LEVÍTICO 25:6 - Dios Rimashcata Quillcashcami

⁶ Allpaca samana huatacunapish canman, canta servic caricunamanpish, servic huarmicunamanpish, cullquimanta trabajaccunamanpish, caru llacta cancunahuan causac runacunamanpish pucungami.

LEVÍTICO 25:6 Iomraidhean Croise

2 REYES 19:29

Ima tucuna cashcata Isaías, Ezequiasman ricuchishpaca: Cai huatapish, quipa huatapish paillatac huiñashca granotami micunguichic. Ña quimsa huata tucucpica, cancuna tarpushca granotami cosechanguichic. Uvastapish tarpushpami, chai chagramanta micunguichic.

ÉXODO 23:11

Canchisniqui huatapica cambac llactamanta huacchacuna, sacha animalcuna micuchunmi saquina cangui. Chashnami uvas chagratapish, olivos yuracunatapish ruhuana cangui.

LEVÍTICO 25:20

Canchis huata tucucpi, imata mana tarpushpa, imata mana cosechashpaca: ‘¿Imatatac micushunyari’ ninguichicchari?

LEVÍTICO 25:21

Ñucaca suctaniqui huatapi tarpushca chagratami ashtahuan alli pucuchisha. Chaimantami quimsa huatapac micunata charinguichic.

LEVÍTICO 25:5

Shinallatac cosechashca quipa iñal chagratapish, ama cosechanguichicchu. Paillatac huiñashca uvas chagratapish ama allichinguichicchu, ama cosechanguichicchu. Chai huataca allpata samachina huatami can.

LEVÍTICO 25:7

Cambac animalcunamanpish, cai allpapi tiyac sacha animalcunamanpish micuna tiyangami.

HECHOS 2:44

Tucui criccunami shuc yuyailla carcacuna. Tucui paicunapac charishcacunaca tucuipacmi carca.

HECHOS 4:32

Criccunaca achca cashpapish, tucuimi shuc shungulla, shuc yuyailla carcacuna. Pi “caica ñucapacmi, chaica cambacmi” mana ninacucchu carca. Chaimantami ima charishcacunapish tucuipac carca.