LEVÍTICO 27:17 - Dios Rimashcata Quillcashcami

¹⁷ Allpata cacharina huatapi Mandac Dios ñucaman chicanyachishpa cucpica, chai valillatacmi saquiringa.

LEVÍTICO 27:17 Iomraidhean Croise

LEVÍTICO 25:10

Pichca chunga huata tucucpica, ñucapaclla cachun chicanyachinguichic. Chai huataca huatashca shinamanta cacharina huatami canga. Chaimanta tucui Israel llactapi huillanguichic. Chai huatapica tucuimi quiquin allpaman, shinallatac quiquin familiacunapacman cutinga.

LEVÍTICO 25:11

Pichca chunga huataca huatashca shinamanta cacharirina huatami. Chai huatapica ama tarpunguichicchu, iñal huiñashca trigotapish ama cosechanguichicchu. Iñal huiñashca uvastapish ama pallanguichicchu.

LEVÍTICO 25:13

Huatashca shina causacushcamanta llucchina huatapica tucui cancunami quiquin allpaman cutina canguichic.

LEVÍTICO 25:9

Juchata pichana canchis quilla, chunga punzhapi tucui llactapi trompetapi tocashpa uyachinguichic.

LEVÍTICO 27:14

Maijan cashpapish Mandac Dios ñucaman shuc huasita cucpica, chai huasica ñucapaclla chicanyachishcami saquiringa. Chai huasitaca curami alli cacta, mana alli cacta ricushpa, mashna valishcata huillanga. Mashna valishcata huillacpica, chai huillashca shinallatacmi saquiringa.

LEVÍTICO 27:16

Maijanpish paipac allpamanta asha allpata Mandac Dios ñucapaclla cachun cucpica, chai allpa chunga almud cebada muyu yaicuipac cacpica, pichca chunga siclos cullquimi valin ningami.

LEVÍTICO 27:18

Allpata cacharina huatapi mana cushpa, quipa huatapi cucpica, curami cacharina huatacaman mashna huata tiyacta yupashpa, chai huatacunallamanta mashna valishcata huillanga.