LEVÍTICO 26:38 - Dios Rimashcata Quillcashcami

³⁸ Cancunapura macanacushpami tucuringuichic. Cancunata piñac llactacunami cancunataca tucuchinga.

LEVÍTICO 26:38 Iomraidhean Croise

ISAÍAS 27:13

Chai punzhapica jatun trompetapi tocacpimi, Asiria llactapish chingarishca puriccunapish, Egiptoman apashcacunapish shamunga. Chashna shamushpami Mandac Diostaca paipaclla urcupi tiyac Jerusalenpi mañanga.

JEREMÍAS 22:12

ashtahuanpish paita prezu apashca llactapi huañushpami, cai llactataca mana cutinca ricunga.

JEREMÍAS 42:22

Chaimanta cunanca caita alli yachacuichic. Chaica, cancuna causagrinata munashca llactapica, jatun macanacuipi yarcaihuan, jatun ungüihuanmi huañunguichic» nirca.

LEVÍTICO 26:39

Cancunapuramanta mana huañushpa saquiriccunaca piñaccunapac llactapimi paicunapac mana allita ruhuashcamanta, shinallatac paicunapac taitacunapac juchamanta huañungacuna.

DEUTERONOMIO 28:48

Chaimantami Mandac Dios cancunata piñac gentecunata cachacpi, paicunata servinguichic. Chashnami yarcaihuan yacunayaihuan cashpapish, churana illac cashpapish, tucuilaya illac cashpapish paicunata servinguichic. Paicunaca fierro yugota apachic shinami, tucuchingacaman llaquichinga.

DEUTERONOMIO 28:68

Mandac Diosca: “Egipto llactamanca manatac cai ñantaca cutinguichicchu” nircami. Shina cacpipish, chai ñanllatatacmi barcopi apanga. Chai llactapimi caripish, huarmipish cancunata piñaccunata servingapac caturisha ninguichic. Shina yuyacucpipish pi mana randisha ningachu» nirca.