LEVÍTICO 24:8 - Dios Rimashcata Quillcashcami

⁸ Chai tandacunataca tucui samana punzhami israelcunapac shutipi, ñucahuan ari nishcata pactachingapac churanga.

LEVÍTICO 24:8 Iomraidhean Croise

1 CRÓNICAS 23:29

Shinallatac Diosman chicanyachishca tandatapish, ashtahuan alli harinatapish, levadura illac galletatapish, sartenpi cusashpa Diosman cunatapish, medinacunatapish, pezanacunatapish cuidacmi carca.

1 CRÓNICAS 9:32

Cohatpac huahua huahuapuramanta maijancunaca paicunapac huauquicunahuanmi samana punzhapi Diosman cuna tandata sumacta churac carcacuna.

2 CRÓNICAS 13:11

Paicunami tutamantapish, chishipish animalcunata Diosman cushpa tucui rupachicun. Mishquilla ashnacuc inciensotapish paicunami rupachicun. Shinallatac ima mapa illac mizapimi Diosman tandata churacun. Curi candeleropi tiyac lamparacunatapish tucui chishicunami ninata japichincuna. Ñucanchicca, ñucanchicta Mandac Dios imata mandashcatami pactachinchic. Ashtahuanpish cancunaca saquishcanguichicmi.

2 CRÓNICAS 2:4

Riqui, ñucaca, ñucata Mandac Diosmanmi shuc huasita shayachinata yuyarircani. Chai huasipimi mishquilla inciensota paipac ñaupapi rupachisha nini. Paipaclla chicanyachishca tandatapish, punzhanta tutamantapish, chishipish Diosman cushpa rupachingapac, samana punzhacunapi, llullu quilla punzhacunapi Diosman cushpa huañuchingapac, shinallatac ñucanchicta Mandac Diosta yuyarishpa shuc jatun fiestata ruhuangapacmi shayachisha nini. Caicunatami israelcunapac huahua huahuacunaca huiñaita ruhuacungalla.

NEHEMÍAS 10:33

Diosman cuna tandapac, punzhanta cuna ofrendapac, Diosman animalta cushpa punzhanta rupachingapac, samana punzhacunapi, llullu quilla punzhacunapi, fiesta punzhacunapi cungapac. Shinallatac Diosman chicanyachishpa cungapac animalta israelcunapac juchamanta cushpa huañuchingapac, ñucanchic Diospac huasipi imata ruhuachun cungapacmi ñucanchicllatac ari nircanchic.

ÉXODO 25:30

Chai miza jahuapica punzhanta ñucaman cushca tandata churangui. Ñucapac ñaupamantaca jaicapi mana illanachu can.

NÚMEROS 4:7

Tandata churana miza jahuapica azul pañota tendishpa, chai jahuapi platocunata, cucharacunata, tallina vinota, vasocunata, jarrocunata, punzhanta ñucapac ñaupapi churana tandatapish churanga.

1 SAMUEL 21:7

Chai punzhallatacmi Saulta servicpuramanta shuc runa Mandac Diospac huasipi saquirishca carca. Paica Saulpac ovejacunata michiccunata mandac Edom llactamanta Doegmi carca.