LEVÍTICO 24:6 - Dios Rimashcata Quillcashcami

⁶ Mandac Dios ñucapac ñaupapi cac curi miza jahuapi ishcai filata ruhuashpa, suctata cada filapi churangui.

LEVÍTICO 24:6 Iomraidhean Croise

1 REYES 7:48

Chashnallatacmi Salomonca Mandac Diospac huasipi tucui ima charishcacunataca ruhuachishpaca, curi altarta, curillamantatac ruhuashca mizatapish ruhuachircami. Chai mizapimi Diosman carana tandaca tiyacurca.

2 CRÓNICAS 13:11

Paicunami tutamantapish, chishipish animalcunata Diosman cushpa tucui rupachicun. Mishquilla ashnacuc inciensotapish paicunami rupachicun. Shinallatac ima mapa illac mizapimi Diosman tandata churacun. Curi candeleropi tiyac lamparacunatapish tucui chishicunami ninata japichincuna. Ñucanchicca, ñucanchicta Mandac Dios imata mandashcatami pactachinchic. Ashtahuanpish cancunaca saquishcanguichicmi.

2 CRÓNICAS 4:19

Salomonca Diospac huasipi tucui ima tiyanacunata ruhuachishpaca curi altartapish ruhuarcami. Shinallatac Diosman chicanyachishca tandata churana mizacunatapish ruhuarcami. Chai mizapimi Diosman cuna tandaca tiyacurca.

NEHEMÍAS 10:33

Diosman cuna tandapac, punzhanta cuna ofrendapac, Diosman animalta cushpa punzhanta rupachingapac, samana punzhacunapi, llullu quilla punzhacunapi, fiesta punzhacunapi cungapac. Shinallatac Diosman chicanyachishpa cungapac animalta israelcunapac juchamanta cushpa huañuchingapac, ñucanchic Diospac huasipi imata ruhuachun cungapacmi ñucanchicllatac ari nircanchic.

NEHEMÍAS 10:34

Diospac huasiman curacunapish, levitacunapish, tucui israelcunapish, mandashcapi nishca shina, ñucanchic taitacunapac huasi ucupura ima shina cashca shina ñucanchic Mandac Diospac altarpi rupachingapac huatanta yantata apamungapacmi suerteta ruhuarcanchic.

ÉXODO 25:30

Chai miza jahuapica punzhanta ñucaman cushca tandata churangui. Ñucapac ñaupamantaca jaicapi mana illanachu can.

ÉXODO 39:36

Shinallatac Mizatapish, mizapi churana vasocunatapish, Diosman cuna tandatapish,

EZEQUIEL 41:22

Caspi altarca altomanca shuc metro chaupimi carca. Largomanpish, anchomanpish shuc metromi carca. Chai altarca tucui ladomi caspimanta carca. Chaita ricuchishpami ñucataca: «Caica Mandac Diospac ñaupapi tiyana mizami» nirca.

1 CORINTIOS 14:40

Ashtahuanpish imata ruhuashpapish, allita ruhuaichic. Ama maipish cachun ruhuaichicchu.

HEBREOS 9:2

Dios-huan tupana huasica cai shinami carca: Yaicushcallapica Diospaclla ucumi carca. Chaipica candeleropish, Diosman cushca tandata churana mizapishmi carca.