LEVÍTICO 26:16 - Dios Rimashcata Quillcashcami

¹⁶ ñucapish cancunataca jatun manchaita, rupachic ungüita, cuerpota irquiyachic ungüita cachashpami cancunata llaquichisha. Cancunaca yangami allpapi tarpunguichic. Chai pucushca granotaca cancunata piñaccunami micunga.

LEVÍTICO 26:16 Iomraidhean Croise

1 REYES 8:37

Cai llactapica jatun yarcaipish, ungüipish, chagracuna chaquinapish, yuracuna quilluyanapish, langostacunapish mana cashpaca volashpa puric curucuna shamushpa chagrata tucuchinapish tiyangachari. Shinallatac paicuna causacuc llactaman paicunata piñaccuna shamushpa, llaquichingapac muyushpa shayaringachari, mana cashpaca imapish shuctac llaquicuna, shuctac ungüicuna tiyangachari.

JOB 18:11

Tucui ladomantami llaquicuna shamushpa manchachinga. Chaqui talonpi saruc shinami yallita manchachishpa catinga.

JOB 20:25

Paipac cuerpo huashamanmi flechaca llucshinga. Jagan nicun flechami paipac hieltaca chaupishpa pasanga. Jatun manchaimi paitaca japinga.

JOB 31:8

ñuca tarpushcatapish shuccuna micuchunlla. Ñuca tarpushcatapish pitishpa shitachunlla.

SALMOS 109:6

Paicunata llaquichichunca canta mana manchac runata churaiyari. Paipac alli ladopica Satanás shayacuchun.

SALMOS 73:19

¡Cungaillami llaquica japinga! Yallita mancharishpami tucuringacuna.

SALMOS 78:33

Chaimantami Diosca paicunataca shuc llanduta shina chingachirca. Paicunapac causacuc huatacunataca jatun llaquihuanmi tucuchirca.

ÉXODO 15:26

Chaimantami paica: —Cancunapac Mandac Dios ñuca nishcata alli uyashpa, ñucapac ñaupapi imatapish cashcata ruhuashpa, mandashcacunata tucui shunguhuan uyashpa, tucuita ruhuacpica, Egiptoman cachashca shina ungüitaca cancunapacmanca manatac cachashachu. Ñucaca cancunata jambic Mandac Diosmi cani— nirca.

PROVERBIOS 3:33

Mandac Diosca paita mana manchacpac huasitaca maldiciangami. Ashtahuanpish cashcata ruhuacpac huasitaca bendiciangami.

ISAÍAS 10:4

Cancunaca prezu caccuna shina, cumurichishca, huañuchishcacuna shina urmashcami canguichic. Chashna llaquichishpapish Mandac Diosca nina japiric shina piñarishcataca mana pasachishcachu. Ashtahuanpish llaquichingaracmi.

ISAÍAS 62:8

Mandac Dios jatun poderyuc paipac alli maquita alzashpa ari nishpaca: «Cancunata piñaccuna cancunapac trigota micuchunpish, mana ricsishca runacuna cancuna trabajashca uvas vinota ubiachunpish mana saquishachu.

ISAÍAS 7:2

Chaita Davidpac huahua huahuapura Acazman huillangapac shamushpaca: «Siria llactapi causaccunaca Efrainpac llactahuan tandanacushpami canhuan macanacungapac shamushca» nirca. Chashna nicpimi, jatun mandac Acazpac shungupish, Jerusalenpi causaccunapac shungupish huairahuan sachacuna caiman chaiman cuyuric shina chucchurca.

JEREMÍAS 12:13

Trigota jichashpaca, cashatami cosecharca. Paicuna allpapi shaicushpa trabajashcaca yangami carca. Ñuca nina japiric shina, yallita piñarishcamantami paicuna cosechacushpaca pingai tucunga» nirca.

JEREMÍAS 15:3

Mandac Dios ñucaca: “Paicunata llaquichingapacca chuscu jatun llaquicunatami churasha. Espadataca huañuchichun, allcucunataca caiman chaiman aisarichun, volac animalcunataca micuchun, sacha animalcunataca polvochunmi churasha.

JEREMÍAS 15:8

Viuda huarmicunaca mama cuchapi tiyac tiyutapish yalli achcami saquirirca. Quipa huiñaicunapac mamacunata huañuchichunca punzha pachami huañuchiccunata cacharcani. Chai llactapica mana yuyashca horasmi yalli manchaita churasha.

JEREMÍAS 20:4

Mandac Diosca: “Riqui, cantapish, canhuan tucui apanacuccunatapish jatun mancharinatami ruhuagrini. Paicunata piñaccunami espadahuan huañuchinga. Chaitaca cambac ñahuihuanmi ricungui. Judá llactapi causaccunataca Babilonia llactata jatun mandacpac maquipimi churagrini. Paimi Babilonia llactaman prezu apashpa, espadahuan huañuchinga.

JEREMÍAS 5:17

Paicunami cancunapac granotapish, ovejacunatapish, huagracunatapish, uvas chagracunatapish, higo yuracunatapish tucuchishpa, cancunapac churicunatapish, ushicunatapish micunga. Chashna ruhuashpami, cancuna shunguta churashpa, causana muyundita pircashca llactacunatapish espadacunatapish tucuchinga» ninmi.

EZEQUIEL 24:23

Umapica turbanteta, chaquipica ushutata churaringuichic. Duelo churanatapish ama churaringuichu. Ashtahuanpish cancuna mana allita ruhuashcamantami tucui huañunguichic. Cancuna mana alli cashcamanta caishuc chaishuc llaquinacunguichic.

EZEQUIEL 33:10

Shinallatac Mandac Diosca: «Huañunalla runa, israelcunataca: “Cancunaca: ‘Ñucanchic mana cazushcapish, ñucanchic juchacunapish ñitishcami causacunchic. Chaimantami ismuc shina tucuricunchic. Shina cashpaca, ¿ima shinatac causashunyari?’ nircanguichicmi.

AMÓS 5:11

Huacchacunata llaquichishpami, impuestotaca carga trigota japircanguichic. Chaimanta labrashca rumicunahuan ruhuashca huasipipish, mana causanguichicchu. Sumac uvas chagrata charishpapish, mana vinota ubianguichicchu.

MIQUEAS 6:15

Tarpushpapish mana cosechanguichu. Olivos granota cutashpapish, chai aceitehuanca mana cahuiringuichu. Uvasta capishpapish vinotaca mana ubianguichu.

HAGEO 1:6

Cancunaca achcata tarpushpapish, ashallatami japinguichic. Micushpapish mana sacsanguichicchu. Yacuta ubiashpapish, yacunayaita mana pasachinguichicchu. Churarishpapish, mana cunuringuichicchu. Cullquimanta trabajac runaca lliqui mochilapimi cullquita huacaichin.

ZACARÍAS 14:12

Mandac Diosca Jerusalenpi causaccunahuan macanacuc gentecunataca cai ungüihuanmi llaquichinga. Paicuna causacucllapitacmi paicunapac aichaca ismunga. Ñahui murucunapish chaillapitacmi chaquinga. Callupish shimillapitacmi tucuringa.

MALAQUÍAS 2:3

Ñucami cancunapac huahua huahuacunataca llaquichisha. Ñucaman cushpa huañuchishca animal huanutapish cancunapac ñahuipimi shitasha. Cancuna fiestata ruhuashpa, animalta huañuchishca huanundimi cancunataca shitasha.

DEUTERONOMIO 28:51

Paicunaca cancuna tucuringacamanmi cancunapac animalcuna mirashcatapish, allpapi pucushcatapish tucui micunga. Cancuna huañushpa tucuringacamanmi allpapi tucui pucushcatapish, animalcuna mirashcatapish tucui micunga. Shinami cancuna tucuringacaman trigotapish, mushuc vinotapish, aceitetapish, ovejacuna mirashcatapish, vacacuna mirashcatapish mana saquinga.

DEUTERONOMIO 32:25

Canzhapica espadacunahuan tucuchinga. Ucupica yalli manchaimi tucuchicunga. Chashnami mosocunatapish, solteracunatapish, chuchucuc huahuatapish, yuyaccunatapish tucuchinga.

HEBREOS 10:31

¡Causac Diospac maquimanta urmanaca yalli llaquimi!

JUECES 6:11

Mandac Diospac ángel rishpaca abiezeritapuramanta Joaspac Ofra pambapi tiyac encina yura ucullapimi tiyarirca. Joaspac churi Gedeonca madianitacunamanta pacangapacmi vinota capina pushtupi trigota huactacurca.

1 SAMUEL 2:33

Cambac ñahui amsayashpa, shungupi yallita llaquirichunmi, ñuca altarpi rupachishpa causac cambac huasi ucupuramanta maijanta saquisha. Tucui cambac huasipi causaccunaca cunan huiñai runacunami huañunga.