LEVÍTICO 26:6 - Dios Rimashcata Quillcashcami

⁶ Chai llactapica cushi causaitami cusha. Ña mana manchailla sueñunguichicchu. Llaquichic sacha animalcunatapish anchuchishami. Macanacunapish mana tiyangachu.

LEVÍTICO 26:6 Iomraidhean Croise

2 REYES 2:24

Chaimantami Eliseo tigrarishpa paicunata ricushpa Mandac Diospac shutipi maldiciarca. Chashna maldiciacpimi, sachamanta ishcai huarmi oso llucshishpa, chai huambracunamantaca chuscu chunga ishcai huambrata pitinacushpa huañuchirca.

1 CRÓNICAS 22:9

Riqui, canca shuc churitami charingui. Paica sumacta causac runami canga. Shinallatac muyundi llactacunapi causac tucui paita piñaccunamantapish huacaichishami. Paipac shutica Salomonmi canga. Pai causacui punzhacunapica sumac cushi causaita israelcunaman cushpami samachisha.

2 CRÓNICAS 20:30

Tucui muyundi llactacunapi causaccuna llaquichinamanta Mandac Dios huacaichishpa, sumac causaita cucpimi, Josafat mandacucpica, macanacuica mana tiyarca.

JOB 11:19

Can sueñucucpica pi mana manchachingachu. Achcacunami can ayudachun mañac shamunga.

JOB 5:23

Pambapi tiyac rumicunahuanmi ari ningui. Sachapi causac animalcunahuanpish, sumactami causangui.

SALMOS 144:14

Huagracunapish yapungapac sinchi cachun. Ñucanchicta macashpa quichungapacpish ama shamuchun. Ñucanchic plazacunapi huacanacuipish ama tiyachun.

SALMOS 147:14

Cambac llactapi cushi causaita cushpami, micuchunpish alli trigota mana nicta caran.

SALMOS 29:11

Mandac Diosca, pai acllashcacunamanca fuerzata cungami. Paicunamanca sumac causaita cushpami bendicianga.

SALMOS 3:5

Ñucaca sirirircanimi, sueñurcanimi. Mandac Dios ñucata cuidacucpimi, cayandi riccharircani.

SALMOS 4:8

Can Mandac Diosmi ñucataca imatapish mana manchashpa causachun ruhuashcangui. Chaimantami cushilla siririshpa sueñusha.

SALMOS 85:8

Mandac Dios rimashcata uyashami. Pai acllashcacunamanca cushi causaitami huillanga. Paipacllacuna imapish mana allita ama ruhuachun, ima mapapipish ama urmachunmi rimanga.

ÉXODO 23:29

Allpa shitashca pamba saquiricpi, sacha animalcuna jundashpa, cancunata ama llaquichichunca paicunataca shuc huatallapica mana llucchishpa cachashachu.

PROVERBIOS 3:24

Camapi siririshpapish mana manchanguichu. Ashtahuanpish siririshcahuanmi sumacta sueñungui.

PROVERBIOS 6:22

Chaicunaca can maita ricpipish allitami pushanga. Can sueñucucpipish cuidangami. Riccharicpipish cambac yuyaipimi rimacunga.

ISAÍAS 35:8

Chaipica chaqui ñanmi tiyanga. Chai ñantaca jucha illac ñan ningacunami. Chai ñantaca juchayuc runapish, yuyai illacpish mana puringachu. Chai ñantaca Mandac Dios munashca shina causaccunallami puringa.

ISAÍAS 35:9

Chaipica leoncunapish mana tiyangachu. Chaitaca shuctac millai animalcunapish, mana huichai shamungachu. Chaipica ima animalcunapish mana tupangachu. Chaitaca quishpirishcacunallami puringa.

ISAÍAS 45:7

Ñucami punzhatapish, amsatapish ruhuani. Ñucami cushi causaitapish, llaqui causaitapish cuni. Mandac Dios ñucami tucui caicunata ruhuarcani.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

JEREMÍAS 30:10

Mandac Dios ñucaca: «Ñucata servic Jacobolla, ama manchaichu. Israelcunalla, ama chucchuichicchu. Ñucami canpish, cambac huahuacunatapish caru llactapi prezu causacucpi, chaimanta llucchishpa quishpichisha. Jacobopac huahua huahuacunaca mana manchashpami cushilla causanga. Pipish mana ashtahuan manchachingachu.

JEREMÍAS 31:26

Riccharishpaca ñuca muscushca sumac cashcatami ricurcani.

EZEQUIEL 14:15

Cai llactaman piña animalcunata cachashpa, llaquinayaita tucuchicpica, chai llacta chaupitaca pipish mana pasai pudinmanchu, cai llactaca shitashcami saquirinman.

EZEQUIEL 14:17

Jatun macanacuita cai llactapi callarichishpaca gentecunatapish, animalcunatapish tucuchimanmi.

