LEVÍTICO 26:30 - Dios Rimashcata Quillcashcami

³⁰ Loma jahuapi tiyac altarcunatapish, ruhuashcalla dioscunatapish ñutuchishpa tucuchishami. Cancunataca huañuchishpami cancunapac huañushca dioscunapac jahuapi shitasha. Cancunataca millashami.

LEVÍTICO 26:30 Iomraidhean Croise

GÉNESIS 19:13

Cai pueblotaca chingachigrinchicmi. Cai pueblopi causaccunaca allita mana allita ruhuaccunami nishpa caparishcaca Mandac Diospac ñaupamanmi chayashca. Chaimantami Mandac Diosca caipi causaccunata chingachichun, ñucanchictaca cacharca— nirca.

1 REYES 13:2

Paica, Mandac Dios mandacpimi chai altarta piñarishpaca: «Altar, altar, Mandac Diosca: “Davidpac huahua huahuapuramantami Josías shuti huahua huacharinga. Paimi lomacunapi tiyac altarpipish, cambac jahuapipish inciensota rupachic curacunataca, cambac jahuallapitac huañuchinga. Huañushcacunapac tullucunatapish cambac jahuallapitacmi rupachinga” ninmi» nirca.

1 REYES 13:32

Mandac Dios mandashcamanta Bet-el pueblopi tiyac altarpish, Samaria llacta pueblocunapac lomacunapi tiyac tucui altarcunapish urmangami nishpa caparishpa huillashcaca pactangami» nirca.

2 REYES 23:16

Josías cuticushpaca, huañushcacunata enterrashca jutcutami lomapi ricurca. Chai tullucunataca Mandac Dios paipac runaman huillachishca shinallatac, chai altarcunapi rupachishpa, chai altarcunata tucuchingapac tullucunata apachun cacharca.

2 REYES 23:20

Shinallatac lomacunapi tiyac altarcunapi, cac curacunatapish chai altar jahuallapitac huañuchishpami tullucunatapish chaillapitac rupachirca. Chai quipami Josiasca Jerusalenman cutimurca.

2 REYES 23:8

Judá llacta pueblocunapi causac tucui curacunatapish cayashpa tandachishpami, lomacunapi tiyac altarcunataca Geba pueblomanta callarishpa, Beerseba pueblocaman tucuchishpa saquirca. Chai altarcunapimi curacunaca inciensota rupachic carca. Shinallatac pueblota mandac Josué ruhuachishca pueblo yaicuna pungu lluqui ladopi tiyac altarcunatapish urmachircami.

2 CRÓNICAS 23:17

Chai quipami Baal diospac huasiman tucui gentecuna yaicushpa tucui urmachirca. Altarcunatapish urmachishpami, chaipi tiyac imamanpish riccha dioscunatapish ñutuchirca. Baal diosta servic Matán curatapish altar ñaupallapitacmi huañuchirca.

2 CRÓNICAS 31:1

Tucui chaicunata ruhuashca quipami chaipi tandanacushca tucui israelcunaca Judá llacta pueblocunaman rishpa, ruhuashcalla dioscunatapish, Asera huarmi diosta yuyarina yuratapish tucui paquishpa tucuchirca. Tucui Judá llacta, Benjamín llacta lomacunapi tiyac altarcunatapish urmachircacunami. Efraín llactatapish, Manasés llactatapish tucui tucuchingacamanmi urmachircacuna. Chai quipami israelcunaca paicunapac pueblocunaman, paicuna causacuc allpacunaman cutircacuna.

SALMOS 106:40

Chaimantami Mandac Diosca pai acllashcacunahuan yallita piñarirca. Paipacllatac charicushpapish millanayachircami.

SALMOS 89:38

Ashtahuanpish canllatacmi jatun mandac cachun aceitehuan cahuishca mandactaca yangapi churashcangui. Canllatacmi paihuan piñarishcangui.

ISAÍAS 27:9

Chashnami Jacobopac huahuacunapac yalli juchacunataca cungaringa. Paicuna rumimanta ruhuashca altarcunataca cabia rumita shina ñutuchishpa, Asera huarmi diosman riccha caspicunatapish, intiman riccha yanga dioscunatapish urmachishpa, Jacobopac huahuacunapac juchataca perdonanga.

JEREMÍAS 14:19

Jeremiasca: «Judá llactapi causaccunataca, ¿huiñaitachu shitarcangui? ¿Sión llactataca yallitachu millarcangui? ¿Ima nishpatac mana jambiripacta ñucanchictaca chugrichircangui? Cushi punzhata shuyacucpica, ima alli mana shamurcachu. Jambirina punzhata shuyacucpica, manchaimi shamurca.

JEREMÍAS 16:18

Paicuna mana allita ruhuashcamantaca ashtahuan yallitami llaquichisha. Paicunapac huañushca dioscunahuanmi ñuca allpataca mapayachirca. Ñuca cushca llactapimi chai millanacunata jundachirca» ninmi.

EZEQUIEL 16:39

Cantaca paicunapac maquipimi churasha. Paicunami yanga dioscunatapish, alli nina lomacunatapish, altarcunatapish urmachishpa, cambac churanacunatapish, cambac ima alajacunatapish quichushpa, lluchullata saquinga.

EZEQUIEL 43:7

Chaipi rimashpaca: «Huañunalla runa, caipimi ñuca tiyarinaca. Ñuca chaquicunataca caipimi samachisha. Caipimi israelcunahuan huiñaita causasha. Cunanca israelcunapish, jatun mandaccunapish ña mana huainayashpa, jatun mandac huañushca cuerpota lomacunapi tiyac altarcunapi churashpa, ñuca shutita mapayachingachu. Ruhuashcalla dioscunatapish ña mana ashtahuan adorangacunachu.

EZEQUIEL 6:13

Ruhuashcalla dioscunapac chaupipi, tucui altar muyundipi, lomacunapi, urcucunapi, jatun yura ucucunapi, chai dioscunaman cushpa, rupachina pushtucunapimi paicuna huañushcacunaca siricunga. Shina siricucta ricushpami, ñucataca Mandac Dios cashcata yachanguichic.

OSEAS 10:2

Israelcunaca ishcai shungumi. Chaimantami cunanca juchanchishca canga. Mandac Diosmi paicunapac altarcunatapish, yanga dioscunatapish ñutuchishpa tucuchigrin.

LEVÍTICO 20:23

Cancunapac ñaupamanta ñuca llucchishpa cachagricuc gentecuna shinaca, ama causanguichicchu. Paicunataca yalli millaita ruhuashcamantami millanayachishpa, llucchishpa cacharcani.

LEVÍTICO 26:11

Ñucaca cancunapac chaupipimi causasha, cancunata mana millashachu.

LEVÍTICO 26:15

ñuca yachachishcacunata millanayachishpa, ñuca quillcachishcacunata yangata ruhuacpi, ñucahuan ari nishcata paquicpica,

AMÓS 6:8

Tucuita ruhuac, tucuita Mandac Dios paipac shutipi ari nishpaca: «Jacobopac jatun tucushca huahua huahuacunataca mana ricunayachinichu. Mandashpa tiyana huasicunatapish millanayanmi. Chaimantami chai llactataca chaipi tucui tiyaccunandi, paicunata piñaccunapac maquipi churasha» ninmi.

AMÓS 7:9

Isaacpac, israelcunapac dioscunata yuyarina altarcunaca tucuringami. Paicunapac dioscunapac huasicunaca shitashca pambami saquiringa. Jerobopac aillutaca espadahuanmi huañuchisha— nirca.

DEUTERONOMIO 32:19

Chaita Mandac Dios ricushpami, churicunatapish, ushicunatapish piñarca.