LEVÍTICO 24:9 - Dios Rimashcata Quillcashcami

⁹ Mandac Dios ñucaman cushpa tandacunaca ñucapaclla chicanyachishcami. Chaimantami Aaronpish, paipac churicunapish ñucapaclla chicanyachishca pushtupi micunga. Cai mandashcaca huiñaita pactachichun mandashcami can» nirca.

LEVÍTICO 24:9 Iomraidhean Croise

ÉXODO 27:21

Chai lamparacunataca Aaronmi paipac churicunandi Mandac Dios ñucapac ñaupapi, ñucahuan tupana ucupi mandashcacunata huacaichishca paño canzhapi, chishimanta tutamantacaman japichishpa charinga. Caicunataca tucui israelcunapish, paicunapac huahua huahuacunapish huiñaita pactachichunmi, mandashpa quillcashca.

LEVÍTICO 10:12

Moisés Aaronpac saquirishca churi Eleazartapish, Itamartapish rimashpaca: «Mandac Diosman cushca grano ofrendaca paipaclla chicanyachishcami. Rupachishca puchuta japishpa, altar ladopi levadura illacta micunguichic.

LEVÍTICO 10:17

—Juchata pichachun Diosman cushca chivotaca, ¿ima nishpatac chicanyachishca pushtupi mana micurcanguichic? Chai aichaca Diospaclla chicanyachishcami. Chai aichaca israelcunapac juchacunata cancunaman apachishpa, Mandac Dios perdonachunmi curca.

LEVÍTICO 21:22

Shina cashpapish, ñucapaclla chicanyachishcamanta ashtahuan chicanyachishcataca micui pudinmi.

LEVÍTICO 24:10

Chai punzhapica Israel huarmimanta huacharishca Egipto runapac churimi israelcunapurapi causacurca. Paimi shuc punzhaca carpa huasi cuchupi shuc Israel runahuan piñanacurca.

LEVÍTICO 3:17

Cai mandashcacunaca huiñaipacmi canga. Maipi cashpapish cai mandashcacunata cazushcamantami huiratapish, yahuartapish mana micuna can” ningui» nirca.

LEVÍTICO 6:11

Chai quipaca churanata llucchishpa, shuctac churanata churarishpami, uchupataca carpa huasimanta caruman apashpa, chuyanlla pambapi shitanga.

LEVÍTICO 6:16

Chai puchuca Aaronmi paipac churicunandi micunga. Chaitaca levadura illactami Dios-huan tupana huasi canzha pambaman rishpa, Diospaclla chicanyachishca pushtupi micunga.

LEVÍTICO 6:9

«Aaronmanpish, paipac churicunamanpish ima shina tucui rupachinata huillai. Tucuita rupachina animalca pacaringacamanmi tucui tuta altar jahuapi rupana can. Ninapish tucui tutami rupashpa, pacarina can.

LEVÍTICO 8:3

Chaimantaca tucui israelcunata ñucahuan tupana huasi pungupi tandachi» nirca.

LEVÍTICO 8:31

Moisés Aarontapish, paipac churicunatapish rimashpaca: «Dios-huan tupana huasi yaicunapi aichata yanushpa, Diospaclla cachun chicanyachina tazapi cac tandahuan chaillapitac micuichic. Chaicunataca ñucami: “Aarón, paipac churicunahuanmi micunga” nishpa mandarcani.

MALAQUÍAS 1:12

Shina cacpipish cancunaca: “Mandac Diospac mizapish, chaipi tiyac micunapish millanami” nishpami, yangapi churarcanguichic.

SAN MATEO 12:4

Paicunaca Diosta mañana huasiman yaicushpami, Diosman cushca tandataca mana micuna cacpipish micurcacuna. Chaitaca curacunami micuc carca.

MARCOS 2:26

Abiatar curacunata mandacui punzhapimi, Davidca Diosta mañana huasiman yaicushpa, Diosman cushca tandacunata paihuan puriccunahuan micurca. Chai tandataca pipish mana micunallachu carca, curacunallami micuna carca— nirca.

SAN LUCAS 6:4

Paica Diosta mañana huasiman yaicushpami, Diosman cushca tandata micurca. Shinallatac paihuan puriccunamanpish curcami. Chai tandataca mana pipish micunallachu carca, ashtahuanpish curacunallami micuna carca— nirca.

1 SAMUEL 21:6

Shina nicpimi, Ahimelecca ashtahuan shuc tanda mana tiyashcamanta Diosman chicanyachishca tandata Davidman curca. Chai punzhaca cunuclla tandata churangapacmi Mandac Diospac ñaupamanta chai tandataca anchuchishpa charicurca.