EZEQUIEL 14:21

Mandac Dios ñucaca: “Jerusalenpi causacuc gentecunata, animalcunata tucuchingapacca, jatun macanacuitapish, yarcaitapish, piña animalcunatapish, ungüicunatapishmi cachasha. Chai chuscu llaquicunahuanmi tucuchisha.

EZEQUIEL 34:25

Cushi causai tiyachunmi paicunahuan ari ninacusha. Cai llacta millai animalcunataca anchuchishami. Chaimantami shitashca pambapi imata mana manchashpa causanga. Sachapi cashpapish sumactami sueñunga.

EZEQUIEL 34:27

Pambapi tiyac yuracunapish pucungami. Allpapipish alli granomi pucunga. Paicunapac llactapica imatapish mana manchashpami causanga. Paicuna huatashca shina causaimanta llucchicpi, servichishpa charicuccunapac maquimanta cacharichicpimi, ñucataca Mandac Dios cashcata yachangacuna.

EZEQUIEL 5:17

Chashnami yarcaitapish, piña animalcunatapish cachashpa, cancunapac huahuacunata tucuchisha. Chaipica ungüipish, yarcaipish, jatun macanacuipishmi tiyanga nini» nirca.

OSEAS 2:18

Chai punzhapimi canta ama llaquichichun sacha animalcunahuanpish, volac animalcunahuanpish, allpata aisaric animalcunahuan ari nisha. Chai llactapica jatun macanacuita chingachishpami flechacunatapish, espadacunatapish chingachisha. Chashna ruhuacpimi, canca mana manchashpa, cushilla causangui.

OSEAS 2:20

Tucuita pactachingapacmi canhuan cazarasha. Shina ruhuacpimi, Mandac Dios ñucata ricsingui.

LEVÍTICO 25:18

Ñuca mandashcacunata cazushpa, ñuca nishcacunata pactachinguichic. Chaita ruhuashpaca, imata mana manchashpami, chai llactapica causanguichic.

LEVÍTICO 25:19

Chai llactapica allpapish sumaimana granotami pucunga. Shina pucucpica, huicsa pacta micushpami, mana manchashpa causanguichic.

LEVÍTICO 26:22

Piña sacha animalcunata cachashpami, cancunapac huahuacunatapish, animalcunatapish tucuchisha. Shina tucuchicpimi, cancuna purina ñancunapish shitashca saquiringa.

LEVÍTICO 26:25

Ñucahuan ari nishcata mana cazushcamantaca ñucapish chashnallatacmi cancunataca espadahuan llaquichiccunata cachashpa llaquichisha. Chai llaquimanta cancunapac llactapi miticugricpipish, jatun ungüita cachashpami, cancunata piñaccunapac maquipi churasha.

LEVÍTICO 26:7

Cancunata piñaccunataca manchachishpami callpachinguichic. Cancunapac maquipi urmacpimi, espadahuan huañuchinguichic.

MIQUEAS 4:4

Tucui runacunami quiquin uvas yura ucupi, higo yura ucupi pipish mana manchachishca cushilla samaringa. Chaitaca tucuita Mandac Diosmi nin.

SOFONÍAS 3:13

Saquirishca israelcunaca ima mana allita mana ruhuangachu, mana llullangachu. Llullashpa pita mana umangachu. Paicunata allita michicpimi, imatapish mana manchashpa, cushilla causanga» ninmi.

HAGEO 2:9

Cai quipa ruhuashca ñuca huasimi punta ruhuashca huasitapish yalli sumaimana canga. Caipica cushi causaitami cusha. Chaitaca tucuita Mandac Dios ñucami nini» ninmi.

ZACARÍAS 9:10

Paica Efraín llacta carretacunatapish, Jerusalenpi causaccunapac caballocunatapish tucuchingami. Macanacuna arcocunapish paquishcami canga. Llactacunapica cushi causaimi tiyanga. Paica shuctac lado mama cuchamantaca chaishuc lado mama cuchacaman, jatun yacumanta cai pacha tucuricamanmi mandanga.

SAN JUAN 14:27

Sumac cushicui causaitami cuni, sumac cushicui causaitami saquini. Ñucaca mana gentecuna cushca cushi causaitachu cuni. Chaimanta ama llaquirichicchu, ama manchaichicchu.

HECHOS 12:6

Mandac Herodesca cayandimi Pedrota carcelmanta llucchishpa, juchanchigricurca. Pedroca chai tutaca ishcai cadenacunahuan huatashca, ishcai soldadocunapac chaupipimi sueñucurca. Caishuc soldadocunaca cárcel pungupimi cuidacurca.

ROMANOS 5:1

Ñucanchic crishcamanta Dios chasquicpimi, Apunchic Jesucristomanta Dios-huan cushi causanchic.