LEVÍTICO 24:4 - Dios Rimashcata Quillcashcami

⁴ Mandac Dios ñucapac ñaupapi punzhanta achicyachichunca, alli curi candelerocunatami filapi churana can.

LEVÍTICO 24:4 Iomraidhean Croise

1 REYES 7:49

Shinallatac Diospac chicanyachishca ucu chimba ladopica ashtahuan alli curi candelerocunatami pichcataca alli ladoman pichcataca lluqui ladoman churarca. Chaicunapica curita ruhuashca sisacunandi, lamparacunandi, tenazacunandimi churarca.

1 CRÓNICAS 28:15

Shinallatac curimanta candelerocunata, candeleropi churana lamparacunata curimanta ruhuachunmi cada candeleropac pactaipacta pezashpa curca. Cullquimanta candelerocunata, chai candelerocunata churana lamparata ruhuachunmi cullquita cada candeleropac pactaipacta pezashpa curca.

2 CRÓNICAS 29:7

Diospac huasi corredor pungucunata huichcashpami, lamparacunatapish huañuchirca. Inciensotapish mana rupachircachu. Diospac huasipi israelcunata Mandac Diosman animalcunata cushpa rupachinatapish saquishcacunami.

ÉXODO 31:8

Mizatapish, chai jahuapi tiyaccunatapish, curi candelerotapish, chaipi tiyaccunatapish, inciensota rupachina altartapishmi ruhuanga.

ÉXODO 39:37

alli curimanta ruhuashca candelerotapish, chaipi churana lamparacunatapish, chaipi imalla tiyaccunatapish, luzta japichina aceitetapish apamurcami.

JEREMÍAS 52:19

Cuidac soldadocunata mandacca inciensota rupachinacunatapish, lavacaracunatapish, vasocunatapish, uchilla mangacunatapish, candelerocunatapish, uchilla platocunatapish, uchilla lavacaracunatapish aparcami. Curi vasocunatapish, cullqui vasocunatapish tucuitami aparca.

LEVÍTICO 24:3

Chaitaca ñucahuan tandanacuna huasi ucupi cac ñucapaclla jarcachishca pushtupi ñucapac ñaupapi tutapish, punzhapish japirichunca, Aaronmi allichinga. Cai mandashcacunaca cancunapac huahua huahuacuna maipi causashpapish huiñaita pactachichun mandashcami can.

NÚMEROS 3:31

Paicunami Arcatapish, candelerocunatapish, altarcunatapish, Dios-huan tupana huasi ucupi tucui imalla tiyashcacunatapish, Diospaclla chicanyachishca ucupi imalla ruhuanacunatapish, jarcachishca pañocunatapish, tucui imalla tiyashcacunatapish ricucurca.

NÚMEROS 4:9

Chai quipaca azul pañohuan achicyachic candelabrota, mechacunata pitinacunandi, platillocunata, aceiteta churanacunami catanga.

NÚMEROS 8:2

«Aarontaca: “Candeleropi cac canchis lamparacunata japichishpaca, ñaupa ladota achicyachichun churangui” nishpa, mandangui» nirca.

HEBREOS 9:2

Dios-huan tupana huasica cai shinami carca: Yaicushcallapica Diospaclla ucumi carca. Chaipica candeleropish, Diosman cushca tandata churana mizapishmi carca.

APOCALIPSIS 1:20

Ñuca alli maquipi canchis lucerocunata charicushca, shinallatac canchis candelerocunata can ricushcaca caitami nisha nin: Canchis lucerocunaca, canchis pueblocunapi cac tandanacushca criccunapac angelcunami. Shinallatac canchis candelerocunaca, canchis pueblopi cac tandanacushca criccunami can» nirca.

APOCALIPSIS 11:4

Chai ishcai huillaccunaca cai pachata Mandac Diospac ñaupapi shayacuc ishcai olivos yuracuna, shinallatac ishcai candelerocunami can.

APOCALIPSIS 2:5

Chaimanta can maimanta mana allita ruhuanata callarircangui, chaita yuyarishpa Diosman llaquirishpa cutiri. Callaripi ima shina cashca shinallatac cai. Can llaquirishpa Diosman mana cutiricpica, cambacman utca shamushpa, cambac candelerota maipi tiyacushcamanta anchuchishami.