LEVÍTICO 26:36 - Dios Rimashcata Quillcashcami

³⁶ Cancunapuramanta saquiriccunaca piñaccunapac llactapimi causanga. Paicunapac shungupi ñuca manchaita churacpimi, shuc yurapi panga huairahuan cuyuricllapipish manchaihuan callpanga. Espadahuan huañuchingapac caticucpi shinami, manapish pi caticucpi, callpashpa urmanga.

LEVÍTICO 26:36 Iomraidhean Croise

GÉNESIS 35:5

Paicuna llucshicpica, Dios chai llactapi causaccunaman, shinallatac chai muyundipi causaccunaman manchaita cucpimi, Jacobopac churicunata llaquichingapac mana catirca.

GÉNESIS 4:12

Can allpapi granota tarpucpipish, cutinca mana pucungachu. Cai allpapica maimanta shamushca shinami, maipi mana causai pudishpa puricunguilla— nirca.

2 CRÓNICAS 14:14

Chashnallatac Gerar pueblo muyundipi tiyac tucui pueblocunapipish macanacungapacmi yaicurcacuna. Chai pueblopi causaccunaca Mandac Dios manchaita cachacpimi, yallita chucchucurca. Chai pueblocunapica imapish achcami tiyarca. Chaimantami chai pueblocunapi tiyashcacunataca tucui aparcacuna.

JOB 13:25

Ñucaca shitashca panga shinami cani. ¿Imapactac llaquichisha ningui? Chaquishca ucsha shinami cani. ¿Imapactac catinpi llaquichisha ningui?

SALMOS 53:5

Chai gentecunaca Dios paita piñaccunapac tullucunata chirapashcamantami mana pi manchachicucpipish yallita manchaihuan chucchuncuna. Dios shitashcamantami canca pingaichircangui.

SALMOS 53:6

¡Israelcunata quishpichingapacca Sionmanta shamushca canmanlla! Dios pai acllashcacunata prezu cashcamanta cutichimucpica, Jacobopac huahua tucui israelcunami yallita cushicunga.

SALMOS 89:43

Paipac espadataca filo illactami ruhuashcangui. Jatun macanacuipipish mana ayudarcanguichu.

PROVERBIOS 28:1

Diosta mana manchac runaca pipish mana caticucpimi miticushpa callpan. Ashtahuanpish cashcata ruhuac runaca león shinami imatapish mana manchan.

ISAÍAS 30:17

Shucllami cancunapuramanta huaranga runata manchachishpa callpachinga. Pichca runacunallami tucui cancunata manchachishpa callpachinga. Chashna callpachicpimi, urcupi shuclla caspi shayacuc shina, bandera shayacuc shina tucunguichic.

ISAÍAS 7:2

Chaita Davidpac huahua huahuapura Acazman huillangapac shamushpaca: «Siria llactapi causaccunaca Efrainpac llactahuan tandanacushpami canhuan macanacungapac shamushca» nirca. Chashna nicpimi, jatun mandac Acazpac shungupish, Jerusalenpi causaccunapac shungupish huairahuan sachacuna caiman chaiman cuyuric shina chucchurca.

ISAÍAS 7:4

Acaztaca: “Siria llactamanta Rezinhuan, Remalias-huanmi piña shamucun. Shina cacpipish, canca alli yuyaihuan, mana manchashpa shuyailla. Paicunaca nina chiriyashca, ishcai cushnicuc caspi shinami.

JEREMÍAS 37:10

Cancunahuan macanacucuc caldeocunata cancuna tucuita aticpi, maijan soldadocunalla paicunapac carpa huasicunapi chugririshca saquirishpapish cai llactataca ninata churashpa tucuchingami” ninmi ningui» nirca.

JEREMÍAS 46:16

Soldadocunaca yallita mitcarishpami paicunapac jahuallapitac urmancuna. Chashna urmashpaca: “Jatariyari, ñucanchic llactaman, ñucanchic huacharishca llactaman jacuchic. Jatun macanacuimanta miticushpa callpashunchic” nincuna.

LAMENTACIONES 1:3

Judá runacunataca sinchita servichingapacmi prezu apashca. Paicunaca llactacunapac chaupipi mana samarishpami causacun. Paicunata llaquichiccunaca yallita llaquichicun.

LAMENTACIONES 1:6

Sionpi cushicunaca tucurishcami. Mandaccunapish taruga quihuata mana tarishpa puric shinami, paicunata piñaccunapac ñaupapi yallita irquiyashca puricun.

LAMENTACIONES 4:19

Ñucanchicta caticcunaca volac angatapish yalli callpaccunami carca. Urcucunata catishpa rishpami shitashca pambapi chaparca.

EZEQUIEL 21:12

Huañunalla runa, yallita caparishpa huacaiyari. Chai espadaca ñuca acllashcacunatapish, Tucui Israel llactata mandaccunatapish llaquichingapacmi tiyacun. Chaihuanmi mandaccunatapish, ñuca acllashcacunatapish espadahuanmi huañuchinga. Chaimanta cambac changata huactariyari.

EZEQUIEL 21:15

Shungupi yallita mancharichun, huañuicunapish ashtahuan mirachunmi, chai manchana espadataca tucui paicunapac pungucunapi churarcani. ¡Tucuchingapacmi jagan nicun, huañuchingapacmi allichishca tiyacun!

EZEQUIEL 21:7

Chashna huacacpi: “¿Imamantatac huacacungui?” nicpica: “Jatun llaquimi tiyagrin. Chai llaqui shamucpica, maquicunapish fuerza illacmi saquiringa. Mucucunapish yacu shinami chucchunga. Pipish imata mana ruhuai pudingachu” ningui. ¡Chai llaquica ñami chayamugrin! Chaitaca Mandac Dios ñucami nini» nirca.

OSEAS 8:3

Israelcunaca alli ruhuanataca saquircami. Chaimantami paicunata piñaccuna catishpa llaquichinga.

LEVÍTICO 26:17

Ñucaca cancunata piñashami. Shina piñacpimi, cancunata piñaccunaca atishpa chugrichinga. Cancunata mana ricunayachiccunami manchachishpa changa. Manapish pi ima nicucpimi, miticushpa puringuichic.

LEVÍTICO 26:35

Cancuna causacushca huatacunapi mana samarishca cashpami tucui chai shitashca huatacunataca samaringa.

DEUTERONOMIO 1:44

Ashtahuanpish chai urcupi causac amorreocuna tupangapac shamushpaca, avispacuna jataric shinami, Seir urcupi atishpa, Hormacaman macashpa catirca.

JOSUÉ 5:1

Jordán yacu chimba lado, inti tigrana ladoman causac amorreocunata jatun mandaccunapish, mama cucha ladopi causacuc cananeocunata jatun mandaccunapish, Jordán yacuta israelcuna pasachun Mandac Dios ima shina chaquichishcata yacharcacunami. Chaimantami paicunapac shungupi yallita manchaihuan israelcunapac ñaupapica shaicushca shina tucurcacuna.

JOSUÉ 7:5

Hai pueblopi causaccunaca israelcunataca quimsa chunga sucta runacunatami huañuchirca. Chashnami chai pueblo pungumanta Sebarím pambacaman catishpa, chai urai rina ñanpi macashpa atirca. Chaimantami israelcunaca chucchushpa, yallita mancharca.

1 SAMUEL 17:24

Tucui israelcunami chai runata ricushpaca, yallita mancharishpa paipac ñaupamanta miticungapac callparca.