LEVÍTICO 27:27 - Dios Rimashcata Quillcashcami

²⁷ Ashtahuanpish punta huacharishca animal mana alli cacpica, mashna valina cashcataca ricushpami, preciota churanga. Chaipac jahuapica cada chunga cullquimanta ishcai cullqui yallihuanmi pagana can. Chai animal mashnata valishcata mana pagai pudishpaca, mashna valina cashcallapitac catuchunlla.

LEVÍTICO 27:27 Iomraidhean Croise

LEVÍTICO 27:11

Mana micuna animal cashcamanta Mandac Dios ñucaman mana cuipaclla cacpica, curapacmanmi apana can.

LEVÍTICO 27:13

Chai animalmanta cullquita cusha nishpaca, chai animal mashna valishca cada chunga cullquimanta ishcai cullqui yallihuanmi pagana can.

LEVÍTICO 27:15

Shina cacpipish, chai huasita cucllatac saquichisha nishpaca, chai huasi mashna valishca cada chungamanta ishcai cullqui yallihuanmi pagana can. Chashna ruhuacpica, chai huasica paipacllatacmi saquiringa.

LEVÍTICO 27:26

Tucui punta huacharishcaca Mandac Dios ñucapacmi. Chaimantami huagrapish, ovejapish ñucapaclla cachun mana chicanyachi pudinga.

LEVÍTICO 27:28

Maijanpish imata Mandac Dios ñucapac cachun chicanyachishcataca mana catui pudinchu. Shinallatac cullquita cushpapish mana chaihuan saquiri pudinchu. Chashnami gentetapish, animaltapish, allpatapish, ima charishcatapish mana catui pudin. Ñucapaclla chicanyachishcaca ñucapacmi can.

LEVÍTICO 27:31

Maijanpish chungamanta shucta mana cushpa saquichisha nishpaca, mashna valishca cada chungamanta ishcai cullqui yallihuanmi pagana can.

LEVÍTICO 5:16

Cutin chai ofrendata mana cushcamantaca pichcahuan yallitami curaman cuna can. Chaitami curaca juchamanta cushca cari ovejahuan Diosman cushpa rupachinga. Chashna cucpimi, Diosca chai juchacunataca perdonanga.