LEVÍTICO 26:39 - Dios Rimashcata Quillcashcami

³⁹ Cancunapuramanta mana huañushpa saquiriccunaca piñaccunapac llactapimi paicunapac mana allita ruhuashcamanta, shinallatac paicunapac taitacunapac juchamanta huañungacuna.

LEVÍTICO 26:39 Iomraidhean Croise

2 CRÓNICAS 34:24

ñucami jatun mandacpac ñaupapi rezashca libropi tucui nicushca shinaca cai llactatapish, cai llactapi causaccunatapish llaquichigrini.

ESDRAS 9:7

Ñucanchic ñaupa taitacuna causai punzhamanta cunan punzhacamanmi yallita juchata ruhuashpa causashcanchic. Chashna mana allita ruhuashcamantami ñucanchicpish, jatun mandaccunapish, curacunapish shuctac llacta mandaccunapac maquipi causashcanchic. Prezu apashca, espadahuan llaquichishca, ima charishcacunatapish quichushca, pingaichishcami cunan punzhacaman causanchic.

NEHEMÍAS 1:9

Shina cacpipish, ñucaman cutirishpa, ñuca mandashcacunata cazucpica, caita chaita rishca cacpipish cutin tandachishpami ñuca shuti causachun acllashca pushtuman pushamusha” nishcanguimi.

ÉXODO 20:5

Chaicunapac ñaupapica ama cumuringuichu, ama servinguichu. Ñucaca cancunata Mandac Diosmi cani. Shuctac diosta charichunca manatac munanichu. Taitacuna ñucata piñashpa, millaita ruhuashcamantaca paicunapac huahuacunacaman, nietocunacaman shinallatac bisnietocunacamanmi llaquichisha.

ÉXODO 34:7

Huaranga huaranga huahua huahuacunacaman cuyac, mana cazushpa juchata ruhuacpipish, perdonacmi cani. Shina cacpipish, mana allita ruhuaccunataca manatac perdonashachu. Taitacuna millaita ruhuashcamantaca quimsa huahua huahuacaman, mana cashpa chuscu huahua huahuacaman llaquichicmi cani— nirca.

ISAÍAS 14:21

Taitacuna yalli mana allita ruhuashcamantaca cancunapac churicunata huañuchina pushtuta allichichic. Pacta cutin macanacungapac jatarishpa, llactacunata japishpa, cai pachapi tiyac llactacunapi jundanman» ninguichic.

ISAÍAS 24:16

Cai pachapi causaccunaca: «¡Cashcata ruhuactaca sumaimanami cangui nichicyari!» nishpa cantashcatami uyarcanchic. Chaita uyashpami ñucaca: «¡Aij, ñucaca llaquipimi cani!» nircani. Mana cazushpami ñucataca llaquichin. Urmachic runacunami ñucataca urmachin.

JEREMÍAS 29:12

Shina ruhuacpica, ñucata mañangapac shamunguichicmi. Chashna mañacpica, ñucaca uyashami.

JEREMÍAS 3:25

Ñucanchicpish, ñucanchic taitacunapish, huambramanta pachami cunan punzhacaman ñucanchicta Mandac Diosta piñachishcanchic. Ashtahuanpish Mandac Diosta mana cazushpami juchata ruhuashcanchic. Chaimantami yallita llaqui tapashca shina tucushpa, yallita pingai tucushcanchic» nincunami.

JEREMÍAS 31:29

Chai punzhacunapica: “Taitacuna jayac uvasta micushcamantami, huahuacunaca quiruta nanachin” ña mana ashtahuan ningachu.

LAMENTACIONES 1:3

Judá runacunataca sinchita servichingapacmi prezu apashca. Paicunaca llactacunapac chaupipi mana samarishpami causacun. Paicunata llaquichiccunaca yallita llaquichicun.

LAMENTACIONES 4:9

Grano mana pucucpi, yarcaihuan allimanta huañuna shinaca, allimi jatun macanacuipi huañurca.

EZEQUIEL 18:19

Cancunaca: “¿Imamantatac churica taitapac juchamanta llaquita mana apan?” nishpa tapunguichicchari. Shina cashpapish churica cashcata ruhuac cashcamantami allita ruhuarca. Chaimantami ñuca quillcachishcacunatapish tucuita cazurca. Chaimantami paica causanga.

EZEQUIEL 20:43

Chai llactapi causacushpami cancunaca utcapi ima shina causashcata, imata ruhuashpa mapayashcata yuyaringuichic. Shinami cancuna ruhuashca juchacunataca cancunallatac millanguichic.

EZEQUIEL 24:23

Umapica turbanteta, chaquipica ushutata churaringuichic. Duelo churanatapish ama churaringuichu. Ashtahuanpish cancuna mana allita ruhuashcamantami tucui huañunguichic. Cancuna mana alli cashcamanta caishuc chaishuc llaquinacunguichic.

EZEQUIEL 33:10

Shinallatac Mandac Diosca: «Huañunalla runa, israelcunataca: “Cancunaca: ‘Ñucanchic mana cazushcapish, ñucanchic juchacunapish ñitishcami causacunchic. Chaimantami ismuc shina tucuricunchic. Shina cashpaca, ¿ima shinatac causashunyari?’ nircanguichicmi.

EZEQUIEL 36:31

Chaimantami cancunaca mana alli causashcatapish, millana juchacunata ruhuashcatapish yuyarishpa, cancunallatac pingaringuichic.

EZEQUIEL 4:17

Micunapish, yacupish tucuricpica, mancharishpami caishuc chaishuc ñahuipura ricunacunga. Paicunallatac juchata ruhuashcamantami ismushpa tucuringa.

EZEQUIEL 6:9

Cancunapuramanta mana huañushpa saquiriccunaca shuctac llactacunapi prezu causacushpami, paicunapac shungupi huainayac shina, ruhuashcalla dioscunata paicunapac shungupi munashpa, ñucamanta anchuringa. Chaimantami ñuca ima shina llaquichishcata yuyaringa. Paicuna millana juchacunata ruhuashcata yuyarishpaca, yallita pingangami.

OSEAS 5:15

Paicunallatac juchata ruhuashcata yuyarishpa, ñucapacman cutingacamanmi ñuca causacushcaman risha. Paicunaca llaquirishpami, ñucataca mashcangacuna» ninmi.

ZACARÍAS 10:9

Ñuca shuctac llactacunaman caita chaita cachacpi, paicuna caru llactapi causacushpapish ñucataca yuyaringami. Paicuna chaipi huahuacunahuan causacushpapish cutimungami.

NÚMEROS 14:18

“Mana utca piñaric, yallita cuyacmi cani. Millaita ruhuaccunatapish, mana cazuccunapish perdonac, shina cashpapish mana allita ruhuashcataca mana saquishpa llaquichicmi cani. Taitacuna millaita ruhuashcamantaca huahuacunatami quimsaniqui, chuscuniqui miraicaman llaquichic cani” nishcanguimi.

DEUTERONOMIO 28:65

Chai llactapica mana samaringuichicchu. Chaqui plantapish mana samaringachu. Cancuna chaipi cacpica, Mandac Diosca cancunapac shungupica manchaitami churanga. Chaimantami llaquilla shungu puringuichic. Llaquilla ñahuicunami puringuichic.

DEUTERONOMIO 30:1

Ñuca huillashca shina, tucui llaquicuna pactashca quipa, maldiciashca quipa, bendiciashca quipaca Mandac Dios llucchishpa cachashcacunaca maipi cashpapish caita yuyarishpa llaquiringuichic.

DEUTERONOMIO 5:9

Chai dioscunapac ñaupapi ama cumuringuichu, ama adoranguichu. Ñucaca, ñucapaclla causachun munac Mandac Diosmi cani. Taitacuna juchallishcamantaca paicunapac huahuacunatami quimsaniqui, chuscuniqui huahua huahuacaman llaquichicmi cani.

DEUTERONOMIO 8:20

Mandac Diosca cancunapac ñaupapimi shuctac llactacunataca tucuchinga. Mandac Dios rimashcata cancuna mana cazucpica, chashnallatacmi cancunatapish tucuchinga.