LEVÍTICO 26:9 - Dios Rimashcata Quillcashcami

⁹ Ñucaca cancunata ayudangapac cutimushpami achcata mirachishpa, ñuca ari nishcatapish cancunahuan pactachisha.

LEVÍTICO 26:9 Iomraidhean Croise

GÉNESIS 1:28

Dios paicunata bendiciashpaca: «Achcata mirarishpa, achca tucushpa, cai pachapi jundarichic, shinallatac cazuchichic. Mama cuchapi tiyac challuacunatapish, jahuata volac animalcunatapish, tucui cai pachapi tiyac animalcunatapish mandaichic» nirca.

GÉNESIS 17:20

Ismaelmantapish uyashcanimi. Riqui, paitapish bendiciashpa mirachishpa, achca gentecunatami ruhuasha. Chaimantami paica chunga ishcai mandaccunapac taita canga. Paimantaca shuc jatun llactatami ruhuasha.

GÉNESIS 22:17

yallita bendiciashpami, cambac huahua huahuacunataca jahua pacha lucerocuna shina, mama cucha tiyu shinata mirachisha. Chashnallatac paicunata piñaccunataca mishacungallami.

GÉNESIS 26:4

Cambac huahua huahuacunataca jahua pacha lucerocunata shinami mirachishpa, tucui cai allpacunata cusha. Cambac huahua huahuacunamantami tucui cai pachapi causaccunataca bendiciasha.

GÉNESIS 28:14

Cambac huahua huahuacunaca ñuto allpa shinami, achcata miraringa. Jahuamanpish, uramanpish, inti llucshina ladomanpish inti tigrana ladomanpish rishpami, mirarishpa causangacuna. Canmantapish, cambac huahua huahuacunamantapishmi tucui cai pachapi causaccunata bendiciasha.

GÉNESIS 28:3

Imatapish ruhuaclla Dios canman bendiciashpa, achca llactacuna tucungacaman cambac huahua huahuacunataca achcata mirachichun.

GÉNESIS 48:4

“Riqui, ñucami achca huahuacunayucta ruhuashpa, cantaca tucui llactacunapac sapita shina ruhuani. Cambac huahua huahuacunamanpish huiñaipacmi cai allpataca cusha” nirca.

GÉNESIS 6:18

Canhuanmi shuc ari ninacuita ruhuasha nini. Chai huambuc huasimanca cambac churicunatapish, cambac huarmitapish, nietocunatapish yaicuchishpa, canpish yaicungui.

1 REYES 3:8

Canta servic ñucaca can acllashca gentecunapac chaupipimi cani. Paicunaca yupanatapish, mana pudipac shinallatac mashna cashcatapish mana yachaipac achca gentecunami can.

2 REYES 13:23

Mandac Diosca Abrahamhuan, Isaac-huan, Jacobohuan ari nishcamantami paicunataca yallita llaquirca. Chaimantami paicunataca tucuchingapac paipac ñaupamanta llucchishpa, cachanatapish mana munarca.

NEHEMÍAS 2:20

Shina nicpimi paicunataca: —Ñucanchictaca jahua pachapi causac Diosmi ayudanga. Shina ayudacpimi, paita servic ñucanchicca tucui jatarishpa cutin allichishun. Ashtahuanpish cancunaca Jerusalenpica imata ruhuanatapish, imata japinatapish, imata yuyarinatapish mana charinguichicchu— nircani.

NEHEMÍAS 9:23

Paicunapac huahuacunatapish jahua pachapi tiyac lucerocuna shinatami mirachishcangui. Chashna ruhuashpami, paicunapac ñaupa taitacunaman cushami nishca llactaman, yaicuchun pusharcangui.

SALMOS 107:38

Diosmi paicunata bendiciashpa yallita mirachin. Paicunapac animalcunapish mana ima tucunchu.

SALMOS 89:3

Can acllashca, canta servic Davidhuan ari nishpaca:

ÉXODO 1:7

Ashtahuanpish israelcunaca mirarishpa achcayashpami, tucui llactacunapi jundashpa, sinchi tucurca.

ÉXODO 2:25

Diosca paicuna ima shina causacushcata ricurcami. Chaimantami paicunata ayudasha nirca.

ÉXODO 6:4

Canaán llactata cusha nishpami, paicunahuan ari ninacurcani. Chai llactapimi paicunaca pozashpalla causarca.

ISAÍAS 55:3

Cancunapac ringrihuan uyashpa, ñucapacman cuchuyaichic. Chashna ruhuacpica, cancunapac almaca causangami. Davidhuan ari nishca shinami, cancunahuanpish huiñai huiñaita ari nisha.

JEREMÍAS 23:3

Shuctac llactaman ñucallatac cachashca ovejacunamanta saquirishca ovejacunataca ñucallatacmi cutin tandachisha. Shina tandachishpami, paicuna causacushca pushtullamantac cutichimusha. Chaipi causashpami achcata miranga.

JEREMÍAS 23:4

Paicunata michichunca michiccunatami churasha. Shina churacpica, mana manchangacunachu, mana chucchungacunachu. Imapish mana illangachu.

JEREMÍAS 33:3

Ñucata caparishpa mañailla, ñucaca uyashallami. Can mana yachashca, pacalla tiyacuc jatun yachaicunatami yachachisha.

EZEQUIEL 16:62

Ashtahuanpish ñucahuan ari nishcata sinchiyachishcamantami cambac huahua shina canga. Shina ruhuacpimi, ñucataca Mandac Dios cashcata yachangui.

EZEQUIEL 36:9

Riquichic, ñucaca cancunata cuidacunimi. Gentecuna cancunapacman cutimushpa, yapushpa tarpungami.

LEVÍTICO 26:15

ñuca yachachishcacunata millanayachishpa, ñuca quillcachishcacunata yangata ruhuacpi, ñucahuan ari nishcata paquicpica,

SAN LUCAS 1:72

Ñaupa taitacunata llaquishpa, paipac sumac ari nishcata mana cungarishpa pactachicungami.

DEUTERONOMIO 28:11

Mandac Diosmi huahuacunatapish, animalcunatapish, chagracunatapish cancunapac taitacunaman cungapac ari nishca allpapica achcata bendicianga.

DEUTERONOMIO 28:4

Cancunapac huahuacunapish, cancunapac allpapi pucushcapish, vacacuna mirashcapish, ovejacuna mirashcapish, tucui animalcuna mirashcapish, Mandac Dios bendiciashcami canga.

DEUTERONOMIO 7:13

Paica cuyangami, bendiciangami, achcata mirachingami. Cancunapac taitacunaman cushami nishca llactapica huahuacunatapish, allpapi pucushcatapish, granotapish, punta vinotapish, aceitetapish, vacacuna mirashcatapish, ovejacunatapish bendiciangami.

HEBREOS 8:9

Caica mana paicunapac ñaupa taitacunahuan ari nishca shinachu canga. Paicunataca maquimanta japishpami, Egipto llactamanta llucchircani. Shina cashpapish, chai ari nishcata mana pactachishcamantaca saquircanimi.