡Maijanpish cai Jericó pueblota cutinllatac allichishpa shayachicca Mandac Diospac ñaupapi mana alli nishca cachun! Cai pueblo callari pircataca paipac punta churipac jahuapi churachun. Cai pueblo pungutaca quipa churipac jahuapi churachun» nirca.

JOSUÉ 7:1

Ashtahuanpish israelcunaca Mandac Dios tucuchingapac chicanyachishcata pacalla japishpami pandarircacuna. Judapac aillupuramanta Acanmi chaitaca ruhuarca. Paica Carmipac churi, Zabdipac nieto, Zerapac bisnietomi carca. Chaimantami Mandac Diosca israelcunahuan nina japiric shina piñarirca.

JOSUÉ 7:25

Chaipimi Josueca: —¿Ima nishpatac ñucanchicta chashna llaquipi churarcangui? Cantapish, Mandac Dios cunan punzha llaquichichun— nirca. Chai quipaca, tucui israelcunami rumihuan shitashpa huañuchirca. Shina huañuchishca quipaca tucuimi rupachirca.

JUECES 21:11

Chaiman chayashpaca, tucui caricunata, carihuan chayarinacushca huarmicunatapish huañuchinguichic» nishpami cacharcacuna.

JUECES 21:18

Shina cacpipish, ñucanchicca ñucanchic ushicunata mana cui pudinchicchu— nirca. Israelcunaca: “¡Maijanpish Benjamín aillucunaman cazarachun ushita cucca mana alli nishcami canga!” nishcami» nishpami, Diospac shutipi ari nishca carca.

JUECES 21:5

Chai quipami israelcunaca: «¿Tucui Israel aillumantaca maijantac Diospac tandanacuimanca mana shamurca?» nishpa tapurcacuna. Paicunaca: «Mizpa puebloman maijanpish mana ricca huañungatacmi» nishpami Diospac shutipi ari nishca carcacuna.

1 SAMUEL 15:18

Chaimantami Mandac Diosca cantaca: “Juchata ruhuac amalecitacunata tucuchigri” nishpa mandarca.

1 SAMUEL 15:3

Shina cashcamanta amalecitacunata tucui huañuchigri. Paicuna ima charishcacunataca mana llaquishpa tucui chingachingui. Caricunata, huarmicunata, huahuacunata, chuchucuc huahuacunata, vacacunata, ovejacunata, camellocunata, burrocunatapish mana llaquishpa tucui huañuchingui” ninmi— nirca.