LEVÍTICO 27:18 - Dios Rimashcata Quillcashcami

¹⁸ Allpata cacharina huatapi mana cushpa, quipa huatapi cucpica, curami cacharina huatacaman mashna huata tiyacta yupashpa, chai huatacunallamanta mashna valishcata huillanga.

LEVÍTICO 27:18 Iomraidhean Croise

LEVÍTICO 25:27

Chai allpata catushca huatamanta yupashpa, tarpuna mashna huatacuna sirishcata yupashpami cutichina can. Shina cutichishpami, cutinllatac chai allpataca saquichinga.

LEVÍTICO 27:14

Maijan cashpapish Mandac Dios ñucaman shuc huasita cucpica, chai huasica ñucapaclla chicanyachishcami saquiringa. Chai huasitaca curami alli cacta, mana alli cacta ricushpa, mashna valishcata huillanga. Mashna valishcata huillacpica, chai huillashca shinallatacmi saquiringa.

LEVÍTICO 27:17

Allpata cacharina huatapi Mandac Dios ñucaman chicanyachishpa cucpica, chai valillatacmi saquiringa.

LEVÍTICO 27:19

Allpayucllatac saquichisha nishpaca, chai allpa valishca cada chunga cullquimanta ishcai cullqui yallihuanmi pagana can.

LEVÍTICO 27:23

curami cacharina huatacaman mashna valina cashcata paihuan parlanacushpa huillanga. Chai allpaca Mandac Dios ñucapaclla cashcamantaca chai punzhallatacmi pagana can