LEVÍTICO 26:3 - Dios Rimashcata Quillcashcami

³ Ñuca yachachishca shina causashpa, ñuca mandashcacunatapish cazucpica,

LEVÍTICO 26:3 Iomraidhean Croise

NEHEMÍAS 1:9

Shina cacpipish, ñucaman cutirishpa, ñuca mandashcacunata cazucpica, caita chaita rishca cacpipish cutin tandachishpami ñuca shuti causachun acllashca pushtuman pushamusha” nishcanguimi.

ÉXODO 23:25

Canta Mandac Diosta servingui. Ñucami tandatapish, yacutapish bendiciasha. Shinallatac ñucami tucui ungüicunata canmanta anchuchisha.

ISAÍAS 1:19

Ñuca rimashcata cancuna uyashpaca, cai allpapi sumac pucushca granocunatami micunguichic.

ISAÍAS 30:23

Shina ruhuacpimi, Mandac Diosca cancuna tarpucpipish, chai tarpushcaman tamyata cachanga. Chai tamyahuanmi allpacunaca sumac grano pucunga. Chai punzhapica cancunapac animalcunatapish sumac quihua pambapimi michinguichic.

JEREMÍAS 11:4

Cai rimashcataca cancunapac ñaupa taitacunata Egiptomanta llucchimui punzhami mandarcani. Paicuna fierrota yacuyachina hornopi shina causacucpi, chaimanta llucchimushpami: Ñuca rimashcata uyashpa, ñuca mandashca shina causaichic. Shina causashpaca, ñuca acllashcacunami canguichic. Ñucapish cancunapac Diosmi casha.

LEVÍTICO 19:25

Pichca huata tucucpica, chai yuracuna ashtahuan pucuchunca, chai cancunapac granotaca micui pudinguichicmi. Ñucami cancunata Mandac Dios cani.

ZACARÍAS 8:12

Ashtahuanpish paicunapacca cushi causaica muyuta tarpushca shinami canga. Uvaspish achcami pucunga, allpapipish achca granomi pucunga, jahua pachaca tamyatami cachanga. Chai tucui allicunataca maijan saquirishcacunamanmi cusha.

MALAQUÍAS 3:10

Ñuca huasipica micuna ama illachun, chungamanta shucta apamushpa, maipi huacaichinapi churashpa ricuichic. Cancuna shina ruhuacpica, ñucapish jahua pacha ventanacunata pascashpami, yallita bendiciasha.

DEUTERONOMIO 7:12

Cancuna cai mandashcacunata yuyarashpa cazucpimi, Mandac Diosca cuyashpa, cancunapac taitacunahuan ari nishcataca pactachinga.

APOCALIPSIS 22:14

Maijanpish causaita cuc yuramanta micungapacpish, chai puebloman punguta yaicungapacpish churanata tacshariccunamanca, ¡mai cushicuimi canga!