LEVÍTICO 26:34 - Dios Rimashcata Quillcashcami

³⁴ Cancunata piñaccunapac llactapi cancuna causacucpica, cancunapac allpaca sumactami samaringa. Chashnami allpaca pai samana cashca punzhapi samarishpa cushicunga.

LEVÍTICO 26:34 Iomraidhean Croise

1 REYES 8:46

Juchata mana ruhuac runaca shucllapish mana tiyanchu. Canta mana cazushpa juchallicpica, paicunahuanca yallita piñaringuichari. Chashna piñarishpaca, caru llactaman cashpa, cuchulla llactaman cashpa prezu apachun, paicunata piñaccunapac maquipi churanguichari.

2 CRÓNICAS 36:21

Mandac Diosca paicunata cashna llaquichinataca Dios ima nishcata huillac Jeremiastami huillachishca carca. Paicunata chai llactaman apacpimi, Judá llactaca canchis chunga huatacunacaman sumacta samarirca.

JEREMÍAS 34:17

Chaimantami Mandac Dios ñucaca: Cancunata servic huauquicunatapish, ayudaccunatapish mana cazurcanguichicchu. Riquichic, jatun macanacuita, jatun ungüita, yarcaitami llaquichichun cacharigrini. Chashna llaquichishpami cancunataca tucui cai pachapi tiyac llactacuna pingaichichun saquigrini.

LEVÍTICO 25:10

Pichca chunga huata tucucpica, ñucapaclla cachun chicanyachinguichic. Chai huataca huatashca shinamanta cacharina huatami canga. Chaimanta tucui Israel llactapi huillanguichic. Chai huatapica tucuimi quiquin allpaman, shinallatac quiquin familiacunapacman cutinga.

LEVÍTICO 26:35

Cancuna causacushca huatacunapi mana samarishca cashpami tucui chai shitashca huatacunataca samaringa.

LEVÍTICO 26:43

Ashtahuanpish paicuna llucshishpa rishcamantaca allpaca shitashcami saquiringa. Chashna paicuna ricpimi, allpaca samarishpa cushicunga. Cutin paicunaca mana allita ruhuashpa, ñuca mandashcacunata, ñuca yachachishcacunata mana cazushcamantami llaquita apanga.