LEVÍTICO 23:11 - Dios Rimashcata Quillcashcami

¹¹ Chai gavillataca samana punzha cayandimi curaca cuyuchishpa, ñucaman cunga. Chashna cucpimi, ñucaca chasquisha.

LEVÍTICO 23:11 Iomraidhean Croise

ÉXODO 28:38

Chashnami Aaronca chai placataca paipac frentepi apashpa puringa. Chaimi israelcuna ofrendata ñucaman cushpa rupachicushpa, ima pandarishcataca pai apanga. Shina paipac frentepi placata churashca cacpimi, ofrendataca chasquisha.

ÉXODO 29:24

Chaitaca Aaronpac shinallatac paipac churicunapac maquipi churangui. Shina churacpimi, paicunaca cuyuchishpa ñucaman cunga.

LEVÍTICO 10:14

Alzashpa cushca pecho aichatapish, changa aichatapish chuyanlla pushtupi canpish, cambac churicunapish, ushicunapish micunguichic. Israelcuna Dios-huan alli tucungapac cushca aichaca cambac, cambac huahua huahuacunapacmi canga.

LEVÍTICO 23:10

«Tucui israelcunataca: “Cancuna ñuca cushca llactaman yaicushpa, cosechashpaca shuc gavillata curaman cunguichic. Chai gavillaca punta ñucaman cushcami canga.

LEVÍTICO 23:12

Punta pucushca gavillata cui punzhallatacmi shuc huatayuc ima mana tucushca cari ovejata ñucaman cushpa tucui rupachina canguichic.

LEVÍTICO 9:21

Mandac Dios Moisesta mandashca shinallatacmi Aaronca chai pecho aichatapish, alli lado changatapish cuyuchishpa Diosman curca.

RUT 1:22

Chashnami Noemica Moab llactamantaca moabitapuramanta paipac nuera Ruthuan Belenman cutirca. Paicunaca cebadata cosechana callari punzhacunapimi chayamurcacuna